Dream Meaning: కడుపుతో ఉన్న స్త్రీకి కలలో శివుడు కనిపిస్తే అర్థమేంటి?
Dream Meaning: గర్భం దాల్చడం అనేది మహిళల జీవితంలో చాలా ముఖ్యమైన దశ. ఈ సమయంలో శారీరకంగా, మానసికంగా చాలా మార్పులు వస్తాయి. మరి, ఇలాంటి సమయంలో కలలో శివుడు కలిపిస్తే దాని అర్థం ఏంటి..?
కలలో పరమశివుడు
నిద్రలో మనకు వచ్చే కలల గురించి స్వప్న శాస్త్రం మనకు చెబుతుంది. జ్యోతిష్యుల ప్రకారం, శివుడిని సంక్షేమం, రక్షణ, కొత్త ప్రారంభాలకు దేవుడిగా భావిస్తారు. అందుకే, గర్భిణి కలలో శివుడు ప్రశాంతంగా, సంతోషంగా లేదా ధ్యానంలో ఉన్నట్టు కనిపిస్తే.. అది దైవానుగ్రహానికి, సానుకూల శక్తికి సంకేతం. ఇది తల్లికి, పుట్టబోయే బిడ్డకు చాలా మంచిదని నమ్ముతారు.
కలలో శివలింగం
శివుడి కలపై శాస్త్రాలు ఏం చెబుతున్నాయి?
శివ పురాణంలో దీని గురించి నేరుగా చెప్పలేదు. కానీ, అగ్ని పురాణం, స్వప్న శాస్త్రం వంటి గ్రంథాలు దేవతల కలను స్పష్టంగా వివరిస్తాయి. ఈ గ్రంథాల ప్రకారం, గర్భిణి కలలో ప్రశాంతంగా, ఆశీర్వదించే భంగిమలో దేవుడు కనిపిస్తే అది శుభ సంకేతం. ఇది అంతర్గత శుద్ధికి చిహ్నంగా భావిస్తారు.
కలల వెనుక కేవలం మతపరమైన కారణాలే కాదు, శాస్త్రీయ కారణాలు కూడా ఉన్నాయి. గర్భధారణ సమయంలో శరీరంలో ప్రొజెస్టెరాన్ హార్మోన్ పెరుగుతుంది. ఇది నిద్రలో REM దశను పెంచుతుంది. దీనివల్లే లోతైన, స్పష్టమైన కలలు వస్తాయని సైకాలజిస్టులు చెబుతున్నారు.
