Tata altroz facelift: రూ. 13 వేల EMIతో ఈ స్ట‌న్నింగ్ కారును సొంతం చేసుకోండి.. డౌన్ పేమెంట్ ఎంతంటే

15

Image Credit : Tata website

టాటా ఆల్ట్రోజ్ ఫేస్‌లిఫ్ట్

టాటా మోటార్స్ తన ప్రీమియం హ్యాచ్‌బ్యాక్ మోడల్ అయిన ఆల్ట్రోజ్ ఫేస్‌లిఫ్ట్ డీజిల్ వెర్షన్‌ను 2025 మే 23న విడుదల చేసింది. ఈ మోడల్‌లో చాలా మార్పులు చేశారు. ముఖ్యంగా ఆధునిక టెక్నాలజీతో పాటు మెరుగైన మైలేజ్ సామర్థ్యంతో మార్కెట్‌లోకి వచ్చింది. కారు లుక్స్, ఫీచర్లు, బిల్డ్ క్వాలిటీ విష‌యంలో రాజీప‌డ‌లేదు.

25

Image Credit : tata Motors Twitter

ధ‌ర ఎంత‌.? ఫైనాన్స్ వివ‌రాలు

టాటా ఆల్ట్రోజ్ ఫేస్‌లిఫ్ట్ డీజిల్ వేరియంట్ ఎక్స్-షోరూమ్ ధర రూ. 8.99 లక్షలుగా ఉంది. ఆన్‌రోడ్ విష‌యానికొస్తే ఢిల్లీలో ఈ కారు ధ‌ర రూ. 10.15 లక్షలుగా ఉంది. దీనికి అద‌నంగా రిజిస్ట్రేష‌న్ రూ. 72,000, ఇన్సూరెన్స్ కోసం రూ. 45,000 చెల్లించాల్సి ఉంటుంది.

35

Image Credit : Twitter

ఎంత డౌన్ పేమెంట్ చెల్లించాలి.?

ఈ కారు సొంతం చేసుకోవాలంటే రూ. 2 ల‌క్ష‌ల డౌన్‌పేమెంట్ చెల్లించాల్సి ఉంటుంది. మిగిలిన రూ. 8.15 లక్షలు రుణంగా తీసుకోవాల్సి వస్తుంది. బ్యాంకు 7 సంవత్సరాల కాలానికి 9% వడ్డీ రేటు కలిగిన రుణాన్ని మంజూరు చేస్తే మీరు నెల‌కు రూ. 13,126 చెల్లించాల్సి ఉంటుంది. మొత్తం వడ్డీ రూ. 2,86,584 అవుతుంది. దీంతో మీరు ఈ కారుకు మొత్తం రూ. 13,01,584 అవుతుంది.

45

Image Credit : Twitter

కారు డిజైన్‌

కొత్త ఆల్ట్రోజ్‌ను ఫేస్‌లిఫ్ట్ మరింత స్పోర్టీగా, ఆకర్షణీయంగా ఉండేలా రూపొందించారు. నూతన ఫ్రంట్ బంపర్, పదునైన హెడ్‌లాంప్స్, వెనుక భాగంలో T-షేప్ LED టెయిల్ లైట్స్, LED లైట్ బార్ ద్వారా లైట్లు కలిపిన డిజైన్,

డ్యూయల్-టోన్ బంపర్, “Altroz” బ్రాండింగ్ వంటివి అందించారు. ఈ కారును డ్యూన్ గ్లో, అంబర్ గ్లో, ప్రిస్టిన్ వైట్, ప్యూర్ గ్రే, రాయల్ బ్లూ క‌ల‌ర్స్‌లో తీసుకొచ్చారు.

55

Image Credit : Twitter

ఫీచ‌ర్లు ఎలా ఉన్నాయంటే.?

ఈ కారులో 10.25-ఇంచ్ టచ్ స్క్రీన్ ఇన్ఫోటైన్‌మెంట్ సిస్టమ్‌, డిజిటల్ ఇన్‌స్ట్రుమెంట్ క్లస్టర్ అందించారు. 6 స్పీకర్ JBL ఆడియో సిస్టమ్, వైర్‌లెస్ ఆండ్రాయిడ్ ఆటో, ఆపిల్ కార్‌ప్లే, 360 డిగ్రీ కెమెరా, ఎయిర్ ప్యూరిఫైయర్, క్రూయిజ్ కంట్రోల్, పుష్ స్టార్ట్/స్టాప్ బటన్, ISOFIX చైల్డ్ సీట్ మౌంట్స్, హిల్ హోల్డ్, EBDతో కూడిన ABS వంటి ఫీచ‌ర్ల‌ను అందించారు.