Ravi Mohan: మ్యాచింగ్ డ్రెస్ పై ఆర్తి రవి సెటైర్ వైరల్.. ఎవరిని ఉద్దేశించి ఇలా

మీరు వేసుకున్న డ్రెస్ లాంటిదే వేరేవాళ్లు వేసుకుంటే ఎలా ఉంటుంది? అంటూ ఆర్తి రవి పెట్టిన ఇన్‌స్టాగ్రామ్ స్టోరీ ఇప్పుడు వైరల్ అవుతోంది. ఇది నటుడు రవి మోహన్‌ కు పరోక్షంగా ఇచ్చిన కౌంటరా? అనే చర్చ జరుగుతోంది.

Image Credit : Social Media

Jayam Ravi and Aarthi Ravi divorce controversy

రవి మోహన్‌తో విడాకుల ప్రకటన తర్వాత, ఆర్తి రవి సోషల్ మీడియాలో పెట్టే ప్రతి పోస్ట్ పెద్ద చర్చకు దారితీస్తోంది. ఇప్పుడు ఆమె పెట్టిన 'ఒకే రంగు డ్రెస్' ఇన్‌స్టాగ్రామ్ స్టోరీ, ఎవరో ఒకరికి గట్టి కౌంటర్ లా ఉందని నెటిజన్లు అంటున్నారు.

Image Credit : kenishaa Francis instagram

ఆర్తి రవి ఇన్‌స్టా స్టోరీ

ఆర్తి రవి తన ఇన్‌స్టా స్టోరీలో డ్రెస్, కలర్ మ్యాచింగ్ గురించి ఓ పోస్ట్ షేర్ చేశారు. 'మీరు ఒక చోటికి వెళ్లినప్పుడు, అక్కడ వేరేవాళ్లు కూడా మీరు వేసుకున్న డ్రెస్ లాంటిదే, అదే రంగులో వేసుకుంటే ఊరుకుంటారా? మీకెలా అనిపిస్తుంది?' అని ఆమె ప్రశ్నించారు.

Image Credit : X/RaviMohanStudio

జయం రవి నుంచి రవి మోహన్‌గా

 స్టార్ హీరోగా పేరు తెచ్చుకున్న నటుడు రవి మోహన్. కొద్ది రోజుల క్రితమే ఆయన తన పేరును జయం రవి నుంచి రవి మోహన్‌గా మార్చుకున్నారు. ఎన్నో హిట్ సినిమాలతో అభిమానులను సంపాదించుకున్న ఈయన, గత కొన్ని నెలలుగా భార్యకు, పిల్లలకు దూరంగా ఉంటున్నారు. గత ఏడాదే ఆర్తి రవితో విడిపోతున్నట్లు రవి మోహన్ ప్రకటించినా, వారి విడాకుల కేసు ఇంకా కోర్టులోనే ఉంది. ఈ నేపథ్యంలో వీరి సోషల్ మీడియా పోస్టులు ఎప్పుడూ హాట్ టాపిక్‌గా మారుతున్నాయి.

Image Credit : Google

ఆర్తి పరోక్షంగా పోస్ట్

ఈ స్టోరీ చూసిన అభిమానులు, ఇది కేవలం డ్రెస్ గురించి కాదని, దీని వెనుక ఏదో అంతరార్థం ఉందని భావిస్తున్నారు. ఇటీవల రవి మోహన్ ఓ నటితో ఒకే రంగు దుస్తుల్లో ఉన్న ఫోటోలు వైరల్ అయ్యాయి. ఆ ఫోటోలను ఉద్దేశించే ఆర్తి పరోక్షంగా ఈ పోస్ట్ పెట్టారని సోషల్ మీడియాలో కామెంట్లు వస్తున్నాయి.

Image Credit : Google

విడాకుల వివాదం

విడాకుల వివాదం తర్వాత ఆర్తి రవి తన పిల్లలతో సమయం గడుపుతూ, తన ఫ్యాషన్, బిజినెస్‌పై దృష్టి పెడుతున్నారు. అప్పుడప్పుడు ఆమె పెట్టే ఇలాంటి 'క్రిప్టిక్' పోస్టులు రవి మోహన్ వర్గానికి చెక్ పెట్టడానికే అని భావిస్తున్నారు. వీళ్లిద్దరిదీ ప్రేమ వివాహం. సినీ నిర్మాత సుజాత విజయకుమార్ కుమార్తెనే ఆర్తి. పెళ్లి తర్వాత ఆర్తి పూర్తిగా కుటుంబానికే పరిమితమయ్యారు. ఈ దంపతులకు ఇద్దరు కుమారులు ఉన్నారు.