చంద్రయాన్ 3 విజయం.. పాపం అంతా ఆదిపురుష్ మీద పడ్డారుగా, ఆ మూవీస్ కూడా ట్రెండింగ్ లో..

భారత అంతరిక్ష పరిశోధన సంస్థ ఇస్రో అత్యంత ప్రతిష్టాత్మకంగా చేపట్టిన చంద్రయాన్ 3 నేడు విజయవంతం అయింది. యావత్ దేశం గర్వించేలా.. ప్రపంచం మొత్తం ఇండియా వైపు తొంగి చూసేలా విక్రమ్ ల్యాండర్ చంద్రుడి ఉపరితలాన్ని సాఫ్ట్ గా ముద్దాడింది. 

భారత అంతరిక్ష పరిశోధన సంస్థ ఇస్రో అత్యంత ప్రతిష్టాత్మకంగా చేపట్టిన చంద్రయాన్ 3 నేడు విజయవంతం అయింది. యావత్ దేశం గర్వించేలా.. ప్రపంచం మొత్తం ఇండియా వైపు తొంగి చూసేలా విక్రమ్ ల్యాండర్ చంద్రుడి ఉపరితలాన్ని సాఫ్ట్ గా ముద్దాడింది.  దీనితో సినీ రాజకీయ ప్రముఖులు, క్రీడాకారులు, విద్యావేత్తలు అన్ని రంగాల వారు ఇస్రో సాధించిన ఘనతపై ప్రశంసలు కురిపిస్తున్నారు.  

చంద్రయాన్ 3 తో ఏమాత్రం సంబంధం లేని ఆదిపురుష్ చిత్రం ప్రస్తుతం ట్రెండింగ్ గా మారింది. నెటిజన్లు అంతా ఆదిపురుష్ చిత్రాన్ని చంద్రయాన్ తో పోల్చుతూ ట్రోల్ చేస్తున్నారు. దీనికి ఓ కారణం ఉంది.  చంద్రయాన్ 3 కోసం ఇస్రో శాస్త్రవేత్తలు ఖర్చు చేసిన మొత్తం రూ 615 కోట్లు. ఈ తక్కువ మొత్తంతోనే ఇస్రో విక్రమ్ ల్యాండర్ ని విజయవంతంగా చంద్రుడిపై సాఫ్ట్ ల్యాండింగ్ చేసింది. 

ఆ ఘనత సాధించిన అమెరికా, రష్యా, చైనా దేశాల సరసన  ఇండియా కూడా నిలిచింది. ఇస్రో శాస్త్రవేత్తలు దేశం మొత్తం గర్వించేలా చేశారు. కానీఆదిపురుష్ చిత్రానికి అయిన బడ్జెట్ సుమారు 700 కోట్లు. అంత బడ్జెట్ వెచ్చించినప్పటికీ నాసిరకం చిత్రాన్ని అందించారు అంటూ నెటిజన్లు ఆదిపురుష్ మేకర్స్ పై విరుచుకుపడుతున్నారు. ఆ విధంగా చంద్రయాన్ 3 విజయం వల్ల మరోసారి ఆదిపురుష్ మూవీ పై అక్షింతలు పడుతున్నాయి. 

మరికొందరు నెటిజన్లు చంద్రయాన్ 3 ని ఇతర హాలీవుడ్ చిత్రాలతో కూడా పోల్చుతున్నారు. క్రిస్టఫర్ నోలెన్ తెరకెక్కించిన ఇంట్రస్టెల్లార్ చిత్రానికి అయిన బడ్జెట్ రూ 1350 కోట్లు.. అదే దర్శకుడు రీసెంట్ గా తెరకెక్కించిన ఓపెన్ హైమర్ మూవీకి పెట్టిన బడ్జెట్ 800 కోట్లు వరకు ఉంటుంది. ఈ విధంగా ఇస్రో శాస్త్రవేత్తలు సినిమాల బడ్జెట్ కంటే తక్కువ ఖర్చుతో దేశ ప్రతిష్టని నిలబెడుతున్నారు అంటూ ప్రశంసలు కురిపిస్తున్నారు. 

మరికొందరు నెటిజన్లు మాత్రం చంద్రయాన్ 3 ద్వారా ఇస్రో అద్భుతమైన విజయం సాధించింది అందులో ఎలాంటి సందేహం లేదు అని అంటున్నారు. కానీ చంద్రయాన్ 3ని సినిమాలతో పోల్చడం కరెక్ట్ కాదు అని అంటున్నారు. ఎందుకంటే ఒక సినిమా క్రియేటివిటీకి తగ్గట్లుగా బడ్జెట్ ఖర్చువుతుంది. కానీ కొన్ని సార్లు అది వర్కౌట్ కాదు. వర్కౌట్ అయితే బడ్జెట్ తిరిగి రావడమే కాదు నిర్మాతలకు అద్భుతమైన లాభాలు వస్తాయి అని అంటున్నారు. 

చంద్రయాన్ 3విజయంతో ప్రకాష్ రాజ్ సైతం విమర్శలు ఎదుర్కొంటున్నారు. ఇటీవల ప్రకాష్ రాజ్ చంద్రయాన్ 3ని కించపరిచే విధంగా పోస్ట్ చేసిన సంగతి తెలిసిందే.