Champions Trophy: ఛాంపియన్స్‌ ట్రోఫీని ఫ్రీగా ఎక్కడ చూడొచ్చు.? ఇండియా-పాక్‌ మ్యాచ్‌ ఏ తేదీన ఉంది..

క్రికెట్ అభిమానుంలతా వేయి కళ్లతో ఎదురు చూస్తున్న క్షణానికి ఇంకా మూడు రోజులే ఉంది. మినీ వరల్డ్‌ కప్‌గా చెప్పుకునే ఛాంపియన్స్‌ ట్రోఫీకి అంతా సిద్ధమైంది. ఫిబ్రవరి 19వ తేదీ నుంచి జరగనున్న ఈ ఛాంపియన్స్‌ ట్రోఫీ మ్యాచ్‌లు ఎక్కడ జరగనున్నాయి.? మ్యాచ్‌ లైవ్ స్ట్రీమింగ్ ఎక్కడ చూడొచ్చు.? లాంటి పూర్తి వివరాలు..  

ప్రపంచంలోని టాప్‌ 8 జట్ల మధ్య జరిగే పోరును వీక్షించేందుకు క్రికెట్‌ అభిమానులు ఎంతో ఆతృతగా ఎదురు చూస్తున్నారు. ఐసీసీ ఛాంపియన్స్‌ ట్రోఫీ ఫిబ్రవరి 19వ తేదీన మొదలై మార్చి 9వ తేదీ వరకు జరగనున్నాయి. ఈసారి ఛాంపియన్స్‌ ట్రోఫీకి హోస్ట్‌గా పాకిస్థాన్‌ వ్యవహరిస్తోంది. అయతే భద్రతా కారణాల దృష్ట్యా టీమిండియా పాక్‌లో ఆడకూడదని నిర్ణయించకుంది. ఇందులో భాగంగానే ఈ టోర్నీ పాక్‌తో పాటు దుబాయ్‌ వేదికగా హైబ్రిడ్‌ విధానంలో జరగనుంది. ఫిబ్రవరి 19వ తేదీన పాకిస్థాన్‌-న్యూజిలాండ్ మ్యాచ్‌తో టోర్నీ ప్రారంభం కానుంది. 

ఎక్కడ చూడొచ్చు.? 

ఛాంపియన్స్‌ ట్రోఫీ మ్యాచ్‌లను ఈ సారి భారత్‌లో జియో, హాట్ స్టార్ నెట్​వర్క్ ప్రసారం చేయనున్నాయి. ఇందులో భాగంగానే టీవీల్లో స్టార్‌ స్పోరట్స్‌, స్పోర్ట్స్‌ 18 ఛానెల్స్‌లో ప్రసారం కానున్నాయి. తెలుగు, ఇంగ్లీష్, హిందీ, మరాఠీ, బెంగాలీ, భోజ్‌ పురి, తమిళం, కన్నడ వంటి 8 భాషల్లో ప్రసారం కానున్నాయి. స్టార్ స్పోర్ట్స్, స్పోర్ట్స్ 18 ఛానెల్‌లలో హిందీ, తమిళం, తెలుగు, కన్నడ భాషల్లో లైవ్ మ్యాచ్​లు వీక్షించవచ్చు. ఇక డిజిటల్‌ స్ట్రీమింగ్ విషయానికొస్తే జియోస్టార్‌లో వీక్షించవచ్చు. 

ఉచితంగా చూసే అవకాశం లేదు. 

ఛాంపియన్స్‌ ట్రోఫీని జియోస్టార్‌లో వీక్షించవచ్చు. గతంలో జియో టీవీలో ఉచితంగా మ్యాచ్‌లను వీక్షించే అవకాశం ఉండేది. అయితే ప్రస్తుతం జియో, హాట్‌స్టార్‌ రెండూ కలిసి జియోస్టార్‌గా మారిన నేపథ్యంలో ఇప్పుడు కచ్చితంగా సబ్‌స్క్రిప్షన్‌ ఉండాల్సిన పరిస్థితి ఉంది. దీంతో టీవీలో మాత్రమే మ్యాచ్‌లను ఉచితంగా వీక్షించవచ్చు. ఫోన్‌లో చూడాలంటే డబ్బులు చెల్లించాల్సిందే. 

Image Credit: Getty Images

కీలక మ్యాచ్‌లు.

కరాచీ: ప్రారంభ మ్యాచ్‌కు ఆతిథ్యం ఇస్తుంది.

లాహోర్: రెండవ సెమీ-ఫైనల్, ఫైనల్‌కు ఆతిథ్యం ఇవ్వనుంది. (ఫైనల్ మ్యాచ్‌ వేదిక మారొచ్చు)

ఛాంపియన్స్ ట్రోఫీ 2025 షెడ్యూల్

ఫిబ్రవరి 19: పాకిస్తాన్ vs న్యూజిలాండ్, కరాచీ

ఫిబ్రవరి 20: బంగ్లాదేశ్ vs ఇండియా, దుబాయ్

ఫిబ్రవరి 21: ఆఫ్ఘనిస్తాన్ vs దక్షిణాఫ్రికా, కరాచీ

ఫిబ్రవరి 22: ఆస్ట్రేలియా vs ఇంగ్లాండ్, లాహోర్

ఫిబ్రవరి 23: పాకిస్తాన్ vs ఇండియా, దుబాయ్

ఫిబ్రవరి 24: బంగ్లాదేశ్ vs న్యూజిలాండ్, రావల్పిండి

ఫిబ్రవరి 25: ఆస్ట్రేలియా vs దక్షిణాఫ్రికా, రావల్పిండి

ఫిబ్రవరి 26: ఆఫ్ఘనిస్తాన్ vs ఇంగ్లాండ్, లాహోర్

ఫిబ్రవరి 27: పాకిస్తాన్ vs బంగ్లాదేశ్, రావల్పిండి

ఫిబ్రవరి 28: ఆఫ్ఘనిస్తాన్ vs ఆస్ట్రేలియా, లాహోర్

మార్చి 1: దక్షిణాఫ్రికా vs ఇంగ్లాండ్, కరాచీ

మార్చి 2: న్యూజిలాండ్ vs ఇండియా, దుబాయ్

మార్చి 4: సెమీఫైనల్ 1, దుబాయ్

మార్చి 5: సెమీఫైనల్ 2, లాహోర్

మార్చి 9: ఫైనల్, లాహోర్ (భారత్‌ ఫైనల్‌కు వస్తే మ్యాచ్‌ దుబాయ్‌లో జరుగుతుంది)

మార్చి 10: రిజర్వ్ డే

అన్ని మ్యాచ్‌లు డే-నైట్ మ్యాచ్‌లుగా ఉంటాయి.