Comedian Satya: ఆ సినిమా దర్శకుడి పేరును తన కూతురికి పెట్టుకున్న కమెడియన్ సత్య
Comedian Satya: సినిమా రంగంలో ఎదగాలంటే అదృష్టం ఉండాలి. అలా తనకి మంచి రోల్ ఇచ్చి సినీ ఇండస్ట్రీలో నిలబడేలా చేసిన దర్శకుడు పేరును తన కూతురికి పెట్టుకున్నాడు కమెడియన్ సత్య. ఆ సినిమా ఏది? ఆ దర్శకుడు ఎవరు? ఆ పేరేంటో తెలుసుకోండి.
ఆ సినిమాలో అవకాశం
సినీ ప్రయాణాన్ని చిన్న చిన్న పాత్రలతోనే మొదలుపెట్టాడు కమెడియన్ సత్య. సినీ రంగంలో ఎదగడానికి అవకాశాల కోసం ఎదురుచూస్తూ ఉన్నాడు. అలాంటి సమయంలోనే అతనికి మంచి మూవీ అవకాశం వచ్చింది. అదే ‘స్వామి రారా’ ఈ సినిమాలో హీరో నిఖిల్ ఫ్రెండ్ పాత్రలో సత్య నటించాడు. అందులో కామెడీ ప్రేక్షకులను బాగా ఆకట్టుకుంది. ఇక ఆ మూవీ తర్వాత ఆయనకు వరుస అవకాశాలు వస్తూనే ఉన్నాయి. కొద్ది కాలంలోనే కమెడియన్ గా చాలా బిజీ అయిపోయాడు. దీనంతటికీ కారణం స్వామి రారా సినిమా.
ఆ దర్శకుడిపై గౌరవం
స్వామి రారా దర్శకుడు సుధీర్ వర్మ తనకు అవకాశం ఇవ్వడం వల్లే తన కెరీర్ ఇంత బిజీగా మారిందని, తనకంటూ గుర్తింపు వచ్చిందని సత్యా ఎప్పటికీ చెబుతూ ఉంటాడు. సినీ రంగంలో ఎదగడానికి తొలి అవకాశం ఇచ్చిన వాళ్లను కొందరు జీవితాంతం గుర్తుపెట్టుకుంటారు. కొందరు మాటల్లో కృతజ్ఞతలు చెబితే.. మరికొందరు చేతల్లో చూపిస్తారు. ఇప్పుడు కమెడియన్ సత్య చేసిన పని కూడా అలాంటిదే. తన కెరీర్ ను మార్చిన దర్శకుడు పై తన అభిమానాన్ని ప్రత్యేకంగా చాటుకున్నాడు. తన కూతురికి సుధీర్ వర్మ పేరునే పెట్టాడు.
కమెడియన్ సత్య కూతురి పేరు
కమెడియన్ సత్యా కొత్త సినిమా జెట్లీ ప్రమోషన్లు జోరుగా సాగుతున్నాయి. ఒక ఇంటర్వ్యూలో పాల్గొన్న సత్య ఈ ఆసక్తికరమైన విషయాన్ని చెప్పాడు. యాంకర్ సుమ మీ కుటుంబం గురించి అడగమని చెప్పినప్పుడు తనకు భార్యా, ఒక కూతురు ఉందని చెప్పాడు. కూతురి పేరు సుధీర అని చెప్పాడు. ఆ పేరు ఎందుకు పెట్టాడో కూడా వివరించాడు. తనకు సినిమా చివరి వరకు సాగేలా పెద్ద పాత్రను ఇచ్చి తన జీవితాన్నే మార్చిన దర్శకుడు సుధీర్ వర్మ అని చెపపాడు. అతనిపై ఉన్న ప్రేమ, గౌరవంతోనే తన కూతురికి సుధీర అని పేరు పెట్టినట్లు వివరించాడు.
కొడుకు పేరు ఏమిటి?
ఇక సత్య కెరీర్లో మత్తు వదలరా, మత్తు వదలరా 2.. రెండు సినిమాలు కూడా స్టార్ కమెడియన్ గా మార్చాయి. అవి కూడా సత్యకు ఫుల్ లెన్త్ రోల్ ఉన్న సినిమాలే. ఈ సినిమాల దర్శకుడు రితేష్ రాణా. అదే దర్శకుడు ఇప్పుడు జెట్లీ సినిమాలో సత్యాను హీరోగా చేశాడు. ఈ సందర్భంగా రితేష్ రాణా మాట్లాడుతూ నీకు కొడుకు పుడితే నా పేరు పెడతావా అని అడిగాడు. దీనికి సత్య నవ్వుతూ కచ్చితంగా వేరే పెడతా అని సమాధానం ఇచ్చాడు.
