కన్నప్ప, గీతాంజలి, సత్యాభామ తో పాటు మహాశివరాత్రి స్పెషల్ ఫస్ట్ లుక్స్..

మహా శివరాత్రితో పాటు.. ఉమెన్స్ డే కూడా కలిసి రావడంతో.. టాలీవుడ్ నుంచి ఫస్ట్ లుక్స్ కనువిందు చేస్తున్నాయి. మంచు విష్ణు కన్నప్పతో పాటు.. మరికొన్నిసినిమాల ఫస్ట్ లుక్స్ రిలీజ్ అయ్యాయి. 

చాలా కాలంగా టాలీవుడ్ ఆడియన్స్ ఎదురుచూస్తున్న టైమ్ రానే వచ్చింది. మంచు విష్ణు ప్రతిష్టాత్మకంగా తెరకెక్కిస్తోన్న కన్నప్ప మూవీ నుంచి ఫస్ట్ లుక్ ను రిలీజ్ చేసింది టీమ్.   మంచు విష్ణు  హీరోగా  మోహ‌న్ బాబు నిర్మాణంలో వ‌స్తున్న ఈ చిత్రానికి మహాభారతం సీరియల్ ఫేమ్ ముఖేష్‌కుమార్‌ సింగ్‌  దర్శక‌త్వం వ‌హిస్తున్నాడు. ప్ర‌స్తుతం ఈ సినిమా షూటింగ్ శ‌ర‌వేగంగా జ‌రుపుకుంటున్న విష‌యం తెలిసిందే.  పాన్‌ ఇండియా స్థాయిలో  రూపొందుతున్న ఈసినిమా నుంచి మ‌హాశివ‌రాత్రి కానుక‌గా  మేక‌ర్స్ మంచు విష్ణు ఫ‌స్ట్ లుక్ విడుద‌ల చేశారు.ఈ ఫ‌స్ట్ లుక్‌లో విష్ణు జలపాతం నుంచి ఎంట్రీ ఇస్తూ.. బాణంను ఎక్కుపెట్టిన‌ట్లు క‌నిపిస్తున్నాడు. ప్ర‌స్తుతం ఈ పోస్ట‌ర్ నెట్టింట వైర‌ల్‌గా మారింది. మ‌రోవైపు ఈ సినిమాలో మోహన్‌లాల్‌, మోహన్‌బాబు, ప్రభాస్‌ వంటి అగ్ర తారలు భాగమవుతున్నారు.

తొలి సినిమాతోనే హీరో గా  ఆకట్టుకున్న సూపర్ స్టార్ కృష్ణ మనవడు, సూపర్ స్టార్ మహేష్ బాబు మేనల్లుడు అశోక్ గల్లా.. చేస్తున్న రెండో సినిమా దేవకీనందన వాసుదేవ.  గుణ 369 ఫేమ్ అర్జున్ జంధ్యాల దర్శకత్వంలో చేస్తున్నారు. క్రియేటివ్ డైరెక్టర్ హను మాన్ ఫేం ప్రశాంత్ వర్మ ఈ సినిమాకు కథ అందిస్తుందగా.. ప్రముఖ రచయిత సాయి మాధవ్ బుర్రా డైలాగ్స్ అందిస్తున్నారు. ఈమూవీ నుంచి మహాశివరాత్రి సందర్భంగా స్పెషల్ లుక్ ను రిలీజ్ చేశారు టీమ్.  లలితాంబిక ప్రొడక్షన్స్‌లో ప్రొడక్షన్‌ నెం. 1గా ఎన్‌ఆర్‌ఐ (ఫిల్మ్ డిస్ట్రిబ్యూటర్‌) సోమినేని బాలకృష్ణ ఈ చిత్రాన్ని నిర్మిస్తున్నారు. నల్లపనేని యామిని సమర్పిస్తున్నారు.

విశ్వక్‌సేన్‌  హీరోగా నటిస్తున్న తాజా చిత్రం గ్యాంగ్స్‌ ఆఫ్‌ గోదావరి. రౌడీ ఫెలో, ఛల్ మోహన్‌రంగ వంటి సినిమాలు తీసిన కృష్ణ చైతన్య  ఈ సినిమాకు దర్శకత్వం వహిస్తున్నాడు. డీజే టిల్లు ఫేం నేహాశెట్టి  ఫీమేల్‌ లీడ్ రోల్‌లో నటిస్తోంది. ఇక ఈ మూవీ నుంచి విమెన్స్ డే సందర్భంగా  మేకర్స్‌ అంజలికి సబంధించిన ఫస్ట్ లుక్ ఫోస్టర్ ను రిలీజ్ చేశారు. గతంలో ఈసినిామ నుంచి వచ్చిన అప్ డేట్స్ కు మంచి రెస్పాన్స్ కూడా వస్తోంది. 

స్టార్ హీరోయిన్ కాజల్ అగర్వాల్ నటిస్తున్న సినిమా సత్యభామ. అఖిల్‌ డేగల దర్శకత్వంలో తెరకెక్కుతోన్న ఈమూవీని... ఆరమ్‌ ఆర్ట్స్‌ పతాకంపై బాబీ తిక్క తో కలిసి  శ్రీనివాసరావు తక్కళపల్లి  నిర్మిస్తున్నారు. ఈ మూవీ నుంచి ఉమెన్స్ డే సందర్భంగా కాజల్ ఫస్ట్ లుక్ ను రిలీజ్ చేశారు టీమ్. 

సుహాస్ హీరోగా ప్రవీణ్‌ కుమార్ దర్శకత్వం వహిస్తున్న సినిమా శ్రీరంగనీతులు. ఈ సినిమాలో కార్తిక్‌ రత్నం మరో ప్రధాన హీరోగా నటిస్తున్నాడు. ప్రస్తుతం షూటింగ్ దశలో ఉన్న ఈసినిమా నుంచి మహాశివరాత్రి సందర్భంగా స్పెషల్ లుక్ పోస్టర్ ను రిలీజ్ చేశారు మూవీ టీమ్. సుహాస్‌, కార్తిక్‌ రత్నంతో పాటు నటి రుహాని శర్మ ఉన్న పోస్టర్‌ను రిలీజ్‌ చేశారు.  రాధావి ఎంటర్‌టైనమెంట్స్ బ్యానర్‌పై వెంకటేశ్వర రావు బల్‌మూరి నిర్మిస్తున్నాడు. ప్రస్తుతం శరవేగంగా షూటింగ్‌ జరుపుకుంటున్న ఈ సినిమా ఇదే ఏడాది ద్వితియార్థంలో రిలీజ్‌ కానుంది.

 ఇక సౌత్ స్టార్ హీరోయిన్  అంజలి టైటిల్ రోల్‌లో న‌టిస్తున్న తాజా చిత్రం  గీతాంజలి మళ్లీ వచ్చింది  2014లో కామెడీ అండ్ హార్ర‌ర్ బ్యాక్‌డ్రాప్‌లో వ‌చ్చిన సూప‌ర్ హిట్ చిత్రం ‘గీతాంజలి’ సినిమాకు సీక్వెల్ గా తెరకెక్కుతోందీమూవీ.  ఇక ఈ సినిమాలో శ్రీనివాస్‌ రెడ్డి హీరోగా నటిస్తుండగా. సత్యం రాజేశ్‌, షకలక శంకర్‌, అలీ త‌దిత‌రులు కీలక పాత్రల్లో న‌టిస్తున్నారు. అంజలి 50వ సినిమాగా రానున్న ఈ మూవీకి కోనా వెంకట్ కథ ను అందించారు. ఇక ఈరోజు ఉమెన్స్ డే కానుకగా హీరోయిన్ అంజలి ఫస్ట్ లుక్ ను రిలీజ్ చేశారు టీమ్.