విశాల్ కు హ్యాండ్ ఇచ్చిన గౌతమ్ మేనన్ .. ? తన సినిమాలో హీరోను మార్చాడా..?

హీరో విశాల్ కు డైరెక్టర్ గౌతమ్ మీనన్ హ్యాండ్ ఇచ్చారా..? విశాల్ హీరోగా సినిమా చేస్తానని చెప్పి.. వేరే హీరోను తీసుకోబోతున్నాడా..? 

గౌతమ్ మేనన్

ప్రేమకథా చిత్రాల దర్శకుడు గౌతమ్ మేనన్. ఆయన దర్శకత్వం వహించిన ప్రతీ సినిమా భిన్నంగా ఉంటుంది.  ఈ సినిమాలన్నీ కాలాతీత ప్రేమ కథలు. ఇలాంటి అద్భుతమైన సినిమాలు తీసిన గౌతమ్ మేనన్ ఒకానొక సమయంలో సినిమా నిర్మాణంలోకి దిగి తీవ్ర నష్టాలను చవిచూశారు. ఆయన దర్శకత్వం వహించిన సినిమాలు కూడా ప్లాప్ అవుతూ వచ్చాయి. 

దర్శకుడు గౌతమ్ మేనన్

ఈ పరిణామాలతో  దర్శకత్వాన్ని వదిలి నటనపై దృష్టి సారించారు గౌతమ్. ఏ పాత్ర ఇచ్చినా చేస్తానని చెప్పేంతగా చాలా సినిమాల్లో నటించారు. ఇప్పుడు మళ్ళీ దర్శకత్వం వైపు దృష్టి సారించిన గౌతమ్ మేనన్, డొమినిక్ అనే మలయాళ చిత్రానికి దర్శకత్వం వహించారు. ఈ చిత్రంలో మలయాళ సూపర్ స్టార్ మమ్ముట్టి హీరోగా నటించారు. ఈ సినిమా త్వరలో విడుదల కానుంది.

విశాల్, గౌతమ్ మేనన్

ఇదిలా ఉండగా, గౌతమ్ మేనన్ దర్శకత్వంలో తర్వాత ఎవరు హీరోగా నటిస్తారనే ఆసక్తి నెలకొని ఉంది. ఇటీవల మదగజరాజా సినిమా సక్సెస్ మీట్‌లో మాట్లాడిన విశాల్, తాను తర్వాత గౌతమ్ మేనన్ దర్శకత్వంలో సినిమా చేస్తున్నట్టు చెప్పారు. ఇది విన్న అభిమానులు ఇది భిన్నమైన కాంబినేషన్ అని అన్నారు. విజయ్ నటించాల్సిన యోహన్ సినిమానే విశాల్‌తో గౌతమ్ మేనన్ తీయబోతున్నారని కూడా వార్తలు వచ్చాయి.

రవి మోహన్ ( జయం రవి)

కానీ, ఇప్పుడు ట్విస్ట్ ఏంటంటే, గౌతమ్ మేనన్ తన తర్వాతి సినిమాలో హీరోగా నటించడానికి రవి మోహన్‌తో చర్చలు జరుపుతున్నారట. వెట్రిమారన్ రాసిన కథకు దర్శకత్వం వహించబోతున్నానని, అందులో హీరోగా నటించడానికి  జయం రవి తో చర్చిస్తున్నానని చెప్పారు. దీంతో విశాల్ సినిమాను గౌతమ్ మేనన్ వెయిటింగ్ లిస్ట్‌లో పెట్టేశారా అనే ప్రశ్న తలెత్తుతోంది. మరి చివరకు ఏమౌతుందో చూడాలి.