హారికతో రిలేషన్‌పై నోరు విప్పిన అభిజిత్‌.. చెల్లి లేదనే బాధ ఉందట!
బిగ్బాస్ 4 విన్నర్‌ అభిజిత్‌ ఇప్పుడు ఫుల్‌ బిజీగా ఉన్నారు. వరుసగా ఇంటర్వ్యూలతో హల్‌చల్‌ చేస్తున్నారు. విన్నర్‌గా నిలిచిన తర్వాత నిన్నటి నుంచి వరుసగా ఇంటర్వ్యూలు ఇస్తూ బిజీ బిజీగా గడుపుతున్నారు. అయితే ఇందులో పలు ఆసక్తికర విశేషాలను పంచుకున్నారు అభిజిత్‌. హౌజ్‌లో జరిగిన విషయాలను షేర్‌ చేసుకున్నారు. తోటి కంటెస్టెంట్ల గురించి చెప్పారు.
బిగ్బాస్ నాల్గో సీజన్‌ ఆదివారంతో ముగిసింది. అందరు ఊహించినట్టే అభిజీత్‌ విన్నర్‌గా నిలిచారు. ట్రోఫీ అందుకున్నారు. అయితే సోహైల్‌ ముందుగానే 25లక్షల ఆఫర్‌ని తీసుకుని తప్పుకోవడంతో అభిజిత్‌కి దక్కింది కేవలం 25లక్షల రూపాయలే. దీంతోపాటు ఆయన ప్రతి వారం చెల్లించే మొత్తాన్ని తీసుకున్నారు. ఈ విషయంలో అభిజిత్‌కి అన్యాయమే జరిగిందని అంతా విమర్శలు గుప్పిస్తున్నారు. బిగ్బాస్ టీమ్‌ కక్కుర్తి పడిందని కామెంట్ చేస్తున్నారు.
ఇంటికి చేరుకున్న అభిజిత్‌ రిలాక్స్ అయ్యారు. నిన్నటి నుంచి వరుసగా ఇంటర్వ్యూలతో బిజీగా గడుతున్నారు. క్షణం తీరికలేకుండా ఉంటున్నాడు. తాజాగా ఓ టీవీ ఛానెల్‌లో అభిజిత్‌ పలు ఆసక్తికర కామెంట్లు చేశారు.
మొదటి నుంచి మోనాల్‌కి క్లోజ్‌గా ఉన్న అభిజిత్‌.. అఖిల్‌ కారణంగా మోనాల్‌తో విభేదాలు తలెత్తాయి. ఆ తర్వాత హారికతో క్లోజ్‌గా మూవ్‌ అయ్యాడు అభి. మధ్య మధ్యలో వీరిద్దరి మధ్య చిన్న చిన్న గొడవలు జరిగినా.. అంతిమంగా మాత్రం బెస్ట్ ఫ్రెండ్స్ గానే ఉన్నారు. అయితే తన ఇంటర్వ్యూలో హారికతో అనుబంధం గురించి చెబుతూ, హారిక నాకు చెల్లిలాంటిదని ఆసక్తికర కామెంట్ చేశారు. తాను చాలా సార్లు ఈ విషయాన్ని హారికతో చెప్పినట్టు పేర్కొన్నాడు.
`నాకు తమ్ముడు ఉన్నాడు. హారిక లాంటి చెల్లి ఉంటే బాగుండేదనుకునేవాడనని, ఈ విషయాన్ని హారికకి చాలా సార్లు చెప్పాను. కానీ అది బయటకు టెలికాస్ట్ కాలేదని ఇప్పుడు అర్థమవుతుందన్నారు. ఇదిలా ఉంటే వీరిద్దరి మధ్య లవ్‌ ట్రాక్‌ నడుస్తుందని చాలా మంది అనుకున్న విషయం తెలిసిందే. ఇంకా చెబుతూ, ఇన్నాళ్ళు చీకటిలో ఉన్నట్టు అనిపించిందని, ఇప్పుడే బయటకు వచ్చినట్టుగా ఉంది. దాన్నుంచి బయట పడేందుకు కాస్త టైమ్‌ కావాలని పేర్కొన్నారు.
మరోవైపు హౌజ్‌లో ఇతర కంటెస్టెంట్లతో పోల్చితే డిఫరెంట్‌ మేనరిజంతో, యాటిట్యూడ్‌తో సెటిల్డ్ గా ఆడి విన్నర్‌గా నిలిచారు అభిజిత్‌. అన్ని రకాల ఎమోషన్స్ ని తనలో దాచుకుని తెలివిగా గేమ్‌ ఆడారు. ప్రతి దానికి ఎమోషనల్‌ అయిపోయి, కన్నీళ్ళు పెట్టుకోకుండా చాలా కంట్రోల్డ్ గా ఉన్నారు. నిజం చెప్పాలంటే హౌజ్‌లో అతి తక్కువ సందర్భాల్లో ఎమోషనల్‌ అయ్యింది అభిజిత్‌ మాత్రమే అని చెప్పొచ్చు. ఇదే ఆయన్ని ఆడియెన్స్ దగ్గరికి చేర్చిందని, బిగ్బాస్ విన్నర్‌గా నిలిచేలా చేసిందని అంటున్నారు.
మరోవైపు బిగ్బాస్ నుంచి బయటకు వచ్చాక భారీ అవకాశాలు వస్తాయని చిరంజీవి.. అభిజిత్‌కి తెలిపారు. అంతేకాదు తమలాగా పెద్ద స్టార్‌ అవుతారని, కావాలని కో్రుకున్నారు. ఆయన చెప్పాడో లేదో ఇప్పుడు అభిజిత్‌ని వరుసగా అవకాశాలు వరిస్తున్నాయి. ఆఫర్స్ క్యూ కడుతున్నాయి.
ప్రస్తుతానికి తెలుస్తున్న సమాచారం మేరకు ఆయనకు 12 నుంచి 15 వెబ్‌ సిరీస్‌ ఆఫర్స్ వచ్చినట్టు తెలుస్తుంది. అంతేకాదు రెండు, మూడు సినిమా ఆఫర్స్ కూడా వచ్చాయి. అందులో సోలో హీరోగానే అవకాశాలు వస్తున్నట్టు సమాచారం. పలువురు ప్రముఖ దర్శక, నిర్మాతలు అభిజిత్‌ హీరోగా సినిమాలు తీయాలని, బిగ్బాస్4 విన్నింగ్‌తో వచ్చిన క్రేజ్‌ని, పాపులారిటీని క్యాష్‌ చేసుకోవాలని భావిస్తున్నారట.
మరోవైపు ప్రకటనలు కూడా వరుసగా క్యూ కడుతున్నాయి. వ్యాపార ప్రకటనలకు ప్రమోట్‌ చేసే బ్రాండ్‌ అంబాసిడర్లుగా అభిజిత్‌ని ఎంచుకునేందుకు పలు కంపెనీలు పోటీపడుతున్నాయని సమాచారం. ఇక త్వరలో డిసెంబర్ 31, జనవరి ఫస్ట్, సంక్రాంతి సీజన్లు ఉన్నాయి. ఈ సందర్భంగా పలు షోరూమ్స్ ఓపెనింగ్‌లు చేపడుతుంటారు. వాటిని అభిజిత్‌తో చేయించాలని భావిస్తున్నారు. దీంతో వరుసగా అభిజిత్‌ని ఈ అవకాశాలు క్యూకడుతున్నాయని టాక్‌.
మరి ఇందులో నిజమెంతా? అవకాశాల్లో వేటిని అభిజిత్‌ క్యాష్‌ చేసుకుంటాడనేది చూడాలి. అయితే గెలిచిన ఆనందంలో మిస్టేక్స్ చేసే ప్రమాదం కూడా ఉంది. మరి ఆ ఇమేజ్‌, క్రేజ్‌ని అధిగమిస్తూ కెరీర్‌లో ముందుకు సాగాల్సి ఉంటుంది. అభిజిత్‌ ఎలాంటి రూట్‌లో వెళ్తాడు, ఎలాంటి అవకాశాలను చేజిక్కించుకుంటాడనేది ప్రస్తుతానికి సస్పెన్స్.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
