Safety Cars : రూ.6 లక్షలలోపే 5-స్టార్ రేటింగ్ సేఫ్టీ కార్లు.. మీ ఫ్యామిలీ కోసం బెస్ట్ ఆప్షన్

తక్కువ బడ్జెట్‌లో మీ ఫ్యామిలీ సురక్షితంగా ప్రయాణించేందుకు మంచి కారు కొనాలనుకుంటున్నారా..? అయితే ఇండియాలో 5-స్టార్ సేఫ్టీ రేటింగ్ ఉన్న బెస్ట్ కార్ల జాబితా మీకోసమే.

Image Credit : Gemini AI

టాప్ 5 సేఫ్టీ కార్లు ఇవే..

ఒకప్పుడు కొత్త కారు కొనేటప్పుడు మైలేజ్, ధరకే ఎక్కువ ప్రాధాన్యం ఇచ్చేవారు. కానీ ఇప్పుడు పరిస్థితి మారింది. కుటుంబ భద్రతను దృష్టిలో ఉంచుకుని, చాలామంది 5-స్టార్ సేఫ్టీ రేటింగ్ ఉన్న కార్లనే ఎంచుకుంటున్నారు. మంచి విషయం ఏంటంటే ఇప్పుడు తక్కువ ధర కార్లలో కూడా ఇలాంటి సేఫ్టీ ఫీచర్లు అందుబాటులోకి వస్తున్నాయి.

Image Credit : Tatamotors

టాటా పంచ్ (TATA PUNCH)

భారత మార్కెట్లో బడ్జెట్‌లో దొరికే సురక్షితమైన కార్లలో టాటా పంచ్ ముఖ్యమైనది. దీని ప్రారంభ ధర రూ.5.64 లక్షలు (ఎక్స్-షోరూమ్). ఈ కారు ఇండియా NCAPలో 5-స్టార్ సేఫ్టీ రేటింగ్ పొందింది. ఇందులో ఆరు ఎయిర్‌బ్యాగ్‌లు, ఎలక్ట్రానిక్ స్టెబిలిటీ కంట్రోల్ (ESC), 360-డిగ్రీ కెమెరా, టైర్ ప్రెజర్ మానిటరింగ్ సిస్టమ్ వంటి అనేక భద్రతా ఫీచర్లు ఉన్నాయి.

Image Credit : Nissan official

నిస్సాన్ మాగ్నైట్ (Nissan Magnite)

ఇక రూ.5.65 లక్షల ప్రారంభ ధరతో లభించే నిస్సాన్ మాగ్నైట్ భద్రత విషయంలో గ్లోబల్ NCAP 5-స్టార్ రేటింగ్‌ను సాధించింది. నిస్సాన్ వెహికిల్స్ లో బలమైన బాడీ నిర్మాణం, ట్రాక్షన్ కంట్రోల్, వెహికిల్ డైనమిక్ కంట్రోల్, యాంటీ లాకింగ్ బ్రేకింగ్ సిస్టమ్ (ABS) వంటి భద్రతా ఫీచర్లు ఉంటారు. అంతేకాదు టైర్ ప్రెజర్ మానిటరింగ్ సిస్టమ్ (TPMS), బ్లైండ్ స్పాట్ మానిటరింగ్ వంటి టెక్నాలజీ ఫీచర్లు కలిగివుంటాయి.

Image Credit : tata motors

టాటా ఆల్ట్రోజ్ (TATA Altroz)

ఇక టాటా ఆల్ట్రోజ్ కూడా తక్కువ ధరలో మంచి సెప్టీ ఫీచర్లు కలిగిన కారు. దీని ఎక్స్ షోరూం ధర రూ.5.99 లక్షలు మాత్రమే… కానీ ఇది ఇండియా NCAPలో 5-స్టార్ రేటింగ్ పొందింది. అన్ని సీట్లకు 3-పాయింట్ సీట్ బెల్ట్‌లు, ఆరు ఎయిర్‌బ్యాగ్‌ల వంటి ఫీచర్లు అందిస్తోంది. దీంతో భద్రతకు ప్రాధాన్యం ఇచ్చే కొనుగోలుదారులను ఈ కారు ఆకర్షిస్తుంది.

Image Credit : stockPhoto

మారుతి సుజుకి డిజైర్ (Maruti Suzuki Dzire)

కాంపాక్ట్ సెడాన్ విభాగంలో మారుతి సుజుకి డిజైర్ ఒక ముఖ్యమైన ఆప్షన్. దీని ప్రారంభ ధర రూ.6.26 లక్షలు. ఈ కారు గ్లోబల్ NCAP, ఇండియా NCAP రెండింటిలోనూ 5-స్టార్ సేఫ్టీ రేటింగ్ పొందింది. ఇందులో ABS, EBD, ESP, ISOFIX చైల్డ్ సీట్ మౌంట్స్ వంటి భద్రతా ఫీచర్లు కూడా ఉన్నాయి.

Image Credit : official website

టాటా నెక్సాన్ (TATA Nexon)

బడ్జెట్ ఇంకొంచెం పెంచుకోగలిగితే టాటా నెక్సాన్‌ను పరిశీలించవచ్చు. రూ.7.37 లక్షల ప్రారంభ ధరతో లభించే ఈ SUV, గ్లోబల్ NCAP, ఇండియా NCAP రెండింటిలోనూ 5-స్టార్ రేటింగ్ సాధించింది. ఆరు ఎయిర్‌బ్యాగ్‌లు, ESC, ISOFIX, అన్ని సీట్లకు సీట్ బెల్ట్ రిమైండర్‌ వంటి ఫీచర్లతో కుటుంబ వినియోగానికి ఇది నమ్మకమైన ఎంపికగా నిలుస్తుంది.