- Home
- Entertainment
- Anupama: ఓ వైపు సైకలాజికల్ థ్రిల్లర్, మరోవైపు `క్రేజీ కల్యాణం`.. అనుపమా పరమేశ్వరన్ బర్త్ డే ట్రీట్
Anupama: ఓ వైపు సైకలాజికల్ థ్రిల్లర్, మరోవైపు `క్రేజీ కల్యాణం`.. అనుపమా పరమేశ్వరన్ బర్త్ డే ట్రీట్
అనుపమా పరమేశ్వరన్ నేడు తన 30వ పుట్టిన రోజుని జరుపుకుంటోంది. ఈ క్రమంలో ఆమె కొత్త సినిమాల అప్ డేట్లు వచ్చాయి. ఓ సైకలాజికల్ థ్రిల్లర్తోపాటు `క్రేజీ కల్యాణం` అనే చిత్రాల్లో నటిస్తోంది.
అనుపమా పరమేశ్వరన్ బర్త్ డే స్పెషల్
అనుపమా పరమేశ్వరన్ ఇప్పుడు విలక్షణ నటిగా మారిపోయింది. గ్లామర్ పాత్రలకంటే నటనకు ప్రయారిటీ ఉన్న పాత్రలు చేస్తూ మెప్పిస్తుంది. కంటెంట్ ఉన్న చిత్రాలతో అలరిస్తుంది. గతేడాది ఆమె `పరదా` వంటి కంటెంట్ బేస్డ్, ఉమెన్ ఓరియెంటెడ్ బేస్డ్ మూవీ చేసిన విషయం తెలిసిందే. చాలా సెలక్టీవ్గానే వెళ్తోంది, అదే సమయంలో మంచి బలమైన కథలతో వస్తోంది. ఈ క్రమంలో తాజాగా ఆమె కొత్తగా రెండు సినిమాలను ప్రకటించింది. అందులో ఒకటి సైకలాజికల్ థ్రిల్లర్ కాగా, మరోటి కంప్లీట్ ఎంటర్టైనర్ `క్రేజీ కల్యాణం` ఉంది.
సైకలాజికల్ థ్రిల్లర్ తో రాబోతున్న అనుపమా పరమేశ్వరన్
సైకాలజికల్ థ్రిల్లర్ మూవీ గురించి చూస్తే ఇందులో తనే మెయిన్ లీడ్గా చేస్తోంది. ఎస్కేజీ ఎంటర్టైన్మెంట్, బెంచ్ మార్క్ స్టోరీ టెల్లర్స్ సంయుక్తంగా ఈ మూవీని రూపొందిస్తున్నాయి. ఆర్జే షాన్ దర్శకత్వం వహిస్తున్నారు. శివిన్ నారంగ్, ప్రేరణ అరోరా, కిరణ్ బల్లపల్లి నిర్మిస్తున్నారు. ఓ స్టూడియో భాగస్వామ్యంలో ఈ మూవీని నిర్మిస్తున్నారు. ఇది ఇంటెన్స్ సైకాలజికల్ థ్రిల్లర్గా రూపొందనుంది. గతంలో అనుపమ–షాన్ కాంబినేషన్లో వచ్చిన షార్ట్ ఫిల్మ్కు అద్భుత స్పందన రావడంతో.. ఇప్పుడు అదే కాంబోలో సినిమా ప్రేక్షకుల ముందుకు వస్తోంది.
మేలో ఈ మూవీ ప్రారంభం
ఈ సినిమా షూటింగ్ మేలో ప్రారంభం కానుంది. మూవీ టైటిల్ను త్వరలో ప్రకటించనున్నారు. అనుపమ పుట్టినరోజు సందర్భంగా చిత్ర యూనిట్ ఈ సినిమా అనౌన్స్మెంట్ చేశారు. ఇటీవలే 'జటాధర' మూవీని నిర్మించిన ఎస్కేజీ ఎంటర్టైన్మెంట్ తమ సంస్థ నిర్మాణంను మరింత విస్తరిస్తోంది. నిర్మాత ప్రేరణ అరోరా గతంలో రుస్తుం, టాయిలెట్: ఏక్ ప్రేమ్ కథ, ప్యాడ్ మ్యాన్, పరి వంటి విజయవంతమైన చిత్రాలతో జాతీయ స్థాయి గుర్తింపు పొందారు.
అనుపమా మరో మూవీ క్రేజీ కల్యాణం
మరో మూవీ `క్రేజీ కల్యాణం` మూవీ గురించి చూస్తే అనుపమా పరమేశ్వరన్ ప్రధాన పాత్రలో ఈ మూవీ రూపొందుతుంది. నరేష్ వీకే, తరుణ్ భాస్కర్, రాజ్ వెడ్స్ రాంబాయి ఫేమ్ అఖిల్ ఉడ్డెమారి ఇతర ముఖ్య పాత్రల్లో నటిస్తున్నారు. ఈ చిత్రాన్ని యారో సినిమాస్ బ్యానర్ పై ప్రొడక్షన్ నెం. 2గా ప్యాషనేట్ ప్రొడ్యూసర్ బూసమ్ జగన్ మోహన్ రెడ్డి నిర్మిస్తున్నారు. దర్శకుడు బద్రప్ప గాజుల రూపొందిస్తున్నారు.
కీర్తిగా మెరవబోతున్న అనుపమా
అనుపమ పరమేశ్వరన్ బర్త్ డే సందర్భంగా ఆమెకు పుట్టినరోజు శుభాకాంక్షలు చెబుతూ `క్రేజీ కల్యాణం` మేకర్స్ స్పెషల్ పోస్టర్ రిలీజ్ చేశారు. ఈ పోస్టర్ లో పెళ్లి కూతురిగా సంతోషంగా డ్యాన్స్ చేస్తున్న అనుపమ స్టిల్ ఆకట్టుకుంటోంది. ఆమె ఈ చిత్రంలో కీర్తి అనే క్యారెక్టర్ లో ప్రేక్షకులను అలరించనుంది. పెళ్లి చుట్టూ సాగే ఆసక్తికరమైన కథతో కంప్లీట్ ఎంటర్ టైన్ మెంట్ తో సాగే చిత్రమిది. తెలంగాణలోని పలు గ్రామీణ ప్రాంతాల్లో ఈ సినిమా చిత్రీకరణ జరిపారు. సురేష్ బొబ్బిలి సంగీతాన్ని అందిస్తున్నారు.
