Stock Market: మార్కెట్ పడిపోతుందని భయపడకండి.! ఇలా మీ పోర్ట్‌ఫోలియోను కాపాడుకోవచ్చు.. అదెలాగంటే.?

Stock Market: గ్లోబల్ మార్కెట్ ఉద్రిక్తతల సమయంలో మ్యూచువల్ ఫండ్ ఇన్వెస్టర్లు అనుసరించాల్సిన వ్యూహాలను ఆర్థిక నిపుణులు వివరించారు. SIPలను ఆపకుండా కొనసాగించడం, పోర్ట్‌ఫోలియో రీబ్యాలెన్సింగ్, భయాందోళనతో కూడిన అమ్మకాలకు.. 

Image Credit : Stock Market\Twitter

స్టాక్ మార్కెట్లు ఒడిదుడుకులు

ప్రస్తుతం గ్లోబల్ మార్కెట్లలో నెలకొన్న ఉద్రిక్తతల వల్ల స్టాక్ మార్కెట్లు ఒడిదుడుకులకు లోనవుతున్నాయి. ఇలాంటి సమయంలో ఇన్వెస్టర్లు భయాందోళనతో తమ పెట్టుబడులను వెనక్కి తీసుకోవాలా లేక కొనసాగించాలా అనే సందిగ్ధంలో ఉన్నారు. అయితే మార్కెట్ పతనం అనేది ఎప్పుడూ తాత్కాలికమేనని, సహనంతో ఉంటేనే సంపద సృష్టించవచ్చని నిపుణులు స్పష్టం చేస్తున్నారు.

Image Credit : Stock Market\Twitter

మార్కెట్ రికవరీ తప్పనిసరి

గతంలో జరిగిన అనేక యుద్ధాలు లేదా సంక్షోభాల సమయంలో మార్కెట్లు పడిపోయినప్పటికీ, అతి తక్కువ కాలంలోనే తిరిగి కోలుకున్నాయని బిజినెస్ నిపుణులు గుర్తు చేశారు.

కార్గిల్ యుద్ధం: మార్కెట్ 20 శాతం పడిపోయినా, 3 నెలల్లోనే రికవరీ అయ్యింది.

కోవిడ్ క్రాష్: నిఫ్టీ 40 శాతం పడిపోయినా, 6 నెలల నుంచి ఏడాదిలోపే ఆల్ టైమ్ హైకి చేరింది.

ఇతర యుద్ధాలు: రష్యా-ఉక్రెయిన్, ఇజ్రాయెల్-హమాస్ యుద్ధాల సమయంలోనూ మార్కెట్లు కేవలం 4 నుంచి 5 నెలల్లోనే తిరిగి పుంజుకున్నాయి.

Image Credit : Stock Market\Twitter

ఇన్వెస్టర్లు చేయాల్సినవి

SIP కంటిన్యూ చేయండి: మార్కెట్ పడిపోయినప్పుడు SIP ఆపడం అతిపెద్ద తప్పు. మార్కెట్ తక్కువలో ఉన్నప్పుడు మీకు ఎక్కువ యూనిట్లు వస్తాయి. ఇది దీర్ఘకాలంలో భారీ లాభాలను ఇస్తుంది.

అసెట్ అలొకేషన్: మీ వయస్సును బట్టి పోర్ట్‌ఫోలియోను సర్దుబాటు చేసుకోండి. యువత ఈక్విటీలో ఎక్కువ పెట్టుబడి పెట్టవచ్చు, కానీ రిటైర్మెంట్‌కు దగ్గరగా ఉన్నవారు డెట్ ఫండ్స్‌కు ప్రాధాన్యత ఇవ్వాలి.

బంగారంలో పెట్టుబడి: పోర్ట్‌ఫోలియోలో 5-10 శాతం బంగారం(Gold ETFs/Funds) ఉండటం వల్ల మార్కెట్ అనిశ్చితి సమయంలో రక్షణ లభిస్తుంది.

STP మార్గం: లంసం(Lumpsum) పెట్టుబడి పెట్టాలనుకునే వారు ఒకేసారి కాకుండా, లిక్విడ్ ఫండ్ నుంచి ఈక్విటీ ఫండ్‌కు STP(Systematic Transfer Plan) ద్వారా మళ్లించడం ఉత్తమం.

Image Credit : Stock Market\Twitter

చేయకూడనివి

పానిక్ సెల్లింగ్: మార్కెట్ పడిపోతుందని భయపడి నష్టాల్లో ఉన్నప్పుడు అమ్మేయకండి. మీరు అమ్మితేనే అది మీకు నష్టంగా మారుతుంది, లేదంటే అది కేవలం పేపర్ లాస్ మాత్రమే.

వార్తలకు అతిగా స్పందించడం: వాట్సప్ ఫార్వర్డ్స్ లేదా టీవీ వార్తలను చూసి ఆవేశంగా నిర్ణయాలు తీసుకోవద్దు.

స్మాల్ & మిడ్ క్యాప్ రష్: మార్కెట్ అస్థిరంగా ఉన్నప్పుడు స్మాల్ క్యాప్ ఫండ్స్‌లో కొత్తగా భారీ పెట్టుబడులు పెట్టడానికి తొందరపడొద్దు.

Image Credit : Stock Market\Twitter

నిర్ణయం తీసుకునే ముందు..

ఏదైనా నిర్ణయం తీసుకునే ముందు 72 గంటల పాటు వేచి చూడాలని, ఆ తర్వాత కూడా అవసరమనిపిస్తేనే మీ ఫైనాన్షియల్ అడ్వైజర్‌ను సంప్రదించి అడుగు ముందుకు వేయాలని సూచించారు. పెట్టుబడి అనేది కేవలం డబ్బుతో కూడినది మాత్రమే కాదు, అది మీ మైండ్‌సెట్‌పై ఆధారపడి ఉంటుందని స్పష్టం చేశారు.