ద్రవిడ్-గంభీర్ కోచింగ్ మధ్య తేడా ఏంటో తెలుసా? సీక్రెట్ ను బయటపెట్టిన టీమిండియా స్టార్

Team India : రాహుల్ ద్ర‌విడ్, గౌత‌మ్ గంభీర్.. ఇద్ద‌రు భార‌త క్రికెట్ లో అద్భుత‌మైన ప్లేయ‌ర్లు. ఇద్ద‌రు అనేక సంద‌ర్భాల్లో భార‌త్ కు అనేక విజ‌యాలు అందించారు. భార‌త క్రికెట్ జ‌ట్టుకు ప్ర‌ధాన‌ కోచ్ గా కూడా సేవ‌లు అందించిన వీరిద్ద‌రి మ‌ధ్య ప్ర‌ధాన తేడాలు ఏంటో మీకు తెలుసా?   

Rahul Dravid, Gautam Gambhir

Team India :  రాహుల్ ద్ర‌విడ్ ప్లేయ‌ర్ గానే కాకుండా ప్ర‌ధాన కోచ్ గా టీమిండియాకు అద్భుత‌మైన విజ‌యాలు అందించాడు. భార‌త జ‌ట్టును ఛాంపియ‌న్ గా నిల‌బెట్టాడు. అలాగే, ప్ర‌స్తుతం భార‌త జ‌ట్టు ప్ర‌ధాన కోచ్ గా సేవ‌లు అందిస్తున్న గౌత‌మ్ గంభీర్ కూడా భార‌త జ‌ట్టు విజ‌య ప్ర‌యాణంలో అత‌ని పాత్ర ఎప్ప‌టికీ ప్ర‌త్యేక‌మ‌నే చెప్పాలి. ఈ క్ర‌మంలోనే ప్ర‌స్తుతం వీరి గురించి కొన్ని అంశాలు వైర‌ల్ గా మారాయి. 

<p>rahul dravid gambhir</p>

భారత క్రికెట్ జట్టు స్టార్ వెటరన్ స్పిన్నర్ రవిచంద్రన్ అశ్విన్ టీ20 ప్రపంచకప్ విజేత మాజీ హెడ్ కోచ్ రాహుల్ ద్రవిడ్, ప్రస్తుత ప్రధాన కోచ్ గౌతమ్ గంభీర్‌ల కోచింగ్ ప‌ద్ద‌తుల గురించి మాట్లాడుతూ చాలా వ్యత్యాసాల‌ను పేర్కొన్నాడు. 

అశ్విన్ తన యూట్యూబ్ ఛానెల్‌లో ఇద్దరు భార‌త క్రికెట్ లెజెండ్‌ల గురించి తన అభిప్రాయాన్ని పంచుకుంటూ ఆస‌క్తిక‌ర కామెంట్స్ చేశాడు. గౌతమ్ గంభీర్ భార‌త జ‌ట్టు మాజీ ప్ర‌ధాన కోచ్ రాహుల్ ద్రవిడ్ కంటే స్పాంటేనియస్ అని అశ్విన్ అభిప్రాయపడ్డాడు. పని శైలి చాలా క్రమశిక్షణతో ఉంటుందని చెప్పాడు. 

Ashwin

ద్రవిడ్ నవంబర్ 2021 నుండి భారత జట్టుకు కోచ్‌గా ఉన్నాడు. ఈ ఏడాది జూలైలో భారత జట్టు ప్ర‌ధాన కోచ్ గా ప‌ద‌వీకాలం పూర్తి చేసుకున్నాడు. ద్ర‌విడ్ నాయ‌క‌త్వంలోనే భార‌త‌ జట్టు టీ20 ప్రపంచకప్ 2024 టైటిల్‌ను గెలుచుకుంది. 

గంభీర్ గురించి అశ్విన్ మాట్లాడుతూ.. గంభీర్ ప్రశాంతంగా ఉంటాడనీ, డ్రెస్సింగ్ రూమ్‌లో ఉల్లాసమైన వాతావరణాన్ని కొనసాగించడంలో అతని వైఖరి సహాయపడుతుందని చెప్పాడు. 'అతను (గంభీర్) చాలా ప్రశాంతంగా ఉంటాడని నేను అనుకుంటున్నాను. నేను అతన్ని 'రిలాక్స్డ్ రాంచో' అని పిలవడం ఇష్టం. అతని సమక్షంలో ఒత్తిడి లేదు' అని పేర్కొన్నాడు.  

రాహుల్ ద్ర‌విడ్ గురించి అశ్విన్ మాట్లాడుతూ, 'ఉదయం జట్టు సమావేశానికి సంబంధించి కూడా అతను చాలా సౌకర్యంగా ఉన్నాడు. ఉదయం మీటింగ్‌కి వస్తారా, రండి అని అడిగాడు. గంభీర్ కంటే ద్రవిడ్ వ్యవహారశైలి చాలా కఠినంగా, క్రమబద్ధంగా ఉంటుందని అశ్విన్ చెప్పాడు. 'రాహుల్ భాయ్ (ద్రావిడ్) విషయాలను చాలా క్రమబద్ధంగా ఉంచాలని కోరుకున్నాడు. ఒక నిర్దిష్ట సమయంలో ఒక నిర్దిష్ట ప్రదేశంలో ఒక సీసాని కూడా ఉంచాలని అతను కోరుకున్నాడు. ఈ విషయంలో చాలా క్రమశిక్షణతో వ్యవహరించాడు' అని అన్నాడు. 

గంభీర్ నుంచి అలాంటివి ఆశించడం లేదని అశ్విన్ అన్నాడు. 'అతను చాలా కఠినంగా ఉండటానికి ఇష్టపడడు. అతను ప్రతి ఒక్కరినీ జాగ్రత్తగా చూసుకుంటాడు. జట్టులోని ఆటగాళ్లందరూ అతన్ని ఇష్టపడతారని నేను భావిస్తున్నాన‌ని' చెప్పాడు.

ఘోర కారు ప్రమాదంలో తీవ్ర గాయం నుంచి కోలుకుని టెస్టు జట్టులోకి తిరిగి వచ్చిన భారత వికెట్ కీపర్ రిషబ్ పంత్‌ను కూడా అశ్విన్ ప్రశంసించాడు. బంగ్లాదేశ్‌తో జరిగిన తొలి టెస్టు మ్యాచ్‌లో సెంచరీ చేయడం ద్వారా పంత్ తన పునరాగమనాన్ని చిరస్మరణీయం చేశాడ‌ని కొనియాడాడు. 

రిష‌బ్ పంత్ క్రికెట్ కోసం పుట్టాడని, అతని సామర్థ్యాలను తరచుగా తక్కువగా అంచనా వేస్తారని అశ్విన్ అభిప్రాయపడ్డాడు. 'అతను (పంత్) చాలా బాగా ఆడాడు. రోహిత్‌ బ్యాటింగ్‌లో ఉన్నప్పుడు నేను 10 సార్లు చెప్పాను, అతను చాలా బాగా ఆడతాడు, కానీ అతను ఎలా ఔట్ అవుతాడో నాకు తెలియదు. అతను క్రికెట్ కోసమే పుట్టాడు. చాలా బలమైన వ్యక్తి' అని చెప్పాడు. అలాగే, పంత్ బంతిని కొట్టినప్పుడు అది చాలా దూరం వెళ్తుంద‌నీ, ఒంటి చేత్తో భారీ షాట్లు ఆడగల సత్తా అతని సొంతమ‌ని పేర్కొన్నాడు.