Brahmamudi: ధాన్యలక్ష్మితో కన్నీరు పెట్టించిన రాజ్.. కావ్యని ఘోరంగా అవమానించిన సెక్యూరిటీ!

Brahmamudi: స్టార్ మా లో ప్రసారమవుతున్న బ్రహ్మముడి సీరియల్ మంచి రేటింగ్ నేను సంపాదించుకుంటూ టాప్ సీరియల్స్ సరసన స్థానం సంపాదించుకుంటుంది. తనని అపార్థం చేసుకుంటున్న భర్తకి నిజం నిరూపించాలని విశ్వప్రయత్నం చేస్తున్న ఒక ఇల్లాలి కధ ఈ సీరియల్. ఇక ఈరోజు మే 15 ఎపిసోడ్ లో ఏం జరిగిందో చూద్దాం. 

ఎపిసోడ్ ప్రారంభంలో నువ్వు నిజం నిరూపించుకునే సమయం చాలా తక్కువ ఉంది ముందు దాని గురించి ఆలోచించు లేకపోతే ఏం జరుగుతుందో తెలుసు కదా అంటాడు రాజ్. ఇంట్లోంచి పంపించేస్తారని తెలుసు పచ్చని మొక్కల గురించే ఆలోచిస్తున్నాను అలాంటిది పచ్చని సంసారం గురించి ఆలోచించినా అంటుంది కావ్య. ఈ మాటలు డాబా మీద నుంచి విన్న ధాన్యలక్ష్మి ఒక్కసారిగా కంగారు పడుతుంది.

మరోవైపు అపర్ణ పడుకోవటం చూసి ఏం జరిగింది అని భార్యని అడుగుతాడు సుభాష్. కాస్త నీరసంగా ఉంది అంటుంది అపర్ణ. నిన్నంతా ఎండలో తిరిగావు కదా అందుకే అలా ఉండి ఉంటుంది రెస్ట్ తీసుకో నేను ఆఫీస్ కి వెళ్లి ఫ్యామిలీ డాక్టర్ ని పంపిస్తాను అని చెప్పి వెళ్ళిపోతాడు సుభాష్. మరోవైపు పార్క్ లో స్వప్న ఎందుకు పారిపోయిందో ఎంత ఆలోచించినా అర్థం కాదు కావ్య కి.

అదే విషయం స్వప్నని అడిగి తెలుసుకుందామని కళ్యాణ్ ని అడిగి ఫోన్ తీసుకుంటుంది కావ్య. స్వప్నకి ఫోన్ చేస్తే ఎంతకీ ఎత్తకపోవటంతో అప్పుకి ఫోన్ చేసి స్వప్నక్కకి ఫోన్ ఇవ్వు అంటుంది. అప్పు ఫోన్ తీసుకెళ్లి స్వప్నకి ఇచ్చి కావ్య అక్క ఫోన్ చేసింది మాట్లాడు అంటుంది. నేను మాట్లాడను అంటూ పొగరుగా చెప్తుంది స్వప్న. కావ్యని కాసేపు లైన్ లో ఉండమని చెప్పి సప్న కి వార్నింగ్ ఇచ్చి కావ్యతో మాట్లాడే లాగా చేస్తుంది అప్పు.

స్వప్న తో మాట్లాడుతూ నిన్న ఎందుకు అలా పారిపోయావు అని అడుగుతుంది కావ్య. ఎందుకు.. దొరికితే మా ఇద్దరినీ విడదీయటానికా అంటుంది స్వప్న. నేనెందుకు అలా చేస్తాను అంటుంది కావ్య. కావ్య ఎదో చెప్తున్నా వినిపించుకోకుండా నాకు ఎవరిని నమ్మాలో ఎవరిని నమ్మకూడదో బాగా తెలుసు అంటూ ఫోన్ పెట్టేస్తుంది స్వప్న. అక్క నన్ను నమ్మకుండా రాహుల్నే నమ్ముతుంది అని బాధపడుతుంది కావ్య.

మరోవైపు రాజ్ దగ్గరికి వచ్చిన ధాన్యలక్ష్మి నువ్వు నీ భార్యని వదిలేస్తావా అని అడుగుతుంది. ఏదో గడువు పెట్టుకున్నట్లుగా ఉన్నారు ఏంటది అని అడుగుతుంది. ఏం లేదు పిన్ని అది చాలా చిన్న విషయం వదిలేయండి అంటాడు రాజ్. భార్యని వదిలేయటం అంటే చిన్న విషయం కాదు తను ఏం తప్పు చేసింది.. తన గురించి మాట్లాడడానికి ఎవరు లేరనుకుంటున్నావా ఇప్పుడే ఈ విషయం అందరితో చెప్తాను అంటూ ముందుకి వెళ్లబోతుంది ధాన్యలక్ష్మి.

ఇది నా పర్సనల్ విషయం మీరు ఎందుకు కలగజేసుకుంటున్నారు అంటూ కోపంగా మాట్లాడుతాడు రాజ్. ఆ మాటకి ఒక్కసారిగా షాక్ అవుతుంది ధాన్యలక్ష్మి. నా కన్నా కొడుకు కన్నా ఎక్కువగా పెంచినందుకు నాకు సరి అయిన గుణపాఠం చెప్పావు కన్నీరు పెట్టుకుంటుంది. అప్పటికే మాట జారినందుకు గిల్టీగా ఉంటాడు రాజ్. పిన్నికి సారీ చెప్తాడు. నువ్వు కాదు నేనే సారీ చెప్తున్నాను నీ పర్సనల్ విషయంలో జోక్యం చేసుకునేందుకు సారీ అంటూ బాధపడుతూ అక్కడినుంచి వెళ్ళిపోతుంది ధాన్య లక్ష్మి.

మరోవైపు అపర్ణకి ఒంట్లో బాగోలేదని చెప్తాడు సుభాష్. చిట్టి వాళ్ళు కంగారు పడతారు. కంగారు పడవలసిందేమీ లేదు కాస్త రెస్ట్ తీసుకుంటే తగ్గిపోతుంది అంటాడు సుభాష్. ఇప్పుడు వంట ఎవరు చేస్తారు.. పూజ ఎవరు చేస్తారు అంటుంది రుద్రాణి. వంట పని ఇంటి పని నేను చూస్తాను అంటుంది కావ్య. ధాన్యలక్ష్మి ని పూజ చేయమంటుంది చిట్టి. నా మనసు బాగోలేదు పూజ చేసే పరిస్థితుల్లో నేను అని అక్కడి నుంచి వెళ్ళిపోతుంది ధాన్యలక్ష్మి.

పూజ కూడా కావ్యనే చేయమంటుంది చిట్టి. మేడం కి నేను పూజ చేస్తే ఇష్టం ఉండదు ఆవిడని మరింత బాధ పెట్టొద్దు అంటుంది కావ్య. అలా ఏమీ జరగదు అపార్ధాలు ఈరోజు ఉంటాయి రేపు పోతాయి అంటూ సర్ది చెప్తుంది చిట్టి. ఆ తర్వాత అపర్ణ కోసం పాలు తీసుకువెళ్తుంది కావ్య.నాకేం వద్దు అంటుంది అపర్ణ. కనీసం జ్యూస్ అయినా తాగండి ఇన్స్టెంట్ ఎనర్జీ వస్తుంది అంటుంది కావ్య.

నీ కన్సర్న్ కి థాంక్స్ కానీ నీ సేవలు నాకు వద్దు అంటుంది అపర్ణ. నేను ఉంటే మీకు ఇబ్బందిగా ఉన్నట్లుంది నేను వెళ్ళాక అయినా తాగండి అంటూ అక్కడ నుంచి వెళ్ళిపోతుంది కావ్య. ఆ తర్వాత ధాన్యలక్ష్మి గది ముందు నుంచి వెళ్తున్న కావ్యకి ఆమె బాధపడడం చూసి ఏం జరిగింది అని ధాన్యలక్ష్మిని అడుగుతుంది. ఏమీ లేదు అంటుంది ధాన్యలక్ష్మి. నిజాన్ని రాయకండి మీ కళ్ళు నిజం చెప్తున్నాయి అంటుంది కావ్య.

నువ్వు మాత్రం నిజాన్ని దాయటం లేదా అందరి దగ్గర నిజాన్ని దాచి బాగా నటిస్తున్నావు. నువ్వు నీ భర్త మాట్లాడుకోవడం నేను విన్నాను అంటుంది ధాన్యలక్ష్మి. తరువాయి భాగంలో రాజ్ కోసం క్యారేజీ తీసుకు వెళుతుంది  కావ్య.నువ్వు తిరిగి వచ్చేటప్పటికి మంచి బహుమతి సిద్ధం చేసి ఉంచుతాను అని మనసులో అనుకుంటుంది రుద్రాణి. మరోవైపు  సెక్యూరిటీ వాళ్లు కావ్యని లోపలికి రానివ్వరు. నేను మీ సార్ భార్యని అని కావ్య చెప్తుంది. మా సార్ భార్య ఇలాంటి చీరలు ఎందుకు కట్టుకుంటారు అంటారు సెక్యూరిటీ వాళ్ళు.