భార‌త టీ20 జ‌ట్టులోకి రోహిత్ శ‌ర్మ‌, విరాట్ కోహ్లీ ఎంట్రీపై షాకింగ్ కామెంట్స్..

Virat Kohli - Rohit Sharma: ఆఫ్ఘ‌నిస్తాన్ తో జరగబోయే మూడు మ్యాచ్ ల టీ20 సిరీస్ కోసం విరాట్ కోహ్లీ, రోహిత్ శర్మ తిరిగి భార‌త టీ20 ఫార్మాట్ లోకి రావ‌డంపై భారత మాజీ క్రికెటర్ దీప్ దాస్ గుప్తా షాకింగ్ కామెంట్స్ చేశాడు. భారత మాజీ కెప్టెన్లు సౌరవ్ గంగూలీ, సునీల్ గవాస్కర్ ఈ స్టార్ ప్లేయ‌ర్ల పునరాగమనానికి మద్దతు తెలిపారు. 

Virat Kohli, RohitSharma

India vs Afghanistan T20 Series: దాదాపు ఏడాది త‌ర్వాత భార‌త స్టార్ ప్లేయ‌ర్స్ విరాట్ కోహ్లీ, రోహిత్ శ‌ర్మ‌లు భార‌త టీ20 జ‌ట్టులోకి ఎంట్రీ ఇచ్చారు. వీరిద్ద‌రు గ‌త 2022 వ‌రల్డ్ క‌ప్ లో టీమిండియా త‌ర‌ఫున‌ చివ‌రి టీ20 మ్యాచ్ ల‌ను ఆడారు. భారత టీ20 జ‌ట్టులోకి వీరి ఎంట్రీపై ఓ భార‌త‌ మాజీ క్రికెటర్ షాకింగ్ కామెంట్స్ చేశాడు. 

ఆఫ్ఘ‌నిస్తాన్ తో జరగబోయే మూడు మ్యాచ్ ల టీ20 సిరీస్ కోసం విరాట్ కోహ్లీ, రోహిత్ శర్మ టీ20 ఫార్మాట్ కు తిరిగి వస్తారని ఇటీవల బీసీసీఐ సెల‌క్ష‌న్ క‌మిటీ చేసిన ప్రకటన వివాదాన్ని రేకెత్తించింది. ఈ క్ర‌మంలోనే జట్టు ఎంపిక దిశపై భారత మాజీ క్రికెటర్ దీప్ దాస్ గుప్తా ఆందోళన వ్యక్తం  చేస్తూ షాకింగ్ కామెంట్స్ చేశారు. 

విరాట్ కోహ్లీ, రోహిత్ శ‌ర్మ‌లు టీమిండియా టీ20 జ‌ట్టులోకి రావడానికి గ్రీన్ సిగ్న‌ల్ ఇస్తూ క్రికెట్ దిగ్గ‌జాలు సౌరవ్ గంగూలీ, సునీల్ గవాస్కర్ స్టార్ ప్లేయ‌ర్ల‌ పునరాగమనానికి మద్దతు తెలపగా.. దీప్ దాస్ గుప్త మాత్రం దీనిని వ్య‌తిరేకించాడు. ఈ చ‌ర్య‌ను దిక్కులేనిదిగా, 2022 టీ20 ప్రపంచ కప్ ను గుర్తుచేస్తుందని పేర్కొన్నాడు.

2022 ప్రపంచకప్ లో భారత్ సెమీఫైనల్ నుంచి నిష్క్రమించిన తర్వాత టీ20లకు దూరమైన కోహ్లీ, రోహిత్ గైర్హాజరీ తిలక్ వర్మ, రింకు సింగ్, యశస్వి జైస్వాల్, జితేష్ శర్మ వంటి యువ ప్రతిభావంతుల ఆవిర్భావానికి కారణమైంది. కొత్త ఆటగాళ్లతో ప్రయోగాలు చేయడం, యువ జట్టును తీర్చిదిద్దడం ద్వారా భారత్ పరివర్తన దశను చూసిందని దీప్ దాస్ గుప్తా చెప్పారు.

అయితే, గత టీ20 ప్రపంచకప్ లో సీనియర్ ఆటగాళ్లు ఎదుర్కొన్న విమర్శలను పరిగణనలోకి తీసుకుంటే ఆఫ్ఘ‌నిస్తాన్ సిరీస్ కు కోహ్లీ, రోహిత్లను రీకాల్ చేయడం జట్టు దిశపై ప్రశ్నలను గుప్తా లేవనెత్తారు. విరాట్, రోహిత్ ల‌ను జ‌ట్టులోకి తీసుకోవ‌డంపై ఆశ్చర్యం వ్యక్తం చేశాడు.

స్టార్ స్పోర్ట్స్ తో దీప్ దాస్ గుప్తా మాట్లాడుతూ "గత టీ20 ప్రపంచకప్ లో సీనియర్ ఆటగాళ్లకు ఉద్దేశం లేకపోవడమే ప్రధాన విమర్శ. కానీ, విండీస్ లో ఎలాంటి ట్రాక్ లు ఆశిస్తున్నారో గుర్తుంచుకోవాలి. 160 తరహా ట్రాక్ లకు 180 లేదా 200 పరుగుల వికెట్ ను ఆశిస్తున్నారా? నిజం చెప్పాలంటే గత ఏడాది కాలంగా భారత్ కు ఇక్కడ దిక్కు కనిపించడం లేదు. ఒకవేళ కోహ్లీ, రోహిత్ ల వద్దకు వెళ్లాల్సి వస్తే... గత ఏడాది కాలంగా మా వద్ద ఉన్న జట్లను పరిశీలిస్తే.. మళ్లీ ఇది తిరిగి వెన‌క్కి వెళ్ల‌డ‌మే నంటూ'' కామెంట్ చేశారు.

2022లో ఇంగ్లాండ్ తో జరిగిన టీ20 వరల్డ్ క‌ప్ సెమీఫైనల్ నుంచి మిడిలార్డర్ బ్యాటింగ్ ఆర్డర్ లో ఎలాంటి మార్పు లేదని భారత మాజీ వికెట్ కీపర్ బ్యాట్స్ మ‌న్ గుప్తా పేర్కొన్నాడు. టీ20 ఫార్మాట్ లో ఫినిషర్ గా తన సత్తా చాటిన రింకూ సింగ్ వంటి ప్రామిసింగ్ టాలెంట్లపై ప్రభావం పడుతుందని ఆందోళన వ్యక్తం చేశాడు.

కోహ్లీ, రోహిత్ పునరాగమనం, గాయపడిన హార్దిక్ పాండ్యా, సూర్యకుమార్ యాదవ్ వంటి ఆటగాళ్లను జట్టులోకి తీసుకోవడంతో రింకు సింగ్ వంటి ఆటగాళ్లు ప్లేయింగ్ ఎలెవన్ లో చోటు కోల్పోయే అవకాశం ఉందని భారత టీ20 జట్టు ఎంపిక దిశను దీప్ దాస్ గుప్తా ప్రశ్నించాడు. జ‌ట్టు ఎంపిక‌లో స్పష్టత, వ్యూహాత్మక విధానాన్ని కోరాడు.