Currency: ఈ కరెన్సీ విలువ డాలర్‌ కంటే మూడు రెట్లు అధికం.. అయినా అమెరికానే తోపు, కారణం ఏంటంటే..

14

currency

ప్రపంచంలో ప్రతి దేశానికి త‌న‌కంటూ ఒక ప్రత్యేక కరెన్సీ ఉంటుంది. భారత్‌లో రూపాయి, పాకిస్థాన్‌లో పాకిస్థాన్‌ రూపాయి, బంగ్లాదేశ్‌లో బంగ్లాదేశీ టాకా, అమెరికా డాలర్‌ ఇలా ఎన్నో కరెన్సీలు ఉన్నాయి. అయితే ప్రపంచవ్యాప్తంగా వినిపించే పేరు డాలర్‌ మాత్రమే. అమెరికా కరెన్సీ అయిన డాలర్‌లో ప్రపంచంలోని దేశాలు వ్యాపారం చేస్తాయి. ఉదాహరణకు భారత్‌లో డాలర్‌ కరెన్సీ కాదు, చైనాలో కరెన్సీ డాలర్‌ కాదు కానీ ఈ రెండు దేశాల మధ్య జరిగే లావాదేవీలు డాలర్‌ రూపంలో జరుగుతాయి. 

24

అమెరికా డాలర్‌కు ఉన్న ప్రాధాన్యత ఎలాంటిదో చెప్పేందుకు ఇదొక సాక్ష్యంగా చెప్పొచ్చు. ఇలా డాలర్‌ ప్రపంచాన్ని శాసిస్తుంది. ప్రస్తుతం ఒక డాలర్‌ విలువ రూ. 87.15తో సమానంగా ఉంది. అయితే ప్రపంచంలో డాలర్‌ కంటే విలువైన కరెన్సీ ఉందని మీకు తెలుసా.? డాలర్‌తో పోల్చితే ఏకంగా మూడు రెట్లు అధికం కావడం విశేషం. ఇంతకీ ఆ కరెన్సీ ఏంటంటే కువైట్‌ దినార్‌. 

34

కువైట్‌ దినార్‌ అమెరికా డాలర్‌ కంటే మూడు రెట్లు అధికంగా. ఒక్క కువైట్‌ దినార్‌ మన రూ. 282.87తో సమానం. ఈ లెక్కన చూస్తే దినార్‌తో పోల్చితే డాలర్‌ ఎంత బలహీనమైందో అర్థమవుతోంది. అయితే ఇంత విలువైన కువైట్‌ దినార్‌ ప్రపంచంలో అత్యంత శక్తివంతమైన దేశం ఎందుకు కాలేదు.? అమెరికా డాలర్‌ ఎందుకు డామినేట్‌ చేస్తోంది.? అనే ప్రశ్నలు రావడం సర్వసాధారణం. 

44

అయితే దీనికి కారణం ఏంటంటే. అమెరికా జీడీపీలో ప్రపంచంలో మొదటి స్థానంలో ఉంటుంది. కువైట్‌ విషయానికొస్తే జీడీపీ విషయంలో చాలా చిన్న దేశం. అంతేకాకుండా కువైట్ దీనార్ కొన్ని ప్రాంతాలలో మాత్రమే ఉపయోగిస్తారు. కానీ అమెరికా డాలర్‌ మాత్రం ప్రపంచ కరెన్సీగా పరిగణిస్తారు. అమెరికా డాలర్ ప్రపంచ రిజర్వ్ కరెన్సీ. ప్రపంచవ్యాప్తంగా ఉన్న మిగిలిన దేశాలు తమ విదేశీ మారక నిల్వలలో ఎక్కువ భాగాన్ని డాలర్లలో ఉంచుతాయి. డాలర్‌తో పోలిస్తే బలంగా ఉన్నప్పటికీ కువైట్ దినార్ శక్తివంతమైన దేశం కాకపోవడానికి ఇదే కారణం.