IPL Qualifier 2, GT vs RR : గిల్ దెబ్బకు రాజస్థాన్ విలవిల... గుజరాత్ విజయానికి ప్రధాన కారణాలివే

GT vs RR : ఐపిఎల్ క్వాలిఫయర్-2 లో భాగంగా రాజస్థాన్ రాయల్స్ తో జరిగిన మ్యాచ్ లో గుజరాత్ టైటాన్స్ అద్బుత విజయం సాధించింది… ఫైనల్ కు చేరింది. మరి జిటి గెలుపు వెనకున్న ప్రధాన కారణాలేమిటో ఇక్కడ తెలుసుకుందాం. 

Image Credit : ANI

ఐపిఎల్ 2026 ఫైనల్ కు గుజరాత్..

RR vs GT : ఇండియన్ ప్రీమియర్ లీగ్ 2026 లో మరో ఉత్కంఠ పోరుకు న్యూ చండీగఢ్ స్టేడియం సాక్ష్యంగా నిలిచింది. అయితే ఈ కీలక మ్యాచ్ లో రాజస్థాన్ రాయల్స్ ను చిత్తుచేసి గుజరాత్ టైటాన్ ఐపిఎల్ ఫైనల్ కి చేరింది. ఈ క్వాలిఫయర్-2 లో ఏకంగా 400+ పరుగులు నమోదయ్యాయి... ఇరుజట్లు 200 కి పైగా పరుగులు చేశారు. మొదట బ్యాటింగ్ చేసి గుజరాత్ 216 పరుగులు చేసింది... ఈ భారీ లక్ష్యాన్ని గుజరాత్ మరో 9 బంతులు మిగిలుండగానే చేధించింది. 

అయితే గుజరాత్ అద్భుత విజయం వెనక అనేక కారణాలున్నాయి. గిల్ సూపర్ బ్యాటింగ్ నుండి హోల్డర్ బౌలింగ్ వరకు… గుజరాత్ టైటాన్స్ గెలుపు వెనకున్న ముఖ్యమైన రీజన్స్  గురించి తెలుసుకుందాం.

Image Credit : X

శుభ్ మన్ గిల్ సూపర్ సెంచరీ..

215 పరుగుల భారీ లక్ష్యాన్ని గుజరాత్ అలవోకగా చేధించిందంటే అందుకు ప్రధాన కారణం శుభ్ మన్ గిల్ సూపర్ సెంచరీ. అతడు నిజంగా కెప్టెన్ ఇన్నింగ్స్ ఆడాడు.. కేవలం 53 బంతుల్లో 104 పరుగులు (15 ఫోర్లు, 3 సిక్సర్లు) చేశాడు. తీవ్ర ఒత్తిడిలోనూ గిల్ చేసిన సెంచరీ రాజస్థాన్ ఓటమిని శాసించింది... గుజరాత్ విజయానికి బాటలు వేసింది.

Image Credit : ANI

ఓపెనింగ్ జోడీ రికార్డు భాగస్వామ్యం

ఈ ఐపిఎల్ సీజన్లో సక్సెస్ ఫుల్ ఓపెనింగ్ జోడీ తామేనని శుభ్ మన్ గిల్, సాయి సుదర్శన్ మరోసారి నిరూపించుకున్నారు. చావోరేవో తేల్చుకోవాల్సిన కీలకమైన క్వాలిఫయర్-2 లో అద్భుతంగా ఆడారు... కేవలం 77 బంతుల్లో 167 పరుగుల భాగస్వామ్యం నెలకొల్పారు. వీరిద్దరి ఓపెనింగ్ భాగస్వామ్యం మ్యాచ్ మధ్యలోనే గుజరాత్ విజయాన్ని ఖాయం చేసింది.

Image Credit : X

సాయి సుదర్శన్ సూపర్ హాఫ్ సెంచరీ..

కెప్టెన్ శుభ్ మన్ గిల్ కు సాయి సుదర్శన చక్కటి సహకారం అందించాడు. ఓవైపు కెప్టెన్ దూకుడుగా ఆడుతుంటే చక్కటి సహకారం అందించాడు.. చాపకింద నీరులా సుదర్శన్ పరుగులు సాధించాడు. అతడు వేగంగా పరుగులు సాధించలేకపోవచ్చు... కానీ సమయోచితంగా ఆడాడు. సాయి సుదర్శన్ హాఫ్ సెంచరీ (32 బంతుల్లో 58 పరుగులు, 8 ఫోర్లు, 1 సిక్సర్) గుజరాత్ విజయంలో కీలకపాత్ర పోషించింది.

Image Credit : Getty

హోల్డర్, రబాడ అద్భుతమైన బౌలింగ్

కేవలం బ్యాటింగ్ లోనే కాదు బౌలింగ్ లోనూ గుజరాత్ అద్భుతంగా రాణించింది. ముఖ్యంగా కగిసో రబాడ 4 ఓవర్లలో కేవలం 35 పరుగులిచ్చి 2 వికెట్లు పడగొట్టాడు. ఇందులో కీలకమైన వైభవ్ సూర్యవంశీ వికెట్ ఉంది. అలాగే ప్రమాదకమైన ద్రువ్ జురేల్ ను కట్టడి చేయడంలో రబాడా సక్సెస్ అయ్యాడు.

ఇక జేసన్ హోల్డర్ కూడా తక్కువ పరుగులిచ్చి కీలక వికెట్లు పడగొట్టాడు. 4 ఓవర్లలో కేవలం 27 పరుగులే ఇచ్చి 2 వికెట్లు తీశాడు. కెప్టెన్ రియాగ్ పరాగ్, దసున్ శనక వికెట్లు తీశాడు. ఇలా రాజస్థాన్ ను భారీ స్కోరు చేయనివ్వకుండా కట్టడి చేశారు.