- Home
- Automobile
- Cars
- మిడిల్ క్లాస్ వారికి కూడా లగ్జరీ ట్రావెల్ అనుభూతి.. రూ. 50 లక్షల కారులో ఉండే ఫీచర్లు ఇందులో ఉన్నాయిగా
మిడిల్ క్లాస్ వారికి కూడా లగ్జరీ ట్రావెల్ అనుభూతి.. రూ. 50 లక్షల కారులో ఉండే ఫీచర్లు ఇందులో ఉన్నాయిగా
Tata Sierra EV: టాటా మోటార్స్ ఇటీవల కొత్త సియెరా EVను భారత మార్కెట్లో విడుదల చేసింది. ప్రారంభ ధర రూ.18.79 లక్షలు (ఎక్స్షోరూమ్)గా నిర్ణయించిన ఈ కారులో అదిరిపోయే ఫీచర్లను అందించారు.
ఆల్ వీల్ డ్రైవ్తో మెరుగైన పనితీరు
టాటా సియెరా EVలో 75 kWh బ్యాటరీ వేరియంట్కు ప్రత్యేకంగా క్వాడ్ వీల్ డ్రైవ్ (QWD) సిస్టమ్ను అందించారు. ఇందులో ముందు, వెనుక యాక్సిల్లకు ఒక్కో ఎలక్ట్రిక్ మోటార్ అమర్చారు. ఈ డ్యూయల్ మోటార్ సెటప్ వల్ల అన్ని వీల్స్కి సమానంగా శక్తి అందుతుంది. ఒకసారి పూర్తి ఛార్జ్ చేస్తే గరిష్ఠంగా 624 కిలోమీటర్ల రేంజ్ లభిస్తుందని కంపెనీ చెబుతోంది. అలాగే 504 Nm టార్క్ అందుబాటులో ఉంటుంది. ఇందులో బూస్ట్ మోడ్, ఆఫ్రోడ్ టెర్రెయిన్ మోడ్స్, ఆఫ్రోడ్ అసిస్ట్ వంటి ఫీచర్లు కూడా ఉన్నాయి. దీంతో నగర రోడ్లపైనే కాకుండా కొండ ప్రాంతాలు, కఠినమైన మార్గాల్లో కూడా సులభంగా డ్రైవ్ చేయవచ్చు.
540 డిగ్రీ కెమెరాతో డ్రైవింగ్ మరింత సులభం
సియెరా EVలో 540 డిగ్రీ సరౌండ్ వ్యూ కెమెరాతో పాటు ట్రాన్స్పరెంట్ మోడ్ను కూడా అందించారు. దీంతో వాహనం చుట్టూ ఉన్న పరిసరాలను స్పష్టంగా చూడొచ్చు. అంతేకాకుండా అడాప్టివ్ ఫ్రంట్, రియర్ టర్న్ కెమెరాలు, బ్లైండ్ స్పాట్ వ్యూ మానిటర్ కూడా ఉన్నాయి. ప్రత్యేకంగా ముందు బంపర్ కింద అమర్చిన కెమెరా రోడ్డు పరిస్థితులను నేరుగా చూపిస్తుంది. ఆఫ్రోడింగ్ సమయంలో రాళ్లు, గుంతలు, ఎత్తైన మార్గాలు వంటి అడ్డంకులను ముందుగానే గుర్తించి సురక్షితంగా వాహనం నడపడానికి ఇది ఉపయోగపడుతుంది.
ఆటో పార్క్ అసిస్ట్, సమన్ మోడ్తో స్మార్ట్ డ్రైవింగ్
హై వేరియంట్లలో ఆటో పార్క్ అసిస్ట్ ఫీచర్ను అందించారు. ఇందులో 16కిపైగా పార్కింగ్ ఫంక్షన్లు ఉన్నాయి. సమాంతర పార్కింగ్, నిలువు పార్కింగ్, యాంగిల్ పార్కింగ్, రివర్స్ అసిస్ట్, రిమ్ ప్రొటెక్షన్, మాన్యువర్ వార్నింగ్ వంటి సదుపాయాలు డ్రైవర్కు ఎంతో ఉపయోగపడతాయి. రద్దీ ప్రాంతాల్లో లేదా ఇరుకైన పార్కింగ్ స్థలాల్లో ఇది బాగా ఉపయోగపడుతుంది.
అదే విధంగా సమన్ మోడ్ కూడా ఇందులో ఉంది. కీ ఫాబ్ లేదా మొబైల్ యాప్ ద్వారా డ్రైవర్ వాహనంలో కూర్చోకుండానే SUVను ముందుకు లేదా వెనక్కి కదిలించవచ్చు. ఇరుకైన ప్రదేశాల్లో వాహనాన్ని బయటకు తీయాల్సిన సందర్భాల్లో ఈ ఫీచర్ ఎంతో ఉపయోగకరంగా ఉంటుంది.
కారులోనే గేమింగ్ అనుభవం
టాటా సియెరా EVలో AirConsole సపోర్ట్ను కూడా అందించారు. దీనివల్ల ఇన్ఫోటైన్మెంట్ స్క్రీన్ను మల్టీప్లేయర్ గేమింగ్ కన్సోల్గా ఉపయోగించవచ్చు. ప్రయాణికులు తమ స్మార్ట్ఫోన్లను గేమ్ కంట్రోలర్లుగా ఉపయోగించి గేమ్స్ ఆడవచ్చు. ఛార్జింగ్ కోసం వాహనం ఆగినప్పుడు లేదా ఎక్కడైనా వేచి ఉండాల్సిన పరిస్థితుల్లో పిల్లలు, పెద్దలు సరదాగా సమయం గడపడానికి ఈ ఫీచర్ ఉపయోగపడుతుంది. దీంతో కారులో ప్రయాణం మరింత ఎంటర్టైన్మెంట్గా మారుతుంది.
సౌకర్యవంతమైన సీట్లు, అడ్జస్టబుల్ సన్ వైజర్
సియెరా EVలో ముందు సీట్లకు అడ్జస్టబుల్ థై సపోర్ట్ను అందించారు. దీంతో డ్రైవర్, ముందు ప్రయాణికుడు ఎక్కువసేపు ప్రయాణించినా అలసట తక్కువగా ఉంటుంది. అలాగే 8-వే అడ్జస్టబుల్ సన్ వైజర్ కూడా ఉంది. సూర్యరశ్మి ఏ దిశ నుంచి వచ్చినా అవసరానికి అనుగుణంగా వైజర్ను సర్దుబాటు చేసుకోవచ్చు. దీంతో కళ్లకు ఇబ్బంది తగ్గి డ్రైవింగ్ మరింత సౌకర్యంగా ఉంటుంది. ముఖ్యంగా లాంగ్ డ్రైవ్లు చేసే వారికి ఈ రెండు ఫీచర్లు మంచి అనుభూతిని అందిస్తాయి.
