Best Investment మిమ్మల్ని త్వరగా కోటీశ్వరులను చేసే మార్గాలేంటో తెలుసా?

డబ్బు సంపాదించాలనీ, ఉన్న కొద్దిమొత్తాన్నే తక్కువ సమయంలో రెట్టింపు చేసుకోవాలనీ అందరూ ఆకాంక్షిస్తారు. డబ్బు పెట్టుబడి అనగానే అందరికీ బంగారం, షేర్లు, రియల్ ఎస్టేట్.. ఇవే గుర్తొస్తాయి. మరి ఈ మూడింటిలో ఏ పెట్టుబడి సరైనది? వీటిలో ఏది మిమ్మల్ని కోటీశ్వరుల్ని చేస్తుందో చూద్దాం.  

ఏది బెస్ట్ ఇన్వెస్ట్‌మెంట్?

బెస్ట్ ఇన్వెస్ట్‌మెంట్: మనం కష్టపడి సంపాదించే డబ్బును సరైన మార్గంలో పెట్టుబడి పెట్టడం చాలా ముఖ్యం. అందులో భాగంగానే చాలామంది డబ్బులో మంచి రాబడి కోసం షేర్లు, బంగారం లేదా రియల్ ఎస్టేట్ వంటి వాటిలో పెట్టుబడులు పెడుతున్నారు.

రియల్ ఎస్టేట్

తక్కువ వడ్డీ రేట్లు గృహ రుణాలు మరింత అందుబాటులోకి వస్తున్నాయి. భూమిపై పెట్టుబడి ఎప్పటికీ లాభదాయకమే అని అందరి నమ్మకం. దీంతో ఎక్కువమంది అటువైపు మొగ్గు చూపిస్తున్నారు. అయితే రియల్ ఎస్టేట్‌కు కొన్ని లోపాలు ఉన్నాయి. ఇందులో నగదు లభ్యత తక్కువగా ఉంటుంది. ఎక్కువ ఖర్చులు ఉంటాయి. రిజిస్ట్రేషన్ మోసాలు ఉంటాయని కొందరు భయపడుతుంటారు.

బంగారు పెట్టుబడి

బంగారం ఎల్లప్పుడూ సురక్షితమైన పెట్టుబడి. బంగారం ఉండటం సెంటిమెంట్ మాత్రమే కాదు.. ఇదొక సంప్రదాయ పెట్టుబడిగానూ తరతరాలుగా ఉంది. ముఖ్యంగా భారతదేశంలో బంగారం ధర 2014 నుంచి 2024కి బాగా పెరిగింది. గత పదేళ్లలో దాదాపు 178% బంగారం పెరిగింది. అయినా కొన్నిసార్లు ఇందులోనూ హెచ్చుతగ్గులు ఉంటాయి.

షేర్లలో పెట్టుబడి

షేర్లలో ఇప్పుడు చాలామంది పెట్టుబడి పెట్టుబడి పెడుతున్నారు. ముఖ్యంగా కరోనా తర్వాత షేర్ల ధరలు విపరీతంగా పెరగడంతో ఎక్కువమంది డీమ్యాట్ ఖాతాలు తెరిచాయి.  ఇందులో నగదు లభ్యత ఎక్కువ. అయితే షేర్ మార్కెట్ తరచూ తీవ్ర హెచ్చుతగ్గులకు లోనవుతూ ఉంటుంది. దీర్ఘకాలిక పెట్టుబడిలో మంచి లాభాలు గడించే అవకాశం ఉంది. ప్రస్తుతం మార్కెట్ బాగా దిద్దుబాటులో ఉంది.