New Financial year: ఏప్రిల్‌ 1 నుంచి భారీగా మార్పులు.. మన రోజువారి జీవితంపై చూపే ప్రభావం ఏంటంటే

13

ఆదాయపు పన్ను:

* రూ.12 లక్షల వరకు ఆదాయంపై పన్ను లేదు.

* ఉద్యోగులకు ప్రామాణిక తగ్గింపు రూ.75,000 వర్తిస్తుంది, దీంతో రూ.12.75 లక్షల వరకు పన్ను మినహాయింపు లభించనుంది. ఈ పరిమితిని మించి ఉన్న వారికి పన్ను శ్లాబుల ప్రకారం పన్ను విధిస్తారు.

గృహ రుణాలు :

* ఏప్రిల్‌ 1వ తేదీ నుంచి పెద్ద నగరాల్లో రూ.50 లక్షల వరకు, మధ్య తరహా నగరాల్లో రూ.45 లక్షల వరకు, చిన్న పట్టణాల్లో రూ.35 లక్షల వరకు రుణాలు ప్రాధాన్య రంగ రుణాలుగా అందించనున్నారు. 

23

యూపీఐ  మొబైల్ నంబర్ మార్పు:

గత 12 నెలలుగా ఉపయోగించని మొబైల్ నంబర్లకు అనుసంధానంగా ఉన్న యూపీఐ ఐడీలు నేటి నుంచి పనిచేయవు. కొత్త నంబరు కోసం బ్యాంకులో లేదా మొబైల్ బ్యాంకింగ్ ద్వారా నమోదు చేసుకోవాల్సి ఉంటుంది. 

వడ్డీ ఆదాయంపై టీడీఎస్: 

సీనియర్ సిటిజన్లకు రూ.1 లక్ష వరకు టీడీఎస్ వర్తించదు.

ఆధార్ - పాన్ లింకింగ్ ప్రభావం: 

ఆధార్‌-పాన్‌ లింక్‌ చేయకపోతే ఏప్రిల్‌ 1 నుంచి డివిడెండ్ల రూపంలో ఆదాయం అందదు. టీడీఎస్‌ రేటూ పెరుగుతుంది. పన్ను వసూలు చేసినప్పటికీ, అది ఫామ్‌ 26 ఏఎస్‌లో కనిపించదు.

విదేశీ ప్రయాణం:

విదేశీ ప్రయాణం, పెట్టుబడులపై టీసీఎస్‌ పరిమితి రూ.7 లక్షల నుంచి రూ.10 లక్షలకు పెరిగింది. 

33

కేవైసీ, నామినీ వివరాలు:

డీమ్యాట్ ఖాతా, మ్యూచువల్ ఫండ్లకు కేవైసీ వివరాలను మళ్లీ సమర్పించాల్సి ఉంటుంది. నామినీ వివరాలు ధృవీకరించాలి.

హోటళ్లు, రెస్టారెంట్లు: 

రూ.7,500 కంటే ఎక్కువ గది అద్దె ఉన్న హోటళ్లలో రెస్టారెంట్ సేవలపై 18% జీఎస్టీ వర్తిస్తుంది. 

ఆదాయపు పన్ను రిటర్న్ గడువు: 

అప్‌డేటెడ్‌ రిటర్నుల గడువు 12 నెలల నుంచి 48 నెలలకు పెరిగింది. 

చెక్కు చెల్లింపులు: 

రూ.50,000కు మించి చెక్కు చెల్లింపులకు ఎలక్ట్రానిక్ విధానంలో వివరాలు సమర్పించాలి. బ్యాంకు ధృవీకరణ తర్వాత మాత్రమే చెక్కు చెల్లింపు జరుగుతుంది. 

యులిప్ (యూనిట్ లింక్డ్ ఇన్సూరెన్స్ పాలసీ): 

రూ.2.5 లక్షలకు పైగా ప్రీమియం చెల్లించిన యులిప్‌ను వెనక్కి తీసుకున్నప్పుడు వచ్చిన లాభంపై పన్ను చెల్లించాలి.