కన్నీళ్ళు పెట్టుకున్న అవినాష్.. బిగ్బాస్లో రాజకీయాలు.. ఆద్యంతం ఉత్కంఠభరితం
బిగ్బాస్ నాల్గో సీజన్ 79వ రోజు ఆద్యంతం రసవత్తరంగా సాగింది. నామినేషన్ నుంచి బయట పడటానికి మరో అవకాశం ఇచ్చాడు బిగ్బాస్. ఈ ఎపిసోడ్ ఆద్యంతం ఎమోషనల్గా సాగింది. ఈ ఉత్కంఠభరిత పోరులో బిగ్బాస్ అడిక్షన్ ఫ్రీ పాస్ ని అవినాష్ గెలుచుకున్నారు.
ఇక మొదటగా సోమవారం నామినేషన్ ప్రక్రియ సందర్భంగా చోటు చేసుకున్న ఘటనతో నామినేట్ అయిన సభ్యులు ఎమోషనల్గా, ఫ్రస్టేషన్లో ఉన్నారు. ఇందులో అవినాష్, అఖిల్, అరియానా, మోనాల్ నామినేట్ అయ్యారు. అయితే ఈ నామినేషన్కి సంబంధించిన ఫ్రస్టేషన్ని వెల్లగక్కుతున్నారు ఇంటిసభ్యులు. ముఖ్యంగా అవినాష్, అఖిల్ చాలా ఫీల్ అవుతున్నారు. అరియానా నామినేషన్ అయినందుకు ఏడుస్తుంటే అవినాష్ తన ఫ్రస్టేషన్ని వెల్లడించారు. గేమ్ చూసి నామినేషన్ జరగడం లేదని చెప్పాడు. ఇక కష్టపడి టాస్క్ లు ఆడాల్సిన అవసరం లేదని మండిపడ్డాడు.
మరోవైపు `మా నాన్నకు నువ్వు నచ్చావు.. ఏందో ఏమో` అని అభిజిత్ అన్నాడు. అంతేకాదు నేను మీ అమ్మకి కూడా నచ్చాను.. ఆ విషయం ఎందుకు అర్థం కావడంలేదో `అని అభిజిత్ తెలిపారు. దీంతో మోనాల్ బాగా ఇంప్రెస్ అయ్యింది.
దీంతోపాటు `ఒకరిని తొక్కి రావడం తనకిష్టం లేదని, ఆ మనిషి కొంచెం కూడా స్పందించడ`ని అఖిల్.. సోహైల్తో అంటున్నాడు. మోనాల్ ఇలా చేయడంపై అఖిల్ సైతం ఆగ్రహం వ్యక్తం చేస్తున్నాడు. ఓరకంగా అఖిల్కి మైండ్ బ్లాంక్ అయ్యిందని చెప్పొచ్చు. సోహైల్ వద్త తన గోడుని వెల్లగక్కుతున్నాడు.
ఏడవకు.. ఏడిస్తే లాభం లేదు. మనం సేవ్ అవ్వము` అని అరియానాని ఉద్దేశించి అవినాష్ అన్నాడు. మరోవైపు `అఖిల్ పాజిటివ్ పర్సన్.. ఆయనకు ఏమైందో ఏమో `అని హారికతో మోనాల్ అన్నది. అయితే హారిక స్వాప్ చేయాల్సింది రైట్ పర్సన్ అని, అది అఖిల్ అని తెలిపింది. అందుకు హారిక సారీ చెప్పింది.
ఇంతలో బిగ్బాస్ నామినేషన్ అయిన సభ్యులు సేవ్ అవ్వడానికి మరో అవకాశం ఇచ్చారు. హౌజ్లో ఉన్న బిగ్బాస్ జెండాలను కలెక్ట్ చేసిన వారిని రెండో లెవల్కి వెళ్లేందుకు అవకాశం ఉందన్నారు.
ఇందులో అఖిల్, అవినాష్ ఎక్కువ జెండాలను సేకరించారు. వీరికి ఇంటి సభ్యులు ఓట్లు వేస్తే.. అడిక్షన్ ఫ్రీ పాస్ లభిస్తుందన్నారు.
అఖిల్, అవినాష్ మధ్య ఓట్ల రాజకీయాలు రసవత్తరంగా సాగింది. ఓట్ల కోసం ఓ వైపు అఖిల్, మరోవైపు అవినాష్ క్యాంపెయిన్ చేపట్టారు. ఇందులో అవినాష్ క్యాంపెయిన్ ఆకట్టుకుంది. ఇక ఓట్ల వేసే కార్యక్రమంలో అఖిల్కి మోనాల్, సోహైల్ వేశారు. అవినాష్కి అభిజిత్, అరియానా వేసింది. హారిక ఓటు ఎవరికనేది ఉత్కంఠ నెలకొంది.
ఉత్కంఠభరిత సన్నివేశాలు, హారిక భావోద్వేగం, అవినాష్ చెప్పిన విషయాలను పరిగణలోకి తీసుకుని హారిక.. ఖిల్కి సారీ చెబుతూ, అవినాష్కి ఓటేసింది. అఖిల్కి ఓటు వేస్తే తన మనసు కంప్లీట్గా లేదన్న భావన కలిగిస్తుందని పేర్కొంది. మొత్తానికి అందరి మనుసులను గెలుచుకుంది హారిక. చివర్లో మరో ట్విస్ట్ ఇచ్చాడు బిగ్బాస్. అడిక్షన్ ఫ్రీ పాస్ వాలిడిటీ రెండు వారాలు ఉంటుందని, కాకపోతే ఒక్కసారే ఉపయోగించుకోవాలన్నారు. దీంతో అవినాష్ దాన్ని అలా ఉంచాడు.