- Home
- Entertainment
- Lenin Teaser: లెనిన్ టీజర్ రివ్యూ.. ఒకవైపు ప్రేమ, మరో వైపు కత్తి పట్టి విధ్వంసం.. రాయలసీమ కుర్రోడిగా అఖిల్
Lenin Teaser: లెనిన్ టీజర్ రివ్యూ.. ఒకవైపు ప్రేమ, మరో వైపు కత్తి పట్టి విధ్వంసం.. రాయలసీమ కుర్రోడిగా అఖిల్
అఖిల్, భాగ్య శ్రీ బోర్సే జంటగా నటిస్తున్న లెనిన్ చిత్రం జూన్ లో రిలీజ్ కి రెడీ అవుతోంది. తాజాగా చిత్ర యూనిట్ ఎలాంటి హడావిడి లేకుండా టీజర్ రిలీజ్ చేశారు.
అఖిల్ అక్కినేని లెనిన్ మూవీ
అఖిల్ అక్కినేని నటిస్తున్న లేటెస్ట్ మూవీ లెనిన్. రాయలసీమ నేపథ్యంలో మురళి కిషోర్ అబ్బూరు దర్శకత్వంలో ఈ చిత్రం తెరకెక్కుతుంది. అఖిల్ హీరోగా ఎంట్రీ ఇచ్చిన తర్వాత ఇంత వరకు విజయాల ఖాతా తెరవలేదు. కనీసం ఈ మూవీతో అయినా హిట్ కొడతాడేమో అని అక్కినేని అభిమానులు ఆశగా ఎదురుచూస్తున్నారు.
లెనిన్ టీజర్ రివ్యూ
ఇదిలా ఉండగా ఎలాంటి హడావిడీ లేకుండా తాజాగా ఈ చిత్రం నుంచి టీజర్ రిలీజ్ అయింది. ఈ చిత్రాన్ని సితార ఎంటర్టైన్మెంట్స్, అన్నపూర్ణ స్టూడియోస్ కలసి నిర్మిస్తున్నాయి. ఈ మూవీలో భాగ్య శ్రీ బోర్సే హీరోయిన్ గా నటిస్తోంది. తాజాగా రిలీజైన టీజర్ లో ఎక్కువగా అఖిల్, భాగ్యశ్రీ మధ్య కెమిస్ట్రీపైనే ఎక్కువగా ఫోకస్ చేశారు. భాగ్యశ్రీ డ్రామా కంపెనీలో పనిచేసే అమ్మాయిగా కనిపిస్తోంది.
అఖిల్, భాగ్యశ్రీ క్యూట్ రొమాన్స్
రాయలసీమ పల్లెటూరి యాసలో అఖిల్, భాగ్యశ్రీ చెబుతున్న డైలాగ్స్, వాళ్ళిద్దరి మధ్య క్యూట్ రొమాన్స్ చూడముచ్చటగా ఉన్నాయి. నేను తప్పిపోయి రాలేదు.. అందరినీ వెతుక్కుంటూ వచ్చా అని అఖిల్ చెప్పే డైలాగ్ ఆకట్టుకుంటోంది.
ఆకట్టుకునేలా ప్రేమ సీన్లు
ఈ మూవీలో అఖిల్, భాగ్య శ్రీ మధ్య ప్రేమ సన్నివేశాలు యువతకు ఫీస్ట్ గా ఉండబోతున్నాయి. అయితే టీజర్ లో చెప్పిన డైలాగ్స్ కొన్ని పుష్ప చిత్రం తరహాలో ఉండడం చిన్న మైనస్. టీజర్ చివర్లో సర్ప్రైజ్ ఎలిమెంట్ ఉంది.
చివర్లో ఫ్యాక్షన్ విధ్వంసం
ఈ టీజర్ లో రొమాంటిక్ అంశాలు మాత్రమే కాదు. ఫ్యాక్షన్ సీన్స్ కూడా చూపించారు. చివర్లో అఖిల్ కత్తి పట్టుకుని విధ్వంసం చేస్తున్న సన్నివేశాలు కూడా చూపించారు. మరి అఖిల్ ఫ్యాక్షన్ ని, లవ్ ని ఎలా బ్యాలెన్స్ చేస్తాడో చూడాలి. జూన్ 26న ఈ చిత్రాన్ని గ్రాండ్ గా రిలీజ్ చేయనున్నారు.
