- Home
- Entertainment
- Kannappa Collections: రెండో రోజు పెరిగిన `కన్నప్ప` కలెక్షన్లు.. మొత్తంగా ఎంత వచ్చాయి? ఇంకా ఎంత రావాలి?
Kannappa Collections: రెండో రోజు పెరిగిన `కన్నప్ప` కలెక్షన్లు.. మొత్తంగా ఎంత వచ్చాయి? ఇంకా ఎంత రావాలి?
మంచు విష్ణు ప్రతిష్టాత్మకంగా రూపొందించిన `కన్నప్ప` మూవీ శుక్రవారం విడుదలై ఆకట్టుకుంటోంది. తాజాగా ఈ మూవీ రెండు రోజుల కలెక్షన్ల రిపోర్ట్ బయటకు వచ్చింది.
`కన్నప్ప`తో చాలా ఏళ్ల తర్వాత మంచు విష్ణుకి విజయం
మంచు విష్ణు ఎట్టకేలకు హిట్ కొట్టాడు. కొన్ని ఏళ్ల తర్వాత ఆయనకు హిట్ పడింది. శుక్రవారం విడుదలైన `కన్నప్ప` చిత్రానికి పాజిటివ్ టాక్ వచ్చిన విషయం తెలిసిందే. దీంతో మంచు విష్ణు ఖుషీ అయ్యారు. ఇన్నాళ్లకి హిట్ రావడంతో ఆయన ఎమోషనల్ అయ్యారు.
ఈ సక్సెస్ని నమ్మలేకపోతున్నారు. అదే సమయంలో తనకు హిట్ కొట్టడం తప్ప మరో ఆప్షన్ లేదని ఓపెన్ అయ్యారు. సినిమా కోసం తన ఆస్తులన్నింటిని తాకట్టు పెట్టినట్టు తెలిపారు మంచువిష్ణు.
`కన్నప్ప` కలెక్షన్లకు హెల్ప్ అవుతున్న భారీ కాస్టింగ్
కన్నప్ప చరిత్ర నేపథ్యంలో రూపొందిన ఈ మూవీలో ప్రభాస్, మోహన్ లాల్, అక్షయ్ కుమార్, కాజల్, మోహన్ బాబు వంటి భారీ కాస్టింగ్ నటించడంతో సినిమా రేంజ్ మారిపోయింది. పాన్ ఇండియా వైడ్గా ఇది సత్తాని చాటుతుంది.
మంచి వసూళ్లని రాబడుతుంది. ఈ మూవీ మొదటి రోజు రూ.20కోట్లు వసూళు చేసినట్టు టీమ్ వెల్లడించింది. ఈ నేపథ్యంలో ఇప్పుడు రెండో రోజు కలెక్షన్ల వివరాలు బయటకు వచ్చాయి.
`కన్నప్ప` రెండు రోజుల కలెక్షన్లు
`కన్నప్ప` మూవీ రెండో రోజు కలెక్షన్లు పెరిగాయి. రెండో రోజు రూ.22.5కోట్లు వచ్చినట్టు తెలుస్తోంది. దీంతో ఈ మూవీకి మొత్తంగా రెండు రోజుల్లో రూ.42.5కోట్ల కలెక్షన్లు వచ్చాయి.
అంటే సుమారు రూ.22కోట్ల షేర్ వసూలు చేసింది. ఈ మూవీని దాదాపు వంద కోట్లతో రూపొందినట్టు సమాచారం. అంటే సినిమా రెండు వందల కోట్ల గ్రాస్ వసూలు చేస్తే నిర్మాతలు సేఫ్ అవుతారు.
ఆదివారం కలెక్షన్లు మరింతగా పెరిగే అవకాశం ఉంది. ఈ లెక్కన ఇది మూడు రోజుల్లో అరవై కోట్ల నుంచి డెబ్బై కోట్ల వరకు రాబట్టే ఛాన్స్ ఉంది. ఈ మూవీకి లాంగ్ రన్ ఉంటుంది. అది కలిసొచ్చే అంశంగా చెప్పొచ్చు.
`కన్నప్ప` ఓటీటీ రైట్స్ భారీ రేటు
అయితే `కన్నప్ప` సినిమాకి సంబంధించి ఇప్పటి వరకు ఎలాంటి బిజినెస్ జరగలేదు. అంతా సొంతంగానే రిలీజ్ చేశారు. ఓటీటీ బిజినెస్ కూడా కాలేదు. సినిమాకి పాజిటివ్ టాక్ వస్తోన్న నేపథ్యంలో ఓటీటీ రైట్స్ భారీగానే పలికే ఛాన్స్ ఉంది.
పైగా ధైవత్వంతో కూడిన మూవీ కావడం, శివతత్వాన్ని తెలియజేసే మూవీ కావడంతో ఓటీటీలోనూ దీనికి మంచి ఆదరణ దక్కుతుంది. కాబట్టి ఓటీటీ రేట్ భారీగానే వచ్చే ఛాన్స్ ఉందని తెలుస్తోంది. ఆడియో, శాటిలైట్ రూపంలో కూడా మంచి రేట్స్ వస్తాయని టీమ్ ఆశిస్తుంది.
ఇవన్నీ సినిమాకి బోనస్గా నిలవబోతున్నాయి. మొత్తానికి చాలా ఏళ్ల తర్వాత మంచు విష్ణు పెద్ద హిట్ కొట్టాడని చెప్పొచ్చు. ఈ మూవీ టాక్ని చూసి నిర్మాతలు విష్ణుకు అడ్వాన్స్ లు ఇస్తున్నారట. ఇది సంతోషంగా ఉందన్నారు విష్ణు.
కన్నప్ప చరిత్ర ఆధారంగా రూపొందిన `కన్నప్ప` మూవీ
మంచు విష్ణు కన్నప్పగా నటించిన `కన్నప్ప` చిత్రాన్ని మోహన్ బాబు నిర్మించారు. శ్రీకాళహస్తిలో జన్మించిన తిన్నడు దేవుడిని నమ్మడు. అలాంటి వ్యక్తి శివభక్తుడు ఎలా అయ్యాడు?
అసలు కన్నప్ప ఎవరు? అనే కథాంశంతో ఈ చిత్రాన్ని రూపొందించారు. హిందీలో మహాభారతంని రూపొందించిన దర్శకుడు ముఖేష్ కుమార్ సింగ్ ఈ మూవీకి దర్శకత్వం వహించడం విశేషం.