Today Rasi Phalalu: ఈ రాశుల వారికి విలువైన వస్తు లాభాలు.. ఉద్యోగులకు పదోన్నతులు!
ఈ రాశి ఫలాలు 7.08.2025 గురువారానికి సంబంధించినవి. మేష, వృషభ, మిథున, కర్కాటక, సింహ, కన్య, తుల, వృశ్ఛిక, ధనుస్సు, మకర, కుంభ, మీన రాశుల దిన ఫలాలు ఇక్కడ తెలుసుకోండి.
నేటి రాశి ఫలాలు
ఈ రోజు రాశి ఫలాలు పంచాంగకర్త ఫణికుమార్ అందిస్తున్నారు. నేడు ఏ రాశి వారికి ఎలా ఉందో ఇక్కడ వివరంగా తెలుసుకుందాం.
మేష రాశి ఫలాలు
దూరపు బంధువుల రాక ఆనందం కలిగిస్తుంది. చేపట్టిన వ్యవహారాలు అనుకూలంగా సాగుతాయి. వ్యాపారాల విస్తరణకు నూతన ప్రణాళికలు అమలుచేస్తారు. ఇంటి వాతావరణం ప్రశాంతంగా ఉంటుంది. ఆర్థిక ఇబ్బందులు తొలగుతాయి. ఉద్యోగాల్లో పదోన్నతులు పెరుగుతాయి.
వృషభ రాశి ఫలాలు
ప్రయాణాల్లో అవరోధాలు ఉంటాయి. ఇంటా బయటా నిరుత్సాహ వాతావరణం ఉంటుంది. వృథా ఖర్చులు పెరుగుతాయి. ముఖ్యమైన పనులు వాయిదా పడతాయి. దైవ చింతన పెరుగుతుంది. వ్యాపారాలు మందగిస్తాయి. ఉద్యోగాల్లో అదనపు బాధ్యతలు ఉంటాయి.
మిథున రాశి ఫలాలు
ఇంట్లో కొన్ని ఆశ్చర్యకరమైన సంఘటనలు చోటుచేసుకుంటాయి. విలువైన వస్తువులు బహుమతులుగా పొందుతారు. సమాజంలో ప్రముఖుల నుంచి సహకారం అందుతుంది. వ్యాపారాల్లో లాభాలు పెరుగుతాయి. నిరుద్యోగ సమస్యలు తొలగుతాయి. ఉద్యోగులకు అనుకూలం.
కర్కాటక రాశి ఫలాలు
ఆర్థిక పరిస్థితి ఆశజనకంగా ఉంటుంది. సన్నిహితుల నుంచి విలువైన సమాచారం అందుతుంది. కీలక సమయంలో కుటుంబ సభ్యుల సహాయం అందుతుంది. బంధువులతో సేవా కార్యక్రమాల్లో పాల్గొంటారు. వ్యాపార, ఉద్యోగాల్లో ఉత్సాహకర వాతావరణం ఉంటుంది.
సింహ రాశి ఫలాలు
ఆర్థిక పరిస్థితి అంతగా అనుకూలించనప్పటికి అవసరానికి డబ్బు అందుతుంది. సోదరులతో ఆస్తి వివాదాలు కలుగుతాయి. కొన్ని కార్యక్రమాలు వాయిదా పడుతాయి. ఆరోగ్యం విషయంలో అప్రమత్తంగా వ్యవహరించాలి. వ్యాపారాలు సామాన్యంగా సాగుతాయి. ఉద్యోగాల్లో చికాకులు తప్పవు.
కన్య రాశి ఫలాలు
భూ సంబంధిత వివాదాలు కలుగుతాయి. ఆధ్యాత్మిక చింతన పెరుగుతుంది. ప్రయాణాలు వాయిదా వేయడం మంచిది. చేపట్టిన పనుల్లో శ్రమ పెరుగుతుంది. వ్యాపారాల్లో పెట్టుబడుల విషయంలో పునరాలోచన చేయడం మంచిది. విద్యార్థుల పరీక్ష ఫలితాలు నిరాశ కలిగిస్తాయి.
తుల రాశి ఫలాలు
చేపట్టిన పనుల్లో శ్రమకు తగిన ఫలితం దక్కుతుంది. ఊహించని రీతిలో నిరుద్యోగులకు అవకాశాలు వస్తాయి. ఉద్యోగాల్లో అనుకున్నది సాధిస్తారు. జీవిత భాగస్వామితో దైవ దర్శనాలు చేసుకుంటారు. వ్యాపారాలు లాభసాటిగా సాగుతాయి. ఆర్థిక వ్యవహారాలు అనుకూలిస్తాయి.
వృశ్చిక రాశి ఫలాలు
ప్రముఖులతో పరిచయాలు పెరుగుతాయి. కొత్త ఇల్లు, స్థలం కొనవచ్చు. వ్యాపార, ఉద్యోగాల్లో నూతన ప్రోత్సాహకాలు అందుతాయి. మొండిబాకీలు వసూలవుతాయి. ఉద్యోగాల్లో మీ ప్రతిభ వెలుగులోకి వస్తుంది. చాలా కాలంగా వేధిస్తున్న సమస్యలు పరిష్కారమవుతాయి.
ధనుస్సు రాశి ఫలాలు
ప్రయాణాలు వాయిదా పడుతాయి. చేపట్టిన పనుల్లో శ్రమ పెరుగుతుంది. ముఖ్యమైన కార్యక్రమాలు వాయిదా వేస్తారు. పాత అప్పులు తీర్చడానికి కొత్త అప్పులు చేయాల్సి వస్తుంది. వ్యాపారాలు నిదానంగా సాగుతాయి. ఉద్యోగాల్లో కొందరి ప్రవర్తన చికాకు తెప్పిస్తుంది.
మకర రాశి ఫలాలు
కుటుంబ సభ్యులతో అకారణంగా వివాదాలు కలుగుతాయి. ఆరోగ్యం విషయంలో కొంత జాగ్రత్త అవసరం. అనుకున్న పనుల్లో స్వల్ప అడ్డంకులు ఉంటాయి. వ్యాపారాలు ముందుకు సాగక నిరాశ పెరుగుతుంది. ఉద్యోగాల్లో కొన్ని అవకాశాలు చేజారుతాయి.
కుంభ రాశి ఫలాలు
వృత్తి, ఉద్యోగాల్లో మీ సేవలకు తగిన గుర్తింపు లభిస్తుంది. విలువైన వస్తు లాభలు పొందుతారు. సన్నిహితులతో విందు వినోదాల్లో పాల్గొంటారు. మిత్రులతో సంతోషంగా గడుపుతారు. వ్యాపారాలు లాభసాటిగా సాగుతాయి. ఉద్యోగాల్లో సమస్యలు అధిగమిస్తారు.
మీన రాశి ఫలాలు
చేపట్టిన పనుల్లో అవాంతరాలు తప్పవు. కుటుంబ సభ్యుల నుంచి ఊహించని మాటలు వినాల్సి వస్తుంది. వ్యాపారాలు మందగిస్తాయి. బంధువులతో మాటపట్టింపులు ఉంటాయి. వృథా ఖర్చులు పెరుగుతాయి. ఉద్యోగులు కొన్ని వ్యవవహారాల్లో అధికారులతో జాగ్రత్తగా ఉండాలి.