WhatsApp: వాట్సాప్‌లో కొత్త ఫీచర్: వేరే వాళ్ల స్టేటస్ ను మీరు రీపోస్ట్ చేయొచ్చు. ఎలాగంటే..

15

మొబైల్ ఫోన్ ఉన్న ప్రతి ఒక్కరికీ వాట్సాప్ అకౌంట్ కచ్చితంగా ఉంటుంది. ఫోన్లు, మెసేజ్ లు పోయి ఇప్పుడు కొత్తగా వాట్సాప్ కాల్స్, గ్రూప్ కాల్స్, గ్రూప్ చాటింగ్ అంటూ కొత్త విధానాల్లో కాంటాక్ట్ లో ఉంటున్నారు. వాట్సాప్ వచ్చిన తర్వాత మెసేజ్ లు చూసుకోవడం, చేసుకోవడం మానేశారు. ఇప్పుడంతా వాట్సాప్ లోనే జరిగిపోతున్నాయి. మెసేజ్ లు మొదలుకొని ఫోటోలు, వీడియోలు కూడా వాట్సాప్ లోనే షేర్ చేసుకుంటున్నారు. 

25

వాట్సాప్ కూడా ఎప్పటికప్పుడు కొత్త ఫీచర్స్ తీసుకొస్తోంది. కేవలం మెసేజ్ యాప్ లా మొదలైన వాట్సాప్ ఆడియో కాల్స్, వీడియో కాల్స్, మనీ ట్రాన్సాక్షన్స్ కూడా అనుమతి ఇస్తోంది. ఇప్పుడు పరిచయం చేసిన కొత్త ఫీచర్ కూడా చాలా సింపుల్, ఉపయోగకరమైంది. దీని గురించి పూర్తి వివరాలు తెలుసుకుందాం. 

35

ఈ ఫీచర్ ద్వారా యూజర్లు ఇతరులు షేర్ చేసిన స్టేటస్‌లను తాము తిరిగి తమ స్టేటస్‌‍గా పోస్ట్ చేసుకునే అవకాశం కలుగుతుంది. అయితే ఇది పూర్తిగా యూజర్ అనుమతిపై ఆధారపడి ఉంటుంది. అదేంటంటే స్టేటస్‌ను పోస్ట్ చేసిన వ్యక్తి ‘Allow Sharing’ అనే ఆప్షన్‌ను ఆన్ చేసినపుడే ఈ ఫీచర్ పనిచేస్తుంది.

45

ఈ కొత్త ఫీచర్ ద్వారా వాట్సాప్‌లో స్టేటస్ షేరింగ్ చాలా సింపుల్ అవుతుంది. ఇప్పుడు ఒకరు పెట్టిన స్టేటస్‌ను నచ్చినవారు, తమ ఫ్రెండ్స్‌తో మళ్లీ షేర్ చేసుకునే వీలుండటం వల్ల సమాచారాన్ని త్వరగా స్ప్రెడ్ చేయవచ్చు.

ప్రస్తుతం ఈ ఫీచర్ బీటా యూజర్లకు అందుబాటులో ఉంది. త్వరలోనే ఇది అన్ని యూజర్లకు విడుదలయ్యే అవకాశం ఉంది. కానీ ప్రస్తుతం ఇది మాత్రమే కాంటాక్ట్‌ల మధ్య షేరింగ్‌కు పరిమితమవుతుంది. అంటే మీ కాంటాక్ట్స్‌లో ఉన్నవారే స్టేటస్‌ను రీపోస్ట్ చేసుకునే వీలుంది.

55

ఇంకా ముఖ్యమైన విషయం ఏమిటంటే రీపోస్ట్ చేయాలంటే మీరు ఆ స్టేటస్ చూసే సమయంలోనే "Allow Sharing" ఆప్షన్‌ను ఆన్ చేయాల్సి ఉంటుంది. లేకపోతే ఆ స్టేటస్‌ను మళ్లీ రీపోస్ట్ చేయలేరు.

ఈ ఫీచర్ ద్వారా స్టేటస్‌ల వినియోగం మరింత పెరగనున్నట్లు తెలుస్తోంది. వాట్సాప్ తరచూ తన యూజర్ ఎక్స్‌పీరియెన్స్ మెరుగుపరచేందుకు కొత్త ఫీచర్లను తీసుకొస్తోంది. 

వాట్సాప్‌ను గూగుల్ ప్లే స్టోర్ లేదా యాప్ స్టోర్‌లో అప్డేట్ చేసి, ఈ ఫీచర్ అందుబాటులో ఉందో లేదో చెక్ చేసుకోవచ్చు.