Karthika Deepam: వంటలక్క, డాక్టర్ బాబు లేచిపోయారు.. మోనితకు షాకిచ్చిన దుర్గ!
Karthika deepam:బుల్లితెరపై ప్రసారమవుతున్న కార్తీకదీపం సీరియల్,కుటుంబ కథా నేపథ్యంతో కొనసాగుతూ ప్రేక్షకుల్ని బాగా ఆకట్టుకుంటుంది. ఇక ఈరోజు నవంబర్ 7వ తేదీన ఏం జరుగుతుందో తెలుసుకుందాం.
ఈరోజు ఎపిసోడ్ ప్రారంభంలోనే.. ఇక్కడ ఆటో స్టాండ్ వారందరిని అడిగేసాం.. ఆటో వారు ఎవరికి ఇంద్రుడు కానీ శౌర్య కానీ తెలీదు అని చెబుతున్నారని డాక్టర్ బాబు వంటలక్కతో అంటాడు. మరోవైపు ఇంద్రుడు శౌర్య కోసం వెతుకుతుంటారు.. ఎలా అయినా తీసుకురావాలని అనుకుంటుంటాడు. ఇక అటు శౌర్య నేను వెనక్కి వెళ్ళిపోతాను, మీతో రాను అని తెగేసి చెబుతుంది. వాళ్ళని చూస్తే భయమేస్తుంది అమ్మ.. ఇక్కడ వొద్దు వెళ్ళిపోదాం అని అంటున్నా నేను వెళ్ళిపోతానంటూ మొండికేస్తుంది.
రోడ్డుపై నడుస్తూ వస్తున్న కార్తీక్ దీపాలకు కారులో నుంచి శౌర్య గొంతు వినిపిస్తుంది. దాంతో ఇద్దరు పరిగెత్తుకుంటూ వెళ్తారు అయిన కూడా పట్టుకోలేకపోతారు. మరోవైపు కారును ఫాలో చేసిన ఇంద్రుడు శౌర్యను తీసుకెళ్ళిపోతాడు. నేను రాను తాతయ్య, అమ్మనాన్న కనిపించే వరకు నేను ఇంటికి రాను అని చెప్పి ఇంద్రుడుతో వెళ్ళిపోతుంది. శౌర్య మాటలకూ ఆనంద్ రావు, హిమలు కన్నీళ్లు పెట్టుకుంటారు. ఇక ఆటోలో ఊరి వదిలి వెళ్ళిపోదాం శౌర్య అని ఇంద్రుడు చెప్తాడు.
సంగారెడ్డి హిల్లలో అమ్మానాన్న ఉండొచ్చు అక్కడ వెళ్లి వెతుకుదాం అని అంటాడు. అందుకు శౌర్య కూడా ఒప్పుకుంటుంది. మరోవైపు వంటలక్క ఇంటికి మోనిత వస్తుంది. ఇంటికి తాళం చూసి ఈ టైమ్ లో ఎక్కడికి వెళ్లారు అని అనుకుంటుంటే అప్పుడే అక్కడికి వచ్చిన దుర్గ నీ బాధ భరించలేక లేచిపోయారు అని అంటాడు. రేయ్ ఎం మాట్లాడుతున్నావ్ భార్య భర్తలు ఎక్కడైనా లేచిపోతారా అని మోనిత అంటే ఆ రికార్డు నీకే సొంతం బంగారం అని దుర్గ అంటాడు.
పరాయి ఆడదాని భర్తని నా భర్తే అని చెప్పుకునే ఆడవాళ్లు ఉన్నప్పుడు వాళ్ళు లేచిపోవడంలో తప్పేముంది బంగారం అని సెటైర్ వేస్తాడు. డాక్టర్ బాబుకు గతం గుర్తుకొచ్చేసిందని మోనితతో దుర్గ బాంబు పిలుస్తాడు. ఆ మాటలకూ మోనిత షాక్ అయ్యి ఆ ఛాన్సే లేదు.. డాక్టర్ బాబుకు గతం గుర్తొచ్చే అవకాశం లేదని మోనిత అంటే నీ మీద ఒట్టు బంగారం డాక్టర్ బాబుకు గతం గుర్తొచ్చేసిందని దుర్గ అంటాడు.
ఇక సీన్ కట్ చేస్తే డాక్టర్ బాబు, వంటలక్క కారులో ఇంద్రుడు ఇంటికి వస్తారు. ఆ ఇంటికి తాళం ఉండడంతో భయపడిపోతారు. ఇల్లు వదిలి వెల్లిపోయారు ఏమో అనుకుంటారు. కానీ వెళ్లలేదని ఇంటి పక్కన వారు చెప్తారు. ఇక అక్కడే పడేసిన అమ్మానాన్న ఎక్కడున్నారు అనే స్టిక్కర్ చూసి ఇంద్రుడు మన పాపను మనకు ఇవ్వకూడదు అనుకుంటున్నారు అందుకే తీసేసారు అని డాక్టర్ బాబు, వంటలక్క అనుకుంటారు. సరేలే ఇక్కడే వెయిట్ చేద్దాం అంటే వద్దు డాక్టర్ బాబు వెళ్ళిపోదాం అని వంటలక్క బ్రేక్ వేస్తుంది.
అదేంటీ శౌర్య ఇక్కడుందని వద్దామని అనే నువ్వు వెళ్ళిపోదాం అంటున్నవ్ అని డాక్టర్ బాబు అడిగితే నాకు ఎందుకు అనుమానంగా ఉంది డాక్టర్ బాబు.. అందుకే డాక్టర్ బాబు వెళ్ళిపోదాం అంటున్నాను.. వాళ్ళు చూసి మనదగ్గరకు రాకపోతే కష్టం అని... రేపు ఉదయమే వచ్చేద్దాం అని చెప్పి డాక్టర్ బాబుని వంటలక్క తీసుకెళ్తుంది. మరోవైపు శౌర్య గురించి ఆలోచిస్తూ హిమ, ఆనంద్ రావులు కన్నీళ్లు పెట్టుకుంటారు. అసలు అమ్మానాన్నలు ఉన్నారా తాతయ్య అని బాధపడుతుంది.
మరో సీన్ లో మోనిత టెన్షన్ పడుతుంటుంది. కార్తీక్ కు గతం గుర్తొచ్చిందా? నిజంగానే వంటలక్క, డాక్టర్ బాబు లేచిపోయారా నిజామా అని టెన్షన్ పడుతుంటుంది. అయినా గతం గుర్తొస్తే నన్ను తొక్కి వెళ్ళిపోతాడు కానీ అలా దొంగచాటుగా లేచిపోరు కదా అని మోనిత ఆలోచిస్తుంది. సరే ఫోన్ చేద్దామని చేస్తే ఫోన్ పని చేయకపోవడంతో నేను ఇన్నాళ్లు కష్టపడింది వీళ్ళు ఇలా లేచిపోవడానికి.. ఇప్పుడు నేనేం చెయ్యాలి అని మోనిత తలా పట్టుకుంటుంది. ఇక్కడితో ఎపిసోడ్ పూర్తవుతుంది.