నాకు ఆస్కార్ అవార్డు వద్దు, ఎమర్జెన్సీ సినిమాకు ఇస్తే తీసుకోను, కంగనా రనౌత్ ఘాటు వ్యాఖ్యలు

ఎమర్జెన్సీ సినిమాకు ఆస్కార్ అవార్డ్ వద్దంటోంది కంగనా రనౌత్. ఇచ్చినా తను తసుకోనంటోంది. అంతే కాదు తనకు కావల్సిన అవార్డ్ గురించి కంగన చేసిన కామెంట్స్ వైరల్ అవుతున్నాయి. ఇంతకీ ఆమె ఏమంటుందంటే? 

Kangana Ranaut Prefers National Award : కంగనా రనౌత్ నటించిన ఎమర్జెన్సీ సినిమా నెట్‌ఫ్లిక్స్‌లో విడుదలైన తర్వాత వచ్చిన రివ్యూలను నటి ఇన్‌స్టాగ్రామ్‌లో షేర్ చేసింది. ఈ సినిమాకు ఆస్కార్ అవార్డు రావాలని ఒకరు ట్వీట్ చేశారు. దానికి కంగనా రిప్లై ఇచ్చింది. ఆ రిప్లై ఇప్పుడు వైరల్ అవుతోంది. 

ఎమర్జెన్సీ సినిమాను కంగనా రనౌత్ డైరెక్ట్ చేసింది. ఈ సినిమాకు జీవీ ప్రకాష్ కుమార్ మ్యూజిక్ అందించాడు. ఈ సినిమా జనవరిలో రిలీజ్ అయింది. భారీ అంచనాల మధ్య రిలీజ్ అయిన ఎమర్జెన్సీ సినిమా ఫ్లాప్ అయింది. థియేటర్లలో ఫ్లాప్ అయిన ఈ సినిమా రీసెంట్‌గా నెట్‌ఫ్లిక్స్ ఓటీటీలో రిలీజ్ అయింది.

ఎమర్జెన్సీ మూవీ

అప్పుడు ఎమర్జెన్సీ సినిమా చూసిన ఒక ఫ్యాన్ ఈ సినిమాను ఇండియా నుంచి ఆస్కార్ అవార్డుకు పంపాలని ఎక్స్(X)లో పోస్ట్ చేశాడు. దాన్ని కంగనా తన ఇన్‌స్టాగ్రామ్‌లో షేర్ చేసి రిప్లై ఇచ్చింది.

అందులో "అమెరికా తన నిజమైన ఫేస్ చూపించాలనుకోవడం లేదు. ఎదుగుతున్న దేశాలను ఎలా బెదిరించి, అణగదొక్కి, లొంగదీసుకుంటారో ఎమర్జెన్సీ సినిమా చూపిస్తుంది. అందుకే వాళ్ల ఆస్కార్ అవార్డు వాళ్ల దగ్గరే ఉండనివ్వండి. మాకు జాతీయ అవార్డు ఉంది" అని కంగనా రిప్లై ఇచ్చింది. 

ఆస్కార్స్‌ను తిరస్కరించిన కంగనా

సినిమా ప్రొడ్యూసర్ సంజయ్ గుప్తా ఈ సినిమాను ఒక రాంగ్ యాంగిల్‌లో చూశానని, కానీ కంగనా యాక్టింగ్‌లో, డైరెక్షన్‌లో తనను ఆశ్చర్యపరిచిందని, ఈ సినిమా వరల్డ్ క్లాస్ అని కంగనా ఒక స్క్రీన్ షాట్ షేర్ చేసి రిప్లై ఇచ్చింది.

ఎమర్జెన్సీ మూవీ పోస్టర్

సినిమా వాళ్లు ద్వేషం, రాంగ్ ఒపీనియన్ నుంచి బయటకు వచ్చి మంచి విషయాలను అభినందించాలి. అలా అభినందించిన సంజయ్ జీకి థాంక్స్. రాంగ్ ఒపీనియన్ ఉన్న సినిమా క్రిటిక్స్‌కు నేను చెప్పేది ఏమిటంటే నా గురించి ఏ ఒపీనియన్ పెట్టుకోకండి. నన్ను ఎవ్వరూ అంచనా వేయకండి. నేను మీ అంచనాలకు అందని వ్యక్తిని" అని కంగనా చెప్పింది.