CM Vijay: జయలలిత బంగ్లాపై సీఎం విజయ్ కన్ను.. 'అమ్మ' ఇంట్లోకి దళపతి? అసలు కథ ఇదే!
CM Vijay: తమిళనాడు రాజకీయాల్లో 'పొయెస్ గార్డెన్' అంటే ఓ పవర్ సెంటర్. దివంగత సీఎం జయలలిత నివాసం అది. ఇప్పుడు అదే 'వేద నిలయం' బంగ్లాను కొనేందుకు సీఎం విజయ్ ప్లాన్ చేస్తున్నారనే వార్తలు జోరుగా వినిపిస్తున్నాయి.
16
Image Credit : Asianet News
అక్కడ సినిమా, రాజకీయాలు వేర్వేరు కాదు
తమిళనాడులో సినిమా, రాజకీయాలు వేర్వేరు కాదు. ఈ రెండు రంగాల్లోనూ ఇప్పుడు 'దళపతి' విజయ్ జోసెఫ్ చక్రం తిప్పుతున్నారు. వెండితెరపై స్టార్గా వెలిగిన విజయ్, ఇప్పుడు ముఖ్యమంత్రిగా రాష్ట్ర పగ్గాలు చేపట్టారు. ఆయన పాలనపై దేశవ్యాప్తంగా చర్చ జరుగుతోంది. అయితే, ఇప్పుడు ఆయన పాలన గురించి కాదు, ఓ 'మాస్' రియల్ ఎస్టేట్ డీల్ గురించే హాట్ టాపిక్ నడుస్తోంది. అదే, మాజీ సీఎం, తమిళుల ఆరాధ్య దైవం 'అమ్మ' జయలలిత బంగ్లా కొనుగోలు వ్యవహారం!
గూగుల్లో ఆసక్తికరమైన సమాచారం కోసం ఏసియానెట్ తెలుగు ను మీ ఫ్రిఫర్డ్ సోర్స్ గా ఎంచుకోండి
26
Image Credit : Asianet News
పొయెస్ గార్డెన్ ఓ శక్తి కేంద్రం
తమిళనాడు రాజకీయాల్లో 'పొయెస్ గార్డెన్' ఓ శక్తి కేంద్రం. దివంగత సీఎం, తమిళ ప్రజల 'అమ్మ' జయలలిత అక్కడే నివసించారు. ఇప్పుడు అదే 'వేద నిలయం' బంగ్లాను సీఎం విజయ్ కొనుగోలు చేయాలని ప్లాన్ చేస్తున్నారట. కోట్ల మంది అభిమానుల ఆరాధ్య దైవమైన జయలలిత ఇంట్లోకి ఇప్పటి 'దళపతి' వెళ్లనుండటం కోలీవుడ్ నుంచి ఢిల్లీ వరకు ప్రకంపనలు సృష్టిస్తోంది. ఈ వార్త నిజమైతే, తమిళనాట ఇది పెద్ద సంచలనమే అవుతుంది.
36
Image Credit : KVN Productions
కారణం ఏంటంటే?
ప్రస్తుతం విజయ్ చెన్నైలోని నీలంగరైలో ఉన్న తన ఇంట్లో నివసిస్తున్నారు. అక్కడి నుంచి సచివాలయానికి రోజూ రావాలంటే సుమారు 17 కిలోమీటర్లు ప్రయాణించాలి. సీఎం కాన్వాయ్ వస్తుందంటే ట్రాఫిక్ జామ్ అవ్వడం సహజం. దీనివల్ల ప్రజలకు ఇబ్బంది కలగకూడదనే ఉద్దేశంతోనే విజయ్, నగర నడిబొడ్డున ఉన్న పొయెస్ గార్డెన్కు మారాలని నిర్ణయించుకున్నారట. అయితే, ఈ బంగ్లా డీల్ ఇంకా పూర్తి కాలేదని, చర్చల దశలోనే ఉందని సమాచారం.
46
Image Credit : Instagram
రజినీకాంత్, ధనుష్ పొరుగున విజయ్..
జయలలిత మరణం తర్వాత ఈ బంగ్లా వారసుల కోసం పెద్ద న్యాయపోరాటమే జరిగింది. ప్రస్తుతం ఈ ఇంటి యాజమాన్య హక్కులు జయలలిత అన్న కూతురు జె. దీప చేతిలో ఉన్నాయి. సమాచారం ప్రకారం, విజయ్ బృందం ఇప్పటికే దీపతో చర్చలు ప్రారంభించింది. ఈ చారిత్రక బంగ్లా ప్రస్తుత మార్కెట్ విలువ సుమారు రూ.350 కోట్లు ఉంటుందని అంచనా. ఈ డీల్ ఓకే అయితే, విజయ్.. రజినీకాంత్, ధనుష్లకు పొరుగువారు అవుతారు. జయలలిత ఇంట్లో ప్రస్తుత సీఎం నివసించబోతున్నారు.
56
Image Credit : Asianet News
ప్రభుత్వ బంగ్లాకు మారతారా?
జయలలిత బతికున్నప్పుడు పొయెస్ గార్డెన్ కేవలం ఇల్లు కాదు, అది తమిళనాడు మొత్తానికి పవర్ సెంటర్. ఇప్పుడు విజయ్ అక్కడికి మారితే, ఆ ఇంటికి మళ్లీ రాజకీయ కళ వస్తుంది. ఒకవేళ ఈ కొనుగోలు ప్రక్రియ విఫలమైతే, విజయ్ పట్టిణపాక్కంలో ఉన్న తన సొంత స్థలంలో ఇల్లు కట్టుకోవచ్చు లేదా ప్రభుత్వ బంగ్లాకు మారవచ్చని అంటున్నారు. ప్రస్తుతానికి ఏదీ ఇంకా ఫైనల్ కాలేదని తెలుస్తోంది.
66
Image Credit : Asianet News
అమ్మ నిలయంలో దళపతి ?
మొత్తం మీద, దళపతి విజయ్ 'ఇంటి' వ్యవహారం ఇప్పుడు తమిళనాడులో హాట్ టాపిక్గా మారింది. అమ్మ నిలయంలో దళపతి అడుగుపెడతారా? లేదా? అనేది తెలియాలంటే వేచి చూడాల్సిందే!
Latest Videos
