Brahmamudi: కళ్యాణ్ ని ఘోరంగా అవమానించిన అప్పు.. తన గొయ్యి తానే తవ్వుకుంటున్న స్వప్న!

Brahmamudi: స్టార్ మా లో ప్రసారమవుతున్న బ్రహ్మముడి సీరియల్ ప్రేక్షకుల హృదయాలని గెలుచుకొని మంచి రేటింగ్ ని సంపాదించుకుంటుంది. పుట్టింటి కష్టాన్ని తీర్చలేక ఇబ్బంది పడుతున్న ఒక కూతురి కథ ఈ సీరియల్. ఇక ఈరోజు జూలై 14 ఎపిసోడ్ ఏం జరిగిందో చూద్దాం. 

 ఎపిసోడ్ ప్రారంభంలో రేపటికన్నా డబ్బులు కట్టకపోతే ఇల్లు స్వాధీనం చేసుకుంటాను అని కృష్ణమూర్తికి వార్నింగ్ ఇచ్చి వెళ్ళిపోతాడు సేటు. ఇదంతా విన్న కావ్య ఇల్లు తాకట్టులో ఉండడం ఏంటి అని షాక్ అవుతుంది. డబ్బుల కోసం అమ్మ వాళ్ళు ఇంత ఇబ్బంది పడుతున్నారా అని బాధపడుతుంది. నేరుగా స్వప్న దగ్గరికి వెళ్లి నీ లేని కడుపు కోసం అమ్మ వాళ్ళు సారీ చీరే తేవాలనుకుంటున్నారు అని కోప్పడుతుంది. వాళ్ళు తెచ్చే చీప్ చీరలు నాకు అక్కర్లేదు అయిన వాళ్ళని ఎవరి తెమ్మన్నారు అని పొగరుగా అడుగుతుంది స్వప్న.

 సాంప్రదాయం తెమ్మంది..అయినా ఈ కడుపు విషయం బయటపడితే ఎంత ప్రమాదమో ఆలోచించావా  అంటుంది కావ్య. తొందర్లోనే ఆ అబద్ధాన్ని నిజం చేస్తాను. అనవసరంగా నా విషయంలో ఎక్కువ జోక్యం  చేసుకోవద్దు అంటుంది స్వప్న. నువ్వు అమ్మతనానికి విలువ లేకుండా చేస్తున్నావు నీ బ్రతుకు విలువ లేకుండా పోతుంది అని స్వప్నని అసహ్యించుకుంటూ అక్కడ నుంచి వెళ్ళిపోతుంది కావ్య. మరోవైపు కిరణా సరుకులు, కాయగూరలు అప్పు ఇంటికి  తీసుకువస్తాడు కళ్యాణ్. అది చూసిన అప్పు కోపంతో రెచ్చిపోతుంది.

 మేమేమీ ఇక్కడ తినడానికి లేక మలమలా మాడిపోవడం లేదు అయినా మేము ఇబ్బందుల్లో ఉన్నామని నీకు ఎవరు చెప్పారు. ఇంకెప్పుడూ ఇలా తేవద్దు అని కళ్యాణ్ ని బయటికి పొమ్మంటుంది అప్పు. బంధువులకి సహాయం చేద్దామనుకున్నాను కానీ మీ మనసుకు నడుచుకుంటూ అని నాకు తెలియదు అని క్షమాపణ చెప్తాడు కళ్యాణ్. కనకం వాళ్లు కూడా అప్పుని మందలిస్తారు కానీ అప్పుడు వినదు. మనసు కష్టపెట్టుకొని కళ్యాణ్ వెళ్ళిపోతుంటే ఆ కాయగూరలు కూడా తీసుకొని వెళ్ళు.

ఎవరైనా పేదవాళ్ళకి ఇచ్చేయ్ అని పొగరుగా మాట్లాడుతుంది అప్పు. కళ్యాణ్ వాటన్నిటినీ తీసుకొని వెళ్ళిపోతాడు. మొదటినుంచి ఆ అబ్బాయి మనకి సపోర్ట్ చేస్తూనే ఉన్నాడు మంచి మనిషిని బాధ పెట్టావు అని మందలిస్తుంది కనకం. కృష్ణమూర్తి, అప్పు పెద్దమ్మ కూడా అప్పుని మందలిస్తారు. మరోవైపు రాజ్ దగ్గరికి వచ్చిన వాళ్ల పనిమనిషి బాబు స్కూల్ ఫీజు ఇస్తానన్నారు అని అడుగుతుంది. కావ్యని పిలిచి డ్రాయర్ సొరుగు లో డబ్బులు పెట్టాను కదా అందులోంచి 20,000 తీసి తనకు ఇవ్వు అని చెప్తాడు రాజ్.

పనిమనిషిని తీసుకెళ్లి 20,000 ఇచ్చి పిల్లలకి స్కూల్ డబ్బులు సారే కడతారా అని అడుగుతుంది కావ్య. ఈ ఇంట్లో పని చేసే వాళ్ళ పిల్లల అందరూ స్కూల్ ఫీజులు రాజ్ గారే కడతారు అని చెప్పి వెళ్ళిపోతుంది కావ్య. ఆ డబ్బులు తన పర్సనల్ విషయాలు వాడుకోమన్నారు కానీ పుట్టింటి అవసరం కోసం అత్తింటి డబ్బు వాడుకోవటం గౌరవం కాదు అనుకుంటుంది కావ్య. ఆ తర్వాత ఒంటరిగా నించొని ఆలోచిస్తున్నా కావ్య దగ్గరికి వస్తాడు కళ్యాణ్. ఎందుకు అలా ఉన్నారు అని అడుగుతాడు.

పెళ్లయిన తర్వాత ఒక మగవాడు తల్లిదండ్రుల బాధ్యత తీసుకోవచ్చు కానీ ఒక ఆడపిల్లకి తల్లిదండ్రులు బాధ్యత తీసుకునే స్వాతంత్రం ఉండదు దాని గురించే ఆలోచిస్తున్నాను అని చెప్పి అక్కడ నుంచి వెళ్ళిపోతుంది కావ్య. పుట్టింటి ఆర్థిక పరిస్థితి గురించి వదినకి తెలిసిపోయిందా అనుకుంటాడు కళ్యాణ్. మరోవైపు ఎవరికోసమో ఎదురు చూస్తూ ఉంటుంది స్వప్న.

రాహుల్ వచ్చి ఎవరికోసం ఎదురు చూస్తున్నావు అని అడుగుతాడు. డెలివరీ బాయ్ కోసం ఎదురుచూస్తున్నాను అంటుంది స్వప్న. ఏం ఆర్డర్ పెట్టావు అంటాడు రాహుల్.  ఫోన్లో ఒక డ్రెస్ చూపిస్తుంది స్వప్న. చిన్నపిల్లల కా అని అడుగుతాడు రాహుల్. కాదు నాకే మోడలింగ్ చేసేటప్పుడు ఇలాంటివి వేసుకోవాలి కదా అంటుంది స్వప్న.

 కరెక్టే ఈ డ్రెస్ వేసుకుంటే ఇంట్లో వాళ్ళందరూ తన్ని తరిమేస్తారు తన గొయ్యి తానే తీసుకుంటానంటే మనమెందుకు అడ్డుపడాలి అనుకుంటాడు  రాహుల్.వాటర్ తాగి వస్తాను పార్సిల్ వస్తే తీసుకో అని  భర్తకి చెప్పి లోపలికి వెళ్తుంది స్వప్న. ఇంతలో పార్సిల్ వాడు వస్తాడు. అప్పుడే వచ్చిన ధాన్యలక్ష్మి ఆ పార్సెల్ ని అందుకుంటుంది. ప్యాకెట్ ని ఓపెన్ చేయాలనుకుంటుంది ధాన్యలక్ష్మి. ముందు ఓపెన్ చేయొద్దు అంటాడు రాహుల్.

కానీ మళ్ళీ తన మీద అనుమానం వస్తుందేమో అని ఓపెన్ చేయమంటాడు. ఈలోపు స్వప్న వచ్చి ప్యాకెట్ తీసుకొని లోపలికి వెళ్ళిపోతుంది. మరోవైపు పుట్టింటి వాళ్ళకి ఎలాగా సాయం చేయాలా అని ఆలోచిస్తూ డిజైనర్ కి ఫోన్ చేస్తుంది కావ్య. నేనే మీకు చేద్దామనుకున్నాను మీరు వేసిన డిజైన్స్ చూసిన తర్వాత సార్ కి నా డిజైన్స్ ఏవి నచ్చడం లేదు అంటుంది డిజైనర్. తరువాయి భాగంలో అర్ధరాత్రి  డిజైన్స్  వేస్తున్న కావ్యని చూసి షాక్ అవుతాడు రాజ్.