- Home
- Entertainment
- Prabhas: ఒక హీరో మా ఇంటికొచ్చి నన్ను హగ్ చేసుకోవడం అదే మొదటిసారి.. ప్రభాస్కి షాకిచ్చిన స్టార్ ఎవరంటే?
Prabhas: ఒక హీరో మా ఇంటికొచ్చి నన్ను హగ్ చేసుకోవడం అదే మొదటిసారి.. ప్రభాస్కి షాకిచ్చిన స్టార్ ఎవరంటే?
Prabhas: ప్రభాస్ ఇంటికి మొదటిసారి ఒక హీరో వెళ్లి ఆయన్ని విష్ చేశాడట. సినిమా సక్సెస్ గురించి అభినందించాడట. ఆ సమయంలో జరిగిన సంఘటనని ప్రభాస్ పంచుకున్నారు.
ఇండియా లెక్కలు మార్చిన హీరో ప్రభాస్
ప్రభాస్.. రెబల్ స్టార్ కృష్ణంరాజు వారసుడిగా సినిమాల్లోకి వచ్చాడు. ఇప్పుడు పాన్ ఇండియా హీరోగా ఎదిగాడు. తెలుగు సినిమానే కాదు, భారతీయ సినిమా లెక్కలు మార్చేశాడు. ఇప్పుడు అంతర్జాతీయ స్థాయి సినిమాలు చేస్తూ బిజీగా ఉన్నాడు. ప్రభాస్ `ఈశ్వర్` మూవీతో హీరోగా మారాడు. `వర్షం` మూవీతో బ్రేక్ అందుకున్నాడు. ఆ తర్వాత `ఛత్రపతి`, `మిస్టర్ పర్ఫెక్ట్`, `డార్లింగ్`, `మిర్చి`, `బాహుబలి` చిత్రాలతో తన రేంజ్ని పెంచుకున్నారు. `సలార్`, `కల్కి 2898 ఏడీ`లతో అదరగొట్టిన ప్రభాస్ ఇప్పుడు పలు భారీ సినిమాలతో రాబోతున్నారు.
ప్రభాస్ ఇంటికొచ్చిన స్టార్ హీరో
ఈ క్రమంలో ప్రభాస్కి సంబంధించిన ఒక ఆసక్తికర విషయం తెలిసింది. ఒక హీరో మొదటిసారి తన ఇంటికొచ్చి తనని సర్ప్రైజ్ చేసిన సంఘటనని ప్రభాస్ పంచుకున్నారు. అది తనకు షాక్గా అనిపించిందట. ఒక సినిమా రిలీజ్ టైమ్లో, పాజిటివ్ టాక్ రావడంతో, రిలీజ్ అయిన మొదటి రోజే ఒక స్టార్ హీరో తన ఇంటికి వచ్చాడట. అది తనని షాక్కి గురి చేసిందని, ఆ సంఘటన నమ్మలేకపోయానని తెలిపారు ప్రభాస్.
ప్రభాస్ ఇమేజ్ మార్చిన మిస్టర్ పర్ఫెక్ట్
మరి ఆ హీరో ఎవరు? ఆ కథేంటి? అనేది చూస్తే, ప్రభాస్ వరుస మాస్ కమర్షియల్ చిత్రాల తర్వాత ఫ్యామిలీ ఎంటర్టైనర్ చేశారు. అదే `మిస్టర్ పర్ఫెక్ట్`. ఈ మూవీకి దశరత్ దర్శకత్వం వహించారు. 2011లో విడుదలైన ఈ మూవీ పెద్ది హిట్ అయ్యింది. ప్రభాస్ ఇమేజ్ని మార్చిందని చెప్పొచ్చు. అంతకు ముందే `డార్లింగ్` క్లాస్ హిట్. దాన్ని కంటిన్యూ చేస్తూ ఈ చిత్రం వచ్చింది. ఆకట్టుకుంది. అయితే ఈ సినిమా ఆడుతుందా లేదా అనేది పెద్ద డౌట్. ప్రభాస్ టెన్షన్ పడ్డాడట. ఆడియెన్స్ ఎలా రిసీవ్ చేసుకుంటారని బాగా కంగారు పడ్డాడట.
ప్రభాస్ ఇంటికొచ్చిన మొదటి హీరో ప్రభాస్
సినిమా రిలీజ్ రోజు ఆయన బయటకు కూడా రాలేదు. అలాంటి సమయంలో ఊహించని అతిథి తన ఇంటి తలుపు తట్టాడు. ఆయన ఎవరో కాదు, అల్లు అర్జున్. ప్రభాస్కి మంచి స్నేహితుడనే విషయం తెలిసిందే. అయితే ప్రభాస్ అప్పటి వరకు చాలా సినిమాలు చేశారు. కానీ మొదటి రోజు ఇలా ఏ హీరో తన ఇంటికొచ్చి అభినందించలేదుట. కానీ మొదటిసారి బన్నీ తన ఇంటికి రావడంతో ఆశ్చర్యపోయాడట. ఇది నిజమేనా అని కాసేపు నమ్మలేకపోయాడట. సినిమా సూపర్ డార్లింగ్. మూవీ నెమ్మదిగా ఎక్కుతుందని చెప్పాడట. అవును తాను కూడా అదే అనుకున్నాను, కానీ నువ్వు ఇలా రావడమే నమ్మలేకపోతున్నా అని చెప్పాడట ప్రభాస్. అంతేకాదు మీ వైఫ్కి నచ్చిందా అడిగి తెలుసుకున్నాడట. ఆమెకి నచ్చింది? ఏడ్చింది కూడా అంటూ చెప్పాడట. అప్పటికి బన్నీకి మ్యారేజ్ అయి నెల రోజులే అయ్యింది. అల్లు స్నేహారెడ్డికి కూడా బాగా నచ్చింద. ఆమె కన్నీళ్లు పెట్టుకుందని చెప్పడంతో ప్రభాస్ ఊపిరిపీల్చుకున్నాడట. అలా తన కెరీర్లో ఒక హీరో తన ఇంటికి రావడం అదే మొదటిసారి అని ప్రభాస్ చెప్పడం విశేషం. ఈ సినిమా సక్సెస్ అయిన సందర్భంగా ఇచ్చిన ఓ ఇంటర్వ్యూలో డార్లింగ్ ఈ విషయాన్ని పంచుకున్నారు.
ఫౌజీ, స్పిరిట్లతో ప్రభాస్ బిజీ
ప్రభాస్ ప్రస్తుతం `ఫౌజీ`, `స్పిరిట్` చిత్రాల్లో నటిస్తున్నాడు. `ఫౌజీ` హను రాఘవపూడి దర్శకత్వంలో రూపొందుతుంది. ఆర్మీ నేపథ్యంలో సాగే లవ్ స్టోరీ ఇది. చిత్రీకరణ దశలో ఉంది. ఈ ఏడాది చివర్లో విడుదలయ్యే ఛాన్స్ ఉంది. దీంతోపాటు సందీప్ రెడ్డి వంగా దర్శకత్వంలో `స్పిరిట్` మూవీ రూపొందుతుంది. డిమ్రి తృప్తి హీరోయిన్గా నటిస్తోన్న ఈ చిత్రం చిత్రీకరణ దశలో ఉంది. వచ్చే ఏడాది మార్చి5న ఇది విడుదల కానుంది.
