Prema Entha Madhuram: షాకింగ్ నిర్ణయం తీసుకున్న మాన్సీ.. కవల పిల్లలకు జన్మనిచ్చిన అను!

Prema Entha Madhuram: జీ తెలుగులో ప్రసారమవుతున్న ప్రేమ ఎంత మధురం సీరియల్ ప్రేక్షకుల హృదయాలని గెలుచుకొని మంచి రేటింగ్ ని సంపాదించుకుంటుంది. మొండితనంతో ఇంట్లో సమస్యలు తీసుకు వస్తున్న ఒక మూర్ఖపు కోడలి కథ ఈ సీరియల్. ఇక ఈరోజు ఏప్రిల్ 4 ఎపిసోడ్ లో ఏం జరిగిందో చూద్దాం. 

ఎపిసోడ్ ప్రారంభంలో ఎట్టి పరిస్థితుల్లోనూ ఆస్తులు అమ్ముకునే ప్రసక్తి లేదు. అందుకు నేను ఒప్పుకోను అంటుంది మాన్సీ. తన మాటలు పట్టించుకోకండి దాదా ఓటింగ్ ప్రకారం చూసినా మనకి కంపెనీ అమ్ముకునే రైట్స్ ఉన్నాయి అంటాడు నీరజ్. నేను ఒప్పుకోకుండా అలా ఎలా చేస్తారు అంటూ మొండిగా మాట్లాడుతుంది మాన్సీ.

ఆస్ ఏ చైర్మన్ నేను సేల్ చేయడానికి సైన్ చేస్తున్నాను  అంటూ మరో మాటకి అవకాశం లేకుండా ఫైల్ మీద సంతకం పెట్టి తొందర్లోనే కంపెనీ ఆక్షన్ కి వెళ్తుంది అని అందరికీ చెప్పి అక్కడ నుంచి వెళ్ళిపోతాడు ఆర్య. మరోవైపు రాజనందిని టెక్స్టైల్స్ మీరు ఎంతో కష్టపడి నిర్మించుకున్న సామ్రాజ్యం దానిని వేరే ఎవరికైనా ఇచ్చేస్తుంటే నాకు చాలా బాధగా ఉంది అంటుంది అను.

ఆ కంపెనీ మన దగ్గర ఉన్నా వేరే వాళ్ళ దగ్గర ఉన్నా పదిమందికి ఉపయోగపడుతుంది. అదే నాకు సంతోషం మనుషులకి అటాచ్మెంట్ ఎంత అవసరమో అప్పుడప్పుడు డిటాచ్మెంట్ కూడా అంతే అవసరం. నువ్వు కూడా మీ పుట్టింటి నుంచి ఇక్కడికి వచ్చేసావు కదా అంటాడు ఆర్య. నేను అప్పుడప్పుడు పుట్టింటికి వెళ్తాను కానీ రాజనందిని టెక్స్టైల్స్ మన దగ్గరికి రాదు కదా.. ఎందుకో నాకు బాగా ఏడుపు వచ్చేస్తుంది అంటూ భర్తని పట్టుకొని ఏడుస్తుంది  అను.

అలాంటివేవీ మనసుకి తీసుకోవద్దు పద హాస్పిటల్ కి వెళ్దాము అంటాడు ఆర్య. ఇప్పుడున్న పరిస్థితుల్లో మీరు వద్దు నేను వెళ్తాను అంటుంది అను. నిన్ను జాగ్రత్తగా చూసుకోవడమే నా పని అంటూ భార్యని హాస్పిటల్ కి తీసుకువెళ్తాడు ఆర్య. మరోవైపు మాన్సీ కోపంగా ఒక వీడియో నీరజ్ కి చూపిస్తుంది. అందులో కంపెనీని అమ్మబోతున్నట్లుగా.. వచ్చిన డబ్బుతో ఇన్వెస్టర్ ల అప్పులు తీర్చేస్తున్నట్లుగా చెప్తాడు ఆర్య.

ఆ వీడియో చూసిన నీరజ్ మంచి పని చేశారు అంటాడు. నేను ఎంత వద్దని చెప్తున్న వినకుండా ఆయన మొండితనం ఏంటి అంటుంది మాన్సీ. ఆస్తులు అమ్మకుండా అప్పుల ఊబిలోంచి బయటపడలేము అంటాడు నీరజ్. వీళ్ళ గొడవకి శారదమ్మ జెండే కూడా అక్కడికి వస్తారు. అప్పుల వాళ్ళకి అప్పులు తీర్చకపోతే పరువు పోతుంది కదా మేడం ఆస్తులు పోయినా పర్వాలేదు పరువు పోవడానికి ఆర్య సార్ ఒప్పుకోరు అంటాడు జెండే.

మధ్యలో నువ్వు ఎవరివి మాట్లాడడానికి అంటూ పొగరుగా మాట్లాడుతుంది మాన్సీ. నీరజ్ కూడా దాదా ఏ డెసిషన్ తీసుకుంటే అదే ఫైనల్ అంటాడు. ఇదే నీ డెసిషన్ అయితే నా డెసిషన్ కూడా విను అంటూ డాబా మీదకి వెళ్తుంది మాన్సీ. అప్పుడే అంజలి వచ్చి అందరూ ఉండడం చూసి ఏం జరిగింది అని అడుగుతుంది. కిందికి వచ్చిన మాన్సి ఇవి డైవర్స్ పేపర్స్ నాకు ఇక్కడ గౌరవం లేదు అంటుంది. జెండే, అంజలి, శారదమ్మ ఎంత చెప్పినా వినిపించుకోదు. విసిగిపోయిన నీరజ్ వెళ్తే వెళ్ళు అని కోపంగా అంటాడు. 

 ఊరికే వెళ్ళను ఆస్తిలో నా షేర్ కూడా తీసుకొని వెళ్తాను అంటూ అక్కడి నుంచి కోపంగా వెళ్ళిపోతుంది మాన్సీ. అనవసరంగా పెళ్లి చేసుకున్నాను నేను బ్రతకడమే వేస్ట్ అంటూ కోపంగా అక్కడ నుంచి వెళ్ళిపోతాడు నీరజ్. అది చూసి శారదమ్మ బాధపడుతుంది. ఆర్య వస్తే అన్ని సర్దుకుంటాయి అంటాడు జెండే. ఆ దేవుడు కూడా ఆర్య కి సాయం చేయటం లేదని బాధపడుతుంది శారదమ్మ. ఆమెని కూర్చోబెట్టి ధైర్యం చెప్తాడు జెండే. మరోవైపు నొప్పులతో బాధపడుతున్న అనుని హాస్పిటల్ కి తీసుకు వస్తాడు ఆర్య. ఆమెకి కవల పిల్లలు పుడతారు. డాక్టర్ ద్వారా విషయం తెలుసుకున్న ఆర్య ఆనందపడతాడు.  

అనుని చూడొచ్చా అని ఆర్య అడుగుతాడు. టైం పడుతుంది.. కావాలంటే పిల్లల్ని చూడొచ్చు అంటుంది డాక్టర్. నేను ముందు అనునే చూస్తాను అంటూ రిక్వెస్ట్ చేస్తాడు ఆర్య. సరే అంటూ డాక్టర్ పర్మిషన్ ఇస్తుంది. స్పృహలో లేని అనుని చూసి ఆమె నుదుటిన ముద్దు పెట్టుకుంటాడు ఆర్య. తర్వాత ఏం జరిగిందో రేపటి ఎపిసోడ్ లో చూద్దాం.