కేజీఎఫ్ 2, పుష్ప 2 రికార్డులను బద్దలుకొట్టిన కాంతార చాప్టర్ 1..ఇది మాత్రం ఊర మాస్ రచ్చ

Kantara Chapter 1 Trailer : విడుదలైన 24 గంటల్లో అత్యధిక వ్యూస్ సాధించిన ట్రైలర్ల జాబితాలో కేజీఎఫ్ 2, పుష్ప 2 రికార్డులను రిషబ్ శెట్టి 'కాంతార చాప్టర్ 1' ట్రైలర్ బద్దలుకొట్టింది.

Image Credit : X

Most Viewed Trailer in 24 hours

సినిమాను ప్రజల్లోకి తీసుకెళ్లడంలో ట్రైలర్లు కీలక పాత్ర పోషిస్తాయి. ట్రైలర్ బాగుంటే సినిమాపై అంచనాలు పెరిగి, తొలిరోజు చూసేలా ప్రోత్సహిస్తుంది. అలా అంచనాలు పెంచిన సినిమానే కాంతార చాప్టర్ 1.

Image Credit : YouTube

కాంతారకు ప్రీక్వెల్

2022 బ్లాక్‌బస్టర్ 'కాంతార'కు ప్రీక్వెల్ ఇది. రిషబ్ శెట్టి దర్శకత్వంలో హోంబాలే ఫిలింస్ నిర్మించింది. అక్టోబర్ 2న విడుదల కానుంది. దీని ట్రైలర్‌కు అన్ని భాషల్లోనూ అద్భుతమైన స్పందన వస్తోంది.

Image Credit : X

కాంతార చాప్టర్ 1 ట్రైలర్ రికార్డుల మోత 

కాంతార చాప్టర్ 1 ట్రైలర్ 24 గంటల్లో సాధించిన వ్యూస్ ను చిత్ర బృందం అధికారికంగా ప్రకటించింది. అన్ని భాషల్లో కలిపి 24 గంటల్లో 107 మిలియన్ల (10.7 కోట్లు) వ్యూస్ సాధించిందని తెలిపింది.

Image Credit : instagram

అత్యధిక వ్యూస్ సాధించిన ట్రైలర్

దీంతో 24 గంటల్లో అత్యధిక వ్యూస్ సాధించిన ట్రైలర్ల జాబితాలో 'కాంతార చాప్టర్ 1' రెండో స్థానంలో నిలిచింది. సలార్ (113.2M) మొదటి స్థానంలో ఉండగా, కేజీఎఫ్ 2 (106.5M), పుష్ప 2 (104.2M) రికార్డులను కాంతార అధిగమించింది.