Ola: ఓలా స్కూట‌ర్ల‌పై రూ. 40 వేల డిస్కౌంట్‌.. అక్ష‌య తృతీయ వేళ అదిరిపోయే ఆఫ‌ర్

అక్ష‌య తృతీయ‌ను పుర‌స్క‌రించుకొని ప్ర‌ముఖ ఎల‌క్ట్రిక్ వాహ‌నాల త‌యారీ సంస్థ ఓలా ప్ర‌త్యేక సేల్‌ను ప్ర‌క‌టించింది. ఓలా ఎస్‌1 వాహ‌నాల‌పై భారీగా డిస్కౌంట్ అందిస్తోంది. జెన్‌2, జెన్‌3 మోడళ్లపై గ‌తంలో ఎన్న‌డూ లేని విధంగా భారీగా డిస్కౌంట్‌ను అందిస్తున్నట్లు సంస్థ ప్ర‌క‌టించింది. ఈ సేల్ ఇప్ప‌టికే ప్రారంభం కాగా మే 30వ తేదీతో ముగియ‌నుంది. 

ఏ స్కూటీపై ఎంత డిస్కౌంట్ ల‌భించ‌నుందంటే..

* ఓలా జెన్‌2 ఎస్‌1 ఎక్స్‌ 2kWh బ్యాటరీ స్కూట‌ర్ డిస్కౌంట్ త‌ర్వాత రూ. 67,499కి ల‌భిస్తోంది. ఇక 3kWh బ్యాటరీ వేరియంట్ విష‌యానికొస్తే రూ. 83,999, 4kWh బ్యాటరీ ధర రూ.90,999గా నిర్ణ‌యించారు. అదే విధంగా ఎస్‌1 ప్రో ధ‌ర రూ. 1,11,999కి ల‌భిస్తోంది. 

* జెన్3 విష‌యానికొస్తే ఎస్‌1 ఎక్స్ రేంజ్ స్కూట‌ర్ల‌లో 2kWh బ్యాటరీ వేరియంట్‌ ధర రూ.73,999, 3kWh ధర రూ.92,999, 4kWh ధర రూ.1,04,999గా ఉంది. అలాగే ఎస్‌1 ఎక్స్ + 4kWh బ్యాటరీ స్కూటీ ధ‌ర రూ. 1,09,999గా నిర్ణ‌యించారు. 

* ఫ్లాగ్‌షిప్‌ ఎస్‌1 ప్రో+ 4kWh స్కూటర్‌ ధర రూ.1,48,999, 5.3kWh బ్యాటరీ సామర్థ్యం ఉన్న స్కూటర్‌ ధర రూ.1,88,200గా ఉంది. ఎస్‌1 ప్రో 3kWh బ్యాటరీ వేరియంట్‌ ధర రూ.1,12,999, 4kWh బ్యాటరీ వేరియంట్ స్కూట‌ర్ ధ‌ర రూ. 1,29,999కి ల‌భిస్తోంది. 

అందుబాటులోకి హైప‌ర్ డెలివ‌రీ సేవ‌లు: 

వినియోగ‌దారుల‌కు మెరుగైన సేవ‌ల‌ను అందించ‌డ‌మే ల‌క్ష్యంగా ఓలా హైప‌ర్ డెలివ‌రీ సేవ‌ల‌ను ప్రారంభించింది. ఇందులో భాగంగా వాహ‌నాలు కొనుగోలు చేసిన రోజే రిజిస్ట్రేష‌న్‌, డెలివరీలను ప్రారంభించింది. ఈ సేవ‌ల‌ను తొలుత బెంగ‌ళూరులో అందుబాటులోకి తీసుకొచ్చారు. రానున్న రోజుల్లో దేశ‌వ్యాప్తంగా ఈ సేవ‌ల‌ను విస్త‌రించేందుకు స‌న్నాహాలు చేస్తున్నారు.