Zodiac signs: ఏ రాశివారికి ఏ నెంబర్ అదృష్టాన్ని తెస్తుందో తెలుసా?
న్యూమరాలజీ ప్రకారం, ప్రతి వ్యక్తికీ ఒక అదృష్ట సంఖ్య ఉంటుంది. కొందరు కొన్ని వస్తువులు, రంగులు తమకు అదృష్టాన్ని తెస్తాయని నమ్ముతారు. మరి, ఏ రాశివారికి ఏ నెంబర్ అదృష్టాన్ని తెస్తుందో మీకు తెలుసా?
మేష రాశి
మేష రాశికి అధిపతి కుజుడు. ప్రతి పనిలోనూ ఈ రాశివారు ఉత్తమ ఫలితం ఆశిస్తారు. ఈ రాశివారికి నెంబర్ 1 చాలా అదృష్టాన్ని తెస్తుంది. ఏదైనా మంచి పని మొదలుపెట్టేటప్పుడు ఈ నెంబర్ కి ప్రాధాన్యత ఇస్తే చాలు. కచ్చితంగా విజయం సాధించగలరు. అంతేకాదు, 9, 36, 13, 69, 53, 67 నెంబర్లు కూడా వీరికి బాగా కలిసొస్తాయి.
వృషభ రాశి
ఈ రాశి అధిపతి శుక్రుడు. ఈ రాశివారు చాలా రొమాంటిక్ గా ఉంటారు. వీరు అందరితోనూ చాలా దయగా ఉంటారు. దయే ధర్మం అని నమ్ముతారు. వీరి లక్కీ నంబర్ 2. ఈ నెంబర్ వారికి మంచి అదృష్టాన్ని తీసుకువస్తుంది. నెంబర్ 2 కాకుండా 6, 9, 11, 35, 50, 57, 82 కూడా లక్కీ నంబర్లే.
మిథున రాశి
బుధుడు ఈ రాశి అధిపతి. తెలివైనవారు, చురుకుగా ఉంటారు. 8 వీరి లక్కీ నంబర్. 3, 12, 18, 35, 43, 52, 86 కూడా లక్కీ.
కర్కాటక రాశి
ఈ రాశి అధిపతి చంద్రుడు. చాలా మృదు స్వభావులు. వీరి లక్కీ నంబర్ 7. మంచి పనుల్లో ఈ సంఖ్య వాడితే శుభం. 2, 11, 58, 24, 66, 53 కూడా శుభప్రదం.
సింహ రాశి
సూర్యుడు ఈ రాశి అధిపతి. ఓటమి ఒప్పుకోరు. వీరి లక్కీ నంబర్ 1. అంతేకాకుండా.. 4, 10, 34, 83, 59 కూడా లక్కీ నంబర్లే.
కన్య రాశి
బుధుడు కన్య రాశివారికి అధిపతి. సున్నితంగా ఉంటారు. చాలా దయతో కూడా ఉంటారు. 5 వీరి లక్కీ నంబర్. 3, 16, 90, 29, 80 కూడా వీరికి బాగా కలిసొస్తాయి.
తుల రాశి
శుక్రుడు తుల రాశివారికి అధిపతి. ఆదర్శ వ్యక్తిత్వం కలిగి ఉంటారు. 4 వీరి లక్కీ నంబర్. 6, 7, 20, 55, 35 కూడా వీరికి బాగా కలిసొస్తాయి.
వృశ్చిక రాశి
కుజుడు వృశ్చిక రాశికి అధిపతి. ఈ రాశివారికి సృజనాత్మకత ఎక్కువ. స్వేచ్ఛ గా ఉండటం ఇష్టం. 9 వీరి లక్కీ నంబర్. 11, 17, 27, 45, 53 కూడా లక్కీ.
ధనుస్సు రాశి
గురుడు ధనస్సు రాశికి అధిపతి. లక్ష్య సాధన కోసం పట్టుదల తో ముందుకు సాగుతారు. 3 వీరి లక్కీ నంబర్. 5, 15, 12, 21, 30 కూడా లక్కీ.
మకర రాశి
మకర రాశి శని కి అధిపతి. ఆత్మవిశ్వాసం ఎక్కువ. బాధ్యతగా ఉంటారు. 4 వీరి లక్కీ నంబర్. 1, 10, 13, 17, 22, 25 కూడా లక్కీ.
కుంభ రాశి
కుంభ రాశి వారికి శని అధిపతి. ఈ రాశివారు ఎప్పుడూ చురుకుగా, విధేయులుగా ఉంటారు. 8 వీరి లక్కీ నంబర్. 4, 13, 17, 40, 61 కూడా లక్కీ.
మీన రాశి
మీన రాశికి గురుడు అధిపతి. ఈ రాశివారు జీవితంలో సమస్యలను త్వరగా పరిష్కరిస్తారు. 3 వీరి లక్కీ నంబర్. 12, 27, 30, 34, 61 కూడా లక్కీ.