6 నెలల్లో 20,000 కార్ల అమ్మకాలు.. రికార్డు క్రియేట్ చేసిన ఎలక్ట్రిక్ కారు ఏంటో తెలుసా?
కేవలం 7 నెలల క్రితం ఇండియాలోకి లాంచ్ అయిన కారు అది. ప్రారంభమైన నెల తర్వాత అమ్మకాలు స్టార్ట్ అయ్యాయి. అంతే 6 నెలలు గడిచేలోగా ఏకంగా 20 వేల కార్లు అమ్ముడయ్యాయి. ఈ మైలురాయిని చేరుకుని దేశంలోనే వేగవంతమైన ఎలక్ట్రిక్ కారుగా నిలిచిన ఆ కారు గురించి పూర్తి వివరాలు తెలుసుకుందామా?.
JSW MG మోటార్స్ కు చెందిన MG విండ్సర్ కేవలం ఆరు నెలల్లో 20,000 కార్ల అమ్మకాలను అందుకుందని ఆ కంపెనీ ప్రకటించింది. వాస్తవానికి MG విండ్సర్ భారతదేశంలో సెప్టెంబర్ 2024లో లాంచ్ అయ్యింది. అయితే అమ్మకాలు మాత్రం అక్టోబర్ 2024లో ప్రారంభమయ్యాయి. అప్పటి నుండి ఇది దేశంలో అత్యధికంగా అమ్ముడవుతున్న ఎలక్ట్రిక్ కార్లలో ఒకటిగా ఉంది.
ఈ ఎలక్ట్రిక్ MPV కారు ఎక్సైట్, ఎక్స్క్లూజివ్, ఎసెన్స్ అనే మూడు వేరియంట్లలో అందుబాటులో ఉంది. ఎక్సైట్ ధర (ఎక్స్-షోరూమ్) రూ.13,99,800గా ఉంది. అదే ఎక్స్క్లూజివ్ ధర రూ.14,99,800, ఎసెన్స్ ధర రూ.15,99,800గా ఉంది.
విండ్సర్ EV ధర
ఈ ఎలక్ట్రిక్ కారును BaaS (Battery-as-a-Service) మోడల్లో కూడా కొనుగోలు చేయవచ్చు. దీని ప్రకారం ధరలు ఇలా ఉన్నాయి.
ఎక్సైట్ - రూ.9,99,800 + బ్యాటరీ అద్దె రూ.3.9/కి.మీ.
ప్రత్యేక - రూ.10,99,800 + బ్యాటరీ అద్దె రూ.3.9/కి.మీ.
ఎసెన్స్ - రూ.11,99,800 + బ్యాటరీ అద్దె రూ.3.9/కి.మీ.
332 కి.మీ. రేంజ్
MG విండ్సర్, IP67 రేటింగ్ కలిగిన 38kWh లిథియం ఐరన్ ఫాస్ఫేట్ (LFP) బ్యాటరీ సహాయంతో పనిచేస్తుంది. ఈ మోటారు గరిష్టంగా 136PS శక్తిని, 200Nm గరిష్ట టార్క్ను ఉత్పత్తి చేస్తుంది. ఒకసారి పూర్తిగా ఛార్జ్ చేస్తే 332 కి.మీ. ప్రయాణిస్తుంది. ఈ కారులో ఎకో, ఎకో +, నార్మల్, స్పోర్ట్ అనే నాలుగు డ్రైవింగ్ మోడ్లు ఉన్నాయి.
MG విండ్సర్ కారులో LED లైట్లు, ఫ్లష్ డోర్ హ్యాండిల్స్, 18 అంగుళాల అల్లాయ్ వీల్స్, ఏరో లౌంజ్ సీట్లు, ముందు వెంటిలేటెడ్ సీట్లు, వైర్లెస్ ఆండ్రాయిడ్ ఆటో, ఆపిల్ కార్ప్లేతో కూడిన 15.6 అంగుళాల టచ్స్క్రీన్ ఇన్ఫోటైన్మెంట్ సిస్టమ్, ఆటోమేటిక్ క్లైమేట్ కంట్రోల్, PM 2.5 ఫిల్టర్, పవర్డ్ టెయిల్గేట్, పనోరమిక్ సన్రూఫ్ వంటి ఫీచర్లు ఉన్నాయిజ. వెనుక సీటు 135 డిగ్రీల వరకు వంగగలదు.
ఇది కూడా చదవండి 7 సీటర్ కార్లలో బెస్ట్ కార్లు ఇవే. పెద్ద కుటుంబాలు పర్ఫెక్ట్ సెలక్షన్