పీకల్లోతు అప్పుల్లో జబర్దస్త్ కమెడియన్, యాంకర్ శ్రీముఖి తో సినిమా చేసి కోట్లు పోగొట్టుకున్నాడా..?
ఒక్క సినిమాతో ఉన్నదంతా పోగొట్టుకుని..పీకల్లోతు అప్పుల్లో మునిగిపోయాడట ఓ జబర్థస్త్ కమెడియన్. యాంకర్ శ్రీముఖితో చేసిన ఆ సినిమా.. ఓ భారీ బడ్జెట్ మూవీ కింద నలిగిపోయిందట. ఇంతకీ ఎవరా కమెడియన్..?
టాలీవుడ్ లో స్టార్ కమెడియన్ గా.. జబర్థస్త్ లో టీమ్ లీడర్ గా.. ఇండస్ట్రీలో తనకంటూ ఓ ప్రత్యేక ఇమేజ్ ను సాధించాడు ఓ నటుడు. కాని కొన్ని నిర్ణయాలు అతన్నీ అప్పుల ఊబిలోకి లాగేశాయి. పీకల్లోతు కష్టాల్లో మునిగిపోయిన ఈ నటుడు.. రీసెంట్ గా తేరుకుని.. మెగా ఫోన్ పట్టాడు.. స్టార్ కాస్ట్ తో సినిమా తెరకెక్కిస్తున్నాడు.
మోక్షజ్ఞ కోసం కత్తిలాంటి హీరోయిన్, బాలయ్య ప్లాన్ మామూలుగా లేదుగా..?
ఇంతకీ ఆ కమెడియన్ ఎవరో కాదు ధనరాజ్. దనాధన్ ధనరాజ్ గా ఫేమస్ అయిన ఈ నటుడు.. ముందు సినిమాల్లో కమెడియన్ గా ఫేమస్ అయ్యాడు. రాజా, జై, పరుగు, పిల్లజమిందారు, భీమిలి కబడ్డి జట్టు.. ఇలా వరుస సినిమాలతో రచ్చ చేశాడు ధనరాజ్. ఆతరువాత వచ్చిన కొంత మంది కమెడియన్ల వల్ల ధనరాజ్ కు అవకాశాలు తగ్గాయి. దాంతో జబర్ధస్త్ స్టేజ్ ఎక్కడు. ఈ స్టేజ్ ను దడదడలాడించాడు ధనరాజ్.
జబర్థస్త్ లో టీమ్ లీడర్ గా.. మంచి మంచి స్కిట్లతో సక్సెస్ లు కొడుతూ వెళ్లాడు. ఆతరువాత చిన్న గా జబర్థస్త్ స్టేజ్ ను వదిలేసి.. మళ్లీ సినిమాల్లో నటించడం స్టార్ట్ చేశాడు ధనరాజ్. జబర్థస్త్ లో స్కిట్లు చేస్తున్న టైమ్ లోనే.. సినిమా అవకాశాలు కూడా అందిపుచ్చుకున్న ఈ నటుడు.. ఆతరువాత సినిమాలకే పరిమితం అయ్యాడు. నటుడిగానే మిగిలిపోకుండా.. నిర్మాతగ, దర్శకుడుగా పలు అవతారాలు ఎత్తాడు.,
లాస్ట్ ఇయర్ సముద్ర ఖని లీడ్ చేసిన విమానం సినిమాలో మంచి రోల్ చేశాడు ధనరాజ్. ఆ వెంటనే అనూహ్యంగా మెగా ఫోన్ చేతబట్టి ‘రామం రాఘవం’ అనే సినిమా చేస్తున్నట్లు ప్రకటించాడు. నటుడిగా కొనసాగుతూనే ఈ ప్రయోగానికి శ్రీకారం చుట్టాడు స్టార్ కమెడియన్. ఇక విమానం సినిమాను లీడ్ చేసిన మల్టీ టాలెంటెడ్ ఆర్టిస్ట్ సముద్రఖనిని ఈసినిమాకు ఓప్పించాడు. షూటింగ్ చివరిదశలో ఉన్న ఈ సినిమాను ఇదే ఏడాది ప్రేక్షకుల ముందుకు తీసుకురావాలని సన్నాహాలు చేస్తున్నారు.
ఇక ఈ విషయాలు పక్కన పెడితే.. ధనరాజ్ సినిమాకు బాహుబలి వల్ల తీరని నష్టం జరిగిందట. ధనరాజ్ ఓ సారి నిర్మాతగా మారి ఓ సినిమా తెరకెక్కించాడు. యాంకర్ శ్రీముఖి హీరోయిన్ గా ధనలక్ష్మి తలుపు తడితే అనే సినిమాను ప్రొడ్యూస్ చేశాడు. ఈసినిమా కోసం తన దగ్గర ఉన్నదంతా పెట్టేశాడట, ఇంకా సరిపోకపోవతే.. స్నేహితుల దగ్గర అప్పు చేశాడట. ఇంత కష్టపడి చేసిన సినిమా మంచి రిజల్ట్ కూడా ఇచ్చిందట.
అయితే రిలీజ్ అయిన వారం రోజుల వరకూ బాగా ఆడిందట ఈమూవీ. కాని వారం రోజులకు బాహుబలి సినిమా రిలీజ్ అవ్వడంతో తన సినిమా వెనక్కి వెళ్ళిపోయిందన్నారు ధనరాజ్. దాంతో కలెక్షన్లు లేక నష్టాపాలు అవ్వాల్సి వచ్చిందని ఓ సందర్భంలో వెల్లడించాడు ధనరాజ్. ఆతరువాత మళ్లీ పుంజుకోవడానికి చాలా సమయం పట్టిందట. ఎన్నో కష్టాలు కూడా అనుభవించానంటున్నాడు ఈస్టార్ కమెడియన్.