Brahmamudi: అపర్ణకు బుద్ది చెప్పిన చిట్టి దంపతులు.. భార్యను తీసుకొస్తూ తల్లికి సూపర్ ట్విస్ట్ ఇచ్చిన రాజ్?

Brahmamudi: స్టార్ మా లో ప్రసారమవుతున్న బ్రహ్మముడి సీరియల్ మంచి కంటెంట్ తో మంచి టిఆర్పి రేటింగ్ ని సంపాదించుకుంటుంది. అత్తగారి దగ్గర మెప్పు పొందడానికి తపన పడుతున్న ఒక కోడలి కధ ఈ సీరియల్. ఇక ఈరోజు ఆగస్టు 24 ఎపిసోడ్ లో ఏం జరిగిందో చూద్దాం. 

ఎపిసోడ్ ప్రారంభంలో అత్తగారి గదిలోకి అడుగుపెట్టబోతుంది కావ్య. గుమ్మం బయటే ఉండి మాట్లాడు అంటూ ఆర్డర్ వేస్తుంది అపర్ణ. ఏం కావాలి అని కావ్యని అడుగుతుంది. పిల్లలు తప్పు చేసినప్పుడు మన కుటుంబ సభ్యులే కదా అని క్షమించలేరా అంటూ అత్తగారికి క్షమాపణ చెప్తుంది కావ్య. ఇంట్లో వాళ్లని అయితే క్షమిస్తాను కానీ నువ్వు ఎప్పటికీ ఈ ఇంటి కుటుంబ సభ్యురాలివి కాలేవు. నువ్వు గాలి వానకి కొట్టుకొచ్చిన గడ్డి పరికవి అంటూ ఆమెని అవమానించే లాగా మాట్లాడి అక్కడినుంచి పంపించేస్తుంది అపర్ణ.

ఆ తర్వాత కృష్ణుడి దగ్గరికి వెళ్లి తన బాధనంతా అతనితో చెప్పుకుంటుంది కావ్య. నేను మధ్యతరగతి ఆడపిల్లని ఏదైనా కావాలంటే పోరాడి సాధించుకోవడం అలవాటయింది. కానీ ఇక్కడ దాన్నే పొగరు అంటున్నారు. ఇప్పుడు నీకు తృప్తిగా ఉందా అంటూ చాలా బాధపడుతుంది కావ్య. ఆ తర్వాత తన గదికి వచ్చేసరికి రాజ్ చేతికి ఉన్న కట్టు విప్పేస్తూ ఉంటాడు. ఏం చేస్తున్నారు అని కంగారుగా అతని దగ్గరికి వస్తుంది కానీ అతను రెస్పాండ్ అవ్వడు.

పుట్టింటికి వెళ్లి నాన్నకి సాయం చేయాలి. వెళ్ళమంటారా అని భర్తని అడుగుతుంది కావ్య. అయినా రెస్పాండ్ అవ్వడు. కంపెనీకి వెళ్ళటం కోసం రెడీ అవుతూ ఉంటాడు. మరోవైపు అనామిక కళ్యాణ్ కి ఫోన్ చేసి తన ఫోన్ నెంబర్ కనుక్కోవడం కోసం మరొక క్లూ ఇస్తుంది. నా ఫోన్ నెంబర్ కనుక్కొని నాకు ఫోన్ చెయ్యు అప్పటివరకు వెయిట్ చేస్తాను అంటూ ఫోన్ పెట్టేస్తుంది అనామిక. మరోవైపు హ్యాండ్ బ్యాగ్ వేసుకొని హాల్ లోకి వస్తుంది కావ్య.

ఇప్పుడు ఎంత పెద్ద గొడవ అవుతుందో అనుకుంటూ సీతారామయ్య దగ్గరికి వచ్చి నాన్నకి అడ్వాన్స్ ఇచ్చేశారు. ఇప్పుడు ఆ పని కచ్చితంగా పూర్తి చేయాలి నన్ను పుట్టింటికి వెళ్ళమంటారా అని అడుగుతుంది. ఇంట్లో నా పెద్దరికానికి విలువలేదు. నీ అత్తగారు నీకు విలువ ఇవ్వడం లేదు నా కోడలు నాకు విలువ ఇవ్వడం లేదు అంటాడు సీతారామయ్య. అదేమిటి మావయ్య గారు అలా అంటారు అంటుంది అపర్ణ. ఆయన అన్న దాంట్లో తప్పేముంది.

మేమిద్దరం లేకుండా అసలు ఈ కుటుంబమే లేదు అలాంటి మా మాటకి విలువ లేకుండా చేసావు నువ్వు. నిజంగా నీ కోడలు అంటే నీకు గౌరవం ఉంటే ఒక ఆడపిల్లని అర్ధరాత్రి పూట బయటికి గెంటేస్తే ఏం చేస్తున్నావు అంటుంది చిట్టి. అలా చేసింది నేను కాదు కదా రాజ్ కదా అంటుంది అపర్ణ. రాజ్ ఎవరు నీ కొడుకే కదా అంటుంది చిట్టి. వాడు ఆవేశంలో అలా చేస్తే ఆపవలసిన వివేకం, విచక్షణ నీకు లేవా అని అడుగుతుంది చిట్టి. అన్నింటికీ కారణం తప్పు నాదే అంటారా..

ఇంత గొడవకి కారణమైన అదే విషయాన్ని మళ్లీ తిరగదోడటం ఈ అమ్మాయికి అవసరమా అంటుంది అపర్ణ. అవసరమే.. ఆ అమ్మాయికి తల్లిదండ్రులు పట్ల అక్కర ఉంది. తనని నువ్వు కోడలిగా అంగీకరించలేని దానివి ఆ అమ్మాయి మీద ఆంక్షలు విధించే అధికారం నీకు ఎక్కడిది అని అడుగుతుంది చిట్టి. మా తాతలు తండ్రులు స్వతంత్ర పోరాటంలో ప్రాణాలు అర్పించిన వారు. అలాంటి కుటుంబంలోని కోడలికి స్వేచ్ఛ, స్వతంత్రం లేదంటే నలుగురు ఏమనుకుంటారు అంటూ కావ్యకి ధైర్యం చెప్పి పుట్టింటికి పంపిస్తాడు సీతారామయ్య.

వెళ్ళమ్మా.. ఎప్పుడూ పెదవి విప్పి మాట్లాడని మీ తాతయ్య మొదటిసారి నీకు మాట ఇస్తున్నారు ఏం భయం లేదు వెళ్ళు అని చిట్టి కూడా ధైర్యం చెప్పి పంపిస్తుంది. సీన్ కట్ చేస్తే ఆఫీసులో రాజ్ కి జ్యువెలరీ కంపెనీ నుంచి ఫోన్ వస్తుంది డిజైన్స్ అన్ని బాగున్నాయి కానీ త్రీ డిజైన్స్ కరెక్షన్ చేయాలి. డీటెయిల్స్ అన్ని మెయిల్ చేశాను  మీ డిజైనర్ కావ్యకి ఏమైనా డౌట్లు ఉంటే మాకు కాల్ చేయమని చెప్పండి అంటాడు అవతలి వ్యక్తి.

తరువాయి భాగంలో పుట్టింటికి వెళ్లొద్దు అంటే వెళ్ళింది. చెప్పిన మాట వినటం లేదు ఇప్పుడు నేను ఆ అమ్మాయికి శిక్ష విధిస్తున్నాను. కావ్యతో ఈ ఇంట్లో వాళ్ళు ఎవరూ మాట్లాడకూడదు అంటుంది అపర్ణ. ఇంతలో రాజ్ కావ్య ఇద్దరూ ఒకే కారులో దిగడం.. రాజ్ కావ్య హ్యాండ్ బ్యాగ్ తీసుకొని లోపలికి రావటం చూసి షాక్ అవుతుంది అపర్ణ.