రోహిత్ శ‌ర్మ ఏం కెప్టెన్సీ అయ్యా ఇది.. !

Rohit Sharma: పూణే వేదిక‌గా న్యూజిలాండ్‌తో జరిగిన రెండో టెస్టులో భారత్ 113 పరుగుల తేడాతో ఓడిపోయింది. దీంతో మూడు మ్యాచ్‌ల సిరీస్‌ను 2-0 ఆధిక్యంతో భార‌త్ కోల్పోయింది. దీంతో 2012-13లో ఇంగ్లండ్‌పై ఓట‌మి త‌ర్వాత‌ స్వదేశంలో వరుసగా 18 టెస్టు సిరీస్‌లను గెలుచుకున్న భారత్ విజ‌య‌ప‌రంప‌ర కూడా ముగిసింది.

రెండు మ్యాచ్‌ల్లోనూ సీనియర్ ఆటగాళ్లు రాణించలేకపోయారు. స్టార్ ప్లేయ‌ర్లు ఫ్లాప్ షో చూపించారు. రోహిత్ శర్మ, విరాట్ కోహ్లి బ్యాట్‌తో ఇబ్బంది పడగా, రవిచంద్రన్ అశ్విన్, రవీంద్ర జడేజాల స్పిన్ జోడీ కూడా బౌలింగ్ లో పెద్దగా ప్రభావం చూపలేకపోయింది.

గౌత‌మ్ గంభీర్ కు సంజయ్ మంజ్రేకర్ మ‌ద్ద‌తు 

రెండు టెస్ట్ మ్యాచ్‌లలో భారత జ‌ట్టు వ్యూహాత్మక లోపాలు, పదేపదే బ్యాటింగ్ వైఫ‌ల్యం క‌నిపించ‌డంతో టీమిండియా ప్రధాన కోచ్ గౌతమ్ గంభీర్ తీవ్ర విమ‌ర్శ‌ల‌ను ఎదుర్కొంటున్నారు. అయితే సంజ‌య్ మంజ్రేకర్ మాజీ ఓపెనర్‌కు మద్దతు ఇచ్చాడు. మంజ్రేకర్ 'ESPNcricinfo'తో మాట్లాడుతూ.. 'మీ 11వ బలహీన ఆటగాడి కంటే కోచ్ జట్టుపై అతి తక్కువ ప్రభావం చూపుతుందని నేను ఇప్పటికీ చెబుతాను. అతను మైదానంలో అడుగు పెట్టడు, అక్కడ కెప్టెన్ బాధ్యత వహిస్తాడని" పేర్కొన్నాడు.

రోహిత్ కెప్టెన్సీపై మంజ్రేకర్ ప్రశ్నలు సంధించాడు

రోహిత్ శర్మ కెప్టెన్సీపై సంజయ్ మంజ్రేకర్ ప్రశ్నలు సంధించాడు. ఫామ్‌లో ఉన్న బ్యాట్స్‌మెన్ సర్ఫరాజ్ ఖాన్ కంటే ముందు ఆల్ రౌండర్ వాషింగ్టన్ సుందర్‌ను బ్యాటింగ్‌కు పంపిన రోహిత్ శర్మ నిర్ణయాన్ని మంజ్రేకర్ ప్రశ్నించారు. 'సర్ఫరాజ్ ఖాన్‌ను ఆర్డర్‌లో తక్కువ బ్యాటింగ్‌కు పంపడం.. వాషింగ్టన్ సుందర్‌ను అతని పైన పంపడం అతను ఎడమ చేతి బ్యాట్స్‌మెన్ అయినందున అలాంటివి జరగకూడదు' అని పేర్కొన్నాడు. 

రోహిత్ శ‌ర్మ‌కు మంజ్రేకర్ సలహాలు 

సంజయ్ మంజ్రేకర్ మాట్లాడుతూ రోహిత్ శ‌ర్మ నిర్ణ‌యాల‌పై ఆశ్చ‌ర్యం వ్య‌క్తం చేశాడు. 'ఇది ఖచ్చితంగా వింతగా ఉంది. ఇది రోహిత్ శర్మ జాగ్రత్తగా ఉండాల్సిన విషయం. ఎడమ, కుడి చేతుల కలయిక గురించి ఆలోచిస్తున్నారు. ఆటగాళ్ల మొత్తం నాణ్యత, సామర్థ్యం ఆధారంగా వారు ముందుకు సాగాలని నేను భావిస్తున్నాను. భారత్‌కు అనుభవజ్ఞులైన బ్యాట్స్‌మెన్ అవసరమైనప్పుడు.. రోహిత్ (2, 52, 0, 8) నాలుగు ఇన్నింగ్స్‌లలో 62 పరుగులు మాత్రమే చేయగా, కోహ్లీ (0, 70, 1, 17) 88 పరుగులు చేసిన విష‌యాల‌ను గుర్తు చేశాడు.

భార‌త ఆట‌గాళ్ల‌పై న్యూజిలాండ్ మాజీ లెజెండ్ విమ‌ర్శ‌లు 

న్యూజిలాండ్ మాజీ ఫాస్ట్ బౌలర్ సైమన్ డౌల్ మాట్లాడుతూ.. ''భారత బ్యాట్స్‌మెన్‌లు స్పిన్‌లో మెరుగైన ఆటగాళ్ళు అన్నది అపోహ. వారు మెరుగైన స్పిన్నర్లను కలిగి ఉన్నారనీ, ప్రత్యర్థి బ్యాట్స్‌మెన్‌ల బలహీనతలను బయటపెట్టగలరని నేను భావిస్తున్నాను, అయితే ఈ టెస్టు (పుణె)లో మిచెల్ సాంట్నర్ అద్భుతంగా రాణించి వారి బ్యాట్స్‌మెన్‌లకు షాక్ ఇచ్చాడు. న్యూజిలాండ్ స్పిన్ అటాక్ ప్రపంచ స్థాయి కాదు.. కానీ, భారత బ్యాట్స్‌మెన్ పేలవ ప్రదర్శన చేయడం ఆందోళన కలిగిస్తోందని'' అన్నాడు.

స్పిన్ బౌలింగ్‌లో ఆడే బ్యాట్స్‌మెన్ బలహీనతే టెస్ట్ సిరీస్‌లో భారత్ ఓటమికి కార‌ణం అయింద‌ని పేర్కొన్నాడు. ఈ మ్యాచ్ లో లెఫ్టార్మ్ స్పిన్నర్ మిచెల్ సాంట్నర్ 13 వికెట్లు పడగొట్టడంతో కివీ జట్టు భార‌త్ పై 113 పరుగుల తేడాతో విజ‌యం సాధించింది. మూడు మ్యాచ్‌ల సిరీస్‌లో 2-0తో తిరుగులేని ఆధిక్యంలో నిలిచింది.

సైమన్ డౌల్ ఇంకా మాట్లాడుతూ.. 'మీరు మంచి వికెట్లపై ఆడటం అలవాటు చేసుకున్నారని నేను అనుకుంటున్నాను, కానీ పిచ్ తిరగడం ప్రారంభించినప్పుడు మీ బలహీనత బహిర్గతమవుతుంది. భారత్ చాలా కాలంగా వికెట్లు తీస్తూ ఆడుతోంది. వారు ఇప్పటికీ రవిచంద్రన్ అశ్విన్, రవీంద్ర జడేజాలలో ప్రపంచంలోని అత్యుత్తమ స్పిన్నర్లను కలిగి ఉన్నారు' అని పేర్కొన్నాడు. 

'భారత వారి బౌలర్లు ఇతర జట్లను తక్కువ స్కోర్‌లకే అవుట్ చేయగలరు, కానీ ఈ టెస్ట్ మ్యాచ్‌లో న్యూజిలాండ్ బౌలర్లు తమ బ్యాట్స్‌మెన్‌లను పరుగులు చేయడానికి అనుమతించలేదు, అయితే మా జట్టుకు ప్రపంచ స్థాయి స్పిన్ బౌలింగ్ దాడి లేదు. అందువల్ల ఇది భారత్‌కు కొంతమేర ఆందోళన కలిగించే అంశంగా చూడాలి' అని అన్నారు.