Mahindra: మహీంద్రాకు ఇక తిరుగులేదు.. ఇండియాలో కొత్త డిజైన్ స్టూడియో ప్రారంభం
Mahindra: భారతదేశ దిగ్గజ కంపెనీ మహీంద్రా అండ్ మహీంద్రా తన కొత్త డిజైన్ స్టూడియోను అధికారికంగా ప్రారంభించింది. దీని ద్వారా ముఖ్యంగా మహీంద్రా కంపెనీ నుంచి మరిన్ని కొత్త మోడల్స్, బెస్ట్ అవుట్పుట్తో వస్తాయని కంపెనీ ప్రకటించింది. కొత్త డిజైన్ స్టూడియో ప్రత్యేకతలు ఇప్పుడు తెలుసుకుందాం.
మహీంద్రా అండ్ మహీంద్రా ముంబైలో తన కొత్త డిజైన్ స్టూడియోను అధికారికంగా ప్రారంభించింది. మహీంద్రా ఇండియా డిజైన్ స్టూడియో (MIDS)గా పేరుగాంచిన ఈ యూనిట్ మహీంద్రా నుంచి తయారవుతున్న కొత్త మోడల్స్ మరింత నాణ్యతగా, కొత్త టెక్నాలజీతో తయారయ్యేలా పనిచేస్తుంది.
మహీంద్రా ఇండియా డిజైన్ స్టూడియోను (MIDS)ఇండియాలో 2015లో స్థాపించారు. ఇప్పుడు దీన్ని కొత్త టెక్నాలజీతో అప్ డేట్ చేశారు. ప్రస్తుతం ఇందులో 100 మందికి పైగా ఉద్యోగులు పనిచేస్తున్నారు. ఇప్పుడు కొత్త స్టూడియో పరిమాణం, విస్తీర్ణం రెట్టింపు అయింది. దీన్ని బట్టి వెహికల్ డిజైనింగ్ లో టెక్నాలజీ, సౌకర్యాలు కూడా రెట్టింపు అవుతాయని కంపెనీ ప్రకటించింది. ఎందుకంటే కొత్త డిజైన్ స్టూడియోలో వంద మందికి పైగా డిజైన్ ఉద్యోగులు పనిచేస్తున్నారు. వీరంతా కొత్త మోడల్ వెహికల్ డిజైనింగ్ పైనే పనిచేస్తారు.
ముంబైలోని MIDS, UKలోని మహీంద్రా అడ్వాన్స్డ్ డిజైన్ యూరప్ యూనిట్ తో కలిసి పనిచేస్తుందని కంపెనీ ప్రతినిధులు ప్రకటించారు.
మహీంద్రా ఇండియా డిజైన్ స్టూడియో ఎందుకోసం పనిచేస్తుంది?
వాణిజ్య, ప్రైవేట్ ఆటో విభాగాలు రెండింటికీ సేవ చేయడానికి కొత్త డిజైన్ స్టూడియో పనిచేస్తుంది. మహీంద్రా వెహికల్స్ కు పెరుగుతున్న డిమాండ్ నేపథ్యంలో వ్యాపార విస్తరణలో భాగంగా కొత్త డిజైన్ స్టూడియోను ఆవిష్కరించారు.
MIDS వాణిజ్య వాహనాలు, చిన్న ట్రాక్టర్లు, ట్రక్కులు, బస్సుల డిజైనింగ్ కూడా చేయగల సామర్థ్యాన్ని కలిగి ఉంది. ఇందులో ట్రక్ క్యాబిన్లను నిర్వహించడానికి తగినంత పెద్ద డిజైనింగ్ విభాగం ఉంది.
ప్రారంభోత్సవంలో సీనియర్ వైస్ ప్రెసిడెంట్ ఆఫ్ డిజైన్, MIDS హెడ్ అజయ్ శరణ్ శర్మ, మహీంద్రా చీఫ్ డిజైన్, క్రియేటివ్ ఆఫీసర్ ప్రతాప్ బోస్ మాట్లాడుతూ కొత్త డిజైన్ యూనిట్ ఇంటర్నల్, ఎక్సటర్నల్ డిజైన్ నుంచి టెక్ HMI డిజైన్ వరకు అన్ని MIDSలోనే చేయవచ్చని తెలిపారు. క్లే మోడల్స్, బాడీ ప్యానెల్స్ కోసం ఇతర కంపెనీలపై ఆధారపడాల్సిన అవసరం లేదని, సొంత పెయింట్ షాపు ఏర్పాటు చేశామని తెలిపారు.