Namitha Weight Loss: మళ్ళీ తీగలా మారిన నమిత! ఆ ఒక్క సీక్రెట్ ఏంటో తెలుసా?
ఒకప్పుడు గ్లామర్ పాత్రలతో సౌత్ ఇండస్ట్రీని ఊపేసిన నటి నమిత, పెళ్లి, పిల్లల తర్వాత కాస్త బొద్దుగా మారారు. కానీ ఇప్పుడు స్లిమ్గా మారి అందరికీ షాకిచ్చారు. బ్యూటీ ప్రొడక్ట్స్ బిజినెస్, రాజకీయాలతో బిజీగా ఉన్నా.. ఫిట్నెస్ను మాత్రం అస్సలు వదల్లేదు.
భారీగా బరువు పెరిగిన నమిత..
తమిళ, తెలుగు ఫిల్మ్ ఇండస్ట్రీలో నటిగా మంచి గుర్తింపు సాధించింది నమిత. హీరోయిన్ గా, ఐటమ్ సాంగ్స్ తో రచ్చ రచ్చ చేసింది. ఇక నమిత గతంలో చాలా సన్నాగా ఉండేవారు. ఆతరువాత బరువు తరచూ పెరుగుతూ, తగ్గుతూ ఉంటుంది. ముఖ్యంగా 2017లో పెళ్లి చేసుకునే సమయానికి ఆమె బాగా బరువు పెరిగారు. ఆ తర్వాత కవల పిల్లలు పుట్టాక కూడా ఆమె శరీరాకృతిలో మార్పులు వచ్చాయి.
2024 తరువాత మారిపోయిన నమిత..
గతంలో చాలా బరువు పెరిగిన ఈ హీరోయిన్ తాజాగా పూర్తిగా సన్నబడ్డారు. 2024 నుంచి తన ఫిట్నెస్పై ఎక్కువ దృష్టి పెట్టారు. జిమ్లో వర్కౌట్ చేస్తున్న ఫోటోలు, వీడియోలను సోషల్ మీడియాలో తరచూ పంచుకుంటున్నారు. రీసెంట్ గా నమితను చూసిన అభిమానులు షాక్ అవుతున్నారు. ఆమె ఈమేనా అని అడుగుతున్నారు.
91 నుంచి 65kg లకు తగ్గిన హీరోయిన్
తాను ఎలా బరువు తగ్గానో నమిత సోషల్ మీడియాలో పంచుకున్నారు. 91 కిలోల బరువు నుంచి 65 కిలోలకు తగ్గినట్లు ఆమె తెలిపారు. దీని వెనుక ఉన్న సీక్రెట్ను కూడా ఆమె రివీల్ చేశారు. ఎంతో క్రమశిక్షణతో, పట్టుదలతో ప్రయత్నిస్తేనే తనకు ఇది సాధ్యం అయ్యిందని ఆమె అన్నారు. దానికోసం ఏం చేయాలో కూడా ఆమె వెల్లడించారు.
సాకులు చెప్పడం మానేయండి..
సాకులు చెప్పడం మానేసి, భవిష్యత్తును ఎంచుకోవడమే స్వీయ క్రమశిక్షణ. ప్రతి వర్కౌట్ నాకు నేను ఇచ్చుకున్న ఒక హామీ. ప్రేరణ వస్తూ పోతూ ఉంటుంది. కానీ క్రమశిక్షణ ప్రతిరోజూ మనతోనే ఉంటుంది. మనసు నిర్ణయించుకున్న తర్వాతే శరీరం మారుతుంది. సులభమైన మార్గాలు లేవు. మ్యాజిక్లు జరగవు. కేవలం నిలకడ, చెమట, ఓర్పు మాత్రమే ఉంటాయి. నేను ఎవరితోనూ పోటీ పడటం లేదు. నిన్నటి కంటే ఈరోజు బలంగా మారుతున్నాను. ఫలితాలు ఒక్క రోజులో రావు. అవి ప్రతిరోజూ కష్టపడితేనే వస్తాయి. మొదలు పెట్టడమే కష్టమైన పని. ఒక్కసారి మొదలుపెడితే, మీరు అప్పటికే గెలిచినట్టు అని ఆమె అన్నారు.
క్రమశిక్షణ చాలా ముఖ్యం
ఫిట్నెస్లో 80% డైట్, 20% వర్కౌట్ పాత్ర పోషిస్తాయి. ఇందులో క్రమశిక్షణ చాలా ముఖ్యం. శరీరం జిమ్లో కాదు, వంటగదిలోనే తయారవుతుందని నటుడు సూర్య కూడా ఒక సందర్భంలో చెప్పారు. నమిత కూడా అదే ఫాలో అయ్యింది. పెళ్లి తరువాత సినిమాలకు దూరంగా ఉంటోంది నమిత. రాజకీయ పార్టీలో చేరిన ఆమె.. ఆ విషయంలో యాక్టీవ్ అయ్యింది. గతంలో హీరోయిన్ గా స్టార్ డమ్ చూసిన నమిత.. ప్రస్తుతం పొలిటికల్ గా ఎదిగేప్రయత్నం చేస్తోంది.
