Zodiac Signs: సెప్టెంబర్ 13 వరకు ఈ మూడు రాశులవారు చాలా జాగ్రత్తగా ఉండాలి!
జ్యోతిష్య శాస్త్రం ప్రకారం ప్రస్తుతం కుజుడు కన్య రాశిలో, శని మీన రాశిలో సంచరిస్తున్నాడు. దానివల్ల కుజ- శని యోగం ఏర్పడుతుంది. ఆ ప్రభావం కొన్ని రాశుల వారికి చెడు ఫలితాలను ఇవ్వనుంది. ఆ రాశులేంటో అందులో మీ రాశి ఉందో చెక్ చేసుకోండి.
కుజ- శని సంసప్తక యోగం
జ్యోతిష్య శాస్త్రంలో శని, కుజ గ్రహాలను శత్రు గ్రహాలుగా భావిస్తారు. ఈ రెండు ఉగ్ర గ్రహాలు. ప్రస్తుతం కుజుడు కన్య రాశిలో, శని మీన రాశిలో ఉండటం వల్ల కుజ-శని సంసప్తక యోగం ఏర్పడుతుంది.
శని, కుజ గ్రహాలు ముఖాముఖిగా రావడం వల్ల 3 రాశులవారికి చెడు జరిగే అవకాశం ఉంది. సెప్టెంబర్ 13 వరకు ఈ 3 రాశులవారు జాగ్రత్తగా ఉండాలని జ్యోతిష్యం చెబుతోంది మరి ఆ రాశులేంటో చూద్దామా...
మేష రాశి
మేష రాశి వారికి ఈ సమయం అస్సలు కలిసిరాదు. ఈ రాశివారికి ఆర్థికంగా ఇబ్బందులు తప్పవు. ఆఫీసులో సహోద్యోగులతో వివాదాలు రావచ్చు. వ్యక్తిగత జీవితంలో సంబంధాలు ప్రమాదంలో పడవచ్చు.
మేష రాశివారు మాటను అదుపులో ఉంచుకోవడం మంచిది. తొందరపడి ఎవ్వరితో ఏం మాట్లాడకూడదు. అంతేకాదు ఈ రాశి వారికి ఆదాయానికి మించిన ఖర్చులు ఉంటాయి. కొన్ని విషయాల్లో జాగ్రత్తగా నిర్ణయాలు తీసుకోకపోతే నష్టాలు తప్పవు.
మిథున రాశి
మిథున రాశివారు ఈ సమయంలో చాలా సమస్యలు ఎదుర్కోవచ్చు. ఈ రాశివారు ఒత్తిడికి గురవుతారు. ఆర్థిక విషయాలు చేయి దాటి పోతాయి. డబ్బు కొరత వేధిస్తుంది. జాగ్రత్తగా మాట్లాడకపోతే.. గొడవలు జరిగే అవకాశం ఉంది.
ఈ రాశివారికి ఉద్యోగంలో ఒడిదుడుకులు ఉంటాయి. మీ ఇమేజ్ దెబ్బతినే ప్రమాదం ఉంది. వ్యాపారాలు మందగిస్తాయి. భాగస్వామ్య వ్యాపారాల్లో చాలా జాగ్రత్తగా ఉండాలి.
కర్కాటక రాశి
కర్కాటక రాశి వారికి ఈ సమయం అంతగా కలిసిరాదు. ఆర్థిక సమస్యలు ఎదుర్కోవచ్చు. బడ్జెట్ వేసుకుని.. అనవసర ఖర్చులు ఆపడం మంచిది. లేదంటే అప్పులు చేయాల్సి రావచ్చు. లేదా క్రెడిట్ కార్డ్ బిల్లుల భారం పడవచ్చు.
ఏ విషయాల్లో అయినా తెలివిగా నిర్ణయాలు తీసుకోవడం మంచిది. పెట్టుబడులు పెట్టేందుకు ఈ సమయం అంతగా అనుకూలించకపోవచ్చు. బంధు మిత్రులతో ఊహించని వివాదాలు రావచ్చు. జాగ్రత్తగా ఉండటం మంచిది.