- Home
- Entertainment
- Jagapathi Babu: సౌందర్య కు జగపతి బాబు ప్రేమలేఖ, ఇన్నాళ్లకు నిజం చెప్పిన జగ్గూబాయ్..
Jagapathi Babu: సౌందర్య కు జగపతి బాబు ప్రేమలేఖ, ఇన్నాళ్లకు నిజం చెప్పిన జగ్గూబాయ్..
ఒకప్పటి స్టార్ హీరోయిన్, దివంగత నటి సౌందర్యకు టాలీవుడ్ ఫ్యామిలీ హీరో జగపతి బాబు లవ్ లెటర్ రాశారని అప్పట్లో పెద్ద రూమర్ నడిచింది. ఇన్నేళ్ల తర్వాత, ఓ ఇంటర్వ్యూలో ఈ ప్రశ్న ఎదురవడంతో జగపతి బాబు ఫస్ట్ టైమ్ రియాక్ట్ అయ్యారు. ఇంతకీ జగ్గూబాయ్ ఏం చెప్పారు?
జగపతి బాబు - సౌందర్యపై రూమర్..
వెండితెరపై 'మహానటి' అనిపించుకున్న సౌందర్య గురించి ఎంత చెప్పినా తక్కువే. ఆమె అమాయకపు చూపు, అద్భుతమైన నటనకు ఫిదా అవ్వని వాళ్లు లేరు. కేవలం 32 ఏళ్లకే అభిమానులను విషాదంలో ముంచి.. ఈ లోకాన్ని విడిచి వెళ్లిపోయింది సౌందర్య. ఓ ప్రమాదంలో ఆమె మరణించగా.. ఆమె స్థానాన్ని ఇప్పటికీ ఎవరూ భర్తీ చేయలేకపోయారు.
అయితే, సౌందర్య కెరీర్ పీక్స్లో ఉన్నప్పుడు ఒక వార్త ఇండస్ట్రీని షేక్ చేసింది. అప్పటి ఫ్యామిలీ హీరో జగపతి బాబు ఆమెకు ప్రేమలేఖ రాశారనే రూమర్ వైరల్ అయ్యింది. ఇన్నేళ్ల తర్వాత తాజాగా ఆ పుకార్లపై జగపతి బాబు స్వయంగా స్పందించారు.
సక్సెస్ఫుల్ పెయిర్ వెనుక ఓ గాసిప్!
టాలీవుడ్ చరిత్రలో జగపతి బాబు, సౌందర్యలది ఒక సక్సెస్ఫుల్, మ్యాజికల్ పెయిర్. వాళ్లిద్దరూ తెరపై కనిపిస్తే చాలు, సినిమా హిట్టే అని సెంటిమెంట్ ఇండస్ట్రీలో ఉండేది. వాళ్ల మధ్య ఉన్న అద్భుతమైన కెమిస్ట్రీ చూసి చాలా మంది.. "వీళ్ల మధ్య ఏదో నడుస్తోంది" అని అనుకునేవారు. సరిగ్గా అదే టైంలో ఒక గాలివార్త ఇండస్ట్రీని షేక్ చేసింది. జగపతి బాబు పేజీల ప్రేమ లేఖ రాసి సౌందర్యకు పంపించారనే మాటలు అప్పట్లో ఫిల్మ్ నగర్లో తెగ చక్కర్లు కొట్టాయి.
జగపతి బాబు స్ట్రాంగ్ కౌంటర్..
రీసెంట్గా జరిగిన ఓ ఇంటర్వ్యూలో జగపతి బాబుకు ఇదే పాత ప్రశ్న ఎదురైంది. "మీరు నిజంగా సౌందర్యకు లవ్ లెటర్ రాశారా?" అని అడగ్గానే, జగపతి బాబు ఒక్క క్షణం నవ్వి, ఆ తర్వాత సీరియస్ అయ్యారు. "అదంతా పచ్చి అబద్ధం, చెత్త మాట!" ఆ రూమర్స్ను తేలిగ్గా కొట్టిపారేశారు. "నేను ఈ ఇండస్ట్రీలో 30 ఏళ్లుగా ఉన్నాను. అలాంటి చీప్ పనులు చేయడం నాకు నచ్చదు. ఇదంతా ఎవరో కావాలనే పుట్టించిన కట్టుకథ" అని ఖరాఖండిగా చెప్పేశారు.
సౌందర్యను తలుచుకుని ఎమోషనల్
సౌందర్య గురించి మాట్లాడుతూ జగపతి బాబు చాలా ఎమోషనల్ అయ్యారు. "సౌందర్య కేవలం ఒక అద్భుతమైన నటి మాత్రమే కాదు, ఆమెది బంగారు మనసున్న వ్యక్తిత్వం. అలాంటి స్వచ్ఛమైన స్నేహానికి మసి పూయాలని చూడటం చాలా తప్పు. నేను, మా ఇండస్ట్రీ మొత్తం ఆమెను ఇప్పటికీ మిస్ అవుతున్నాం" అంటూ తన స్నేహితురాలిని గుర్తుచేసుకున్నారు.
చిన్నవయస్సులోనే మరణించిన మహానటి..
2004లో జరిగిన ఘోర హెలికాప్టర్ ప్రమాదంలో సౌందర్య మరణించారు. అప్పటికే ఆమె మూడు నెలల గర్భవతి అని తెలుస్తోంది. తెలుగు, తమిళ, కన్నడ ఇండస్ట్రీలో స్టార్ హీరోల సరసన బ్లాక్ బస్టర్ హిట్ సినిమాలు చేసింది. సౌత్ ప్రేక్షకుల గుండెల్లో చిరస్థాయిగా నిలిచిపోయారు. 32 ఏళ్ల అతిచిన్న వయసులో ఆమె మరణం అభిమానులు ఇప్పటికీ జీర్ణించుకోలేకపోతున్నారు.
