Today Rasi Phalalu: ఈ రాశుల వారు విలువైన వస్తువులు కొనుగోలు చేస్తారు!
ఈ రోజు రాశి ఫలాలు పంచాంగకర్త ఫణికుమార్ అందిస్తున్నారు. మేష, వృషభ, మిథున, కర్కాటక, సింహ, కన్య, తుల, వృశ్ఛిక, ధనుస్సు, మకర, కుంభ, మీన రాశుల దిన ఫలాలు ఇక్కడ తెలుసుకోండి. ఈ దిన ఫలాలు 28.07.2025 సోమవారానికి సంబంధించినవి.
మేష రాశి ఫలాలు
కుటుంబ వ్యవహారాల్లో ఆలోచనలు స్థిరంగా ఉండవు. ఆకస్మిక ప్రయాణ సూచనలు ఉన్నాయి. దైవచింతన పెరుగుతుంది. సన్నిహితులతో స్వల్ప వివాదాలు కలుగుతాయి. వ్యాపారాలు లాభదాయకం. వృత్తి, ఉద్యోగాల్లో కొంత అనుకూల వాతావరణం ఉంటుంది. వృథా ఖర్చులు పెరుగుతాయి.
వృషభ రాశి ఫలాలు
అనుకున్న పనులు సమయానికి పూర్తి చేస్తారు. వృత్తి, ఉద్యోగాల్లో మీ ప్రతిభకు తగిన గుర్తింపు లభిస్తుంది. ముఖ్యమైన వ్యవహారాలలో ఆప్తుల సలహాలు తీసుకుని ముందుకు సాగడం మంచిది. విలువైన వస్తువులు కొనుగోలు చేస్తారు. వ్యాపారాల్లో అంచనాలను అందుకుంటారు.
మిథున రాశి ఫలాలు
స్థిరాస్తి వివాదాలు చికాకు తెప్పిస్తాయి. స్వల్ప అనారోగ్య సమస్యలు బాధిస్తాయి. వృత్తి, వ్యాపారాల్లో గందరగోళ పరిస్థితులు ఉంటాయి. చేపట్టిన పనులు కొంత నెమ్మదిగా సాగుతాయి. వృథా ఖర్చులు పెరుగుతాయి. ఉద్యోగాల్లో అధికారులతో చర్చలు ఫలించవు. ఆకస్మిక ప్రయాణ సూచనలు ఉన్నాయి.
కర్కాటక రాశి ఫలాలు
దైవ సేవా కార్యక్రమాల్లో పాల్గొంటారు. పాత బకీలు వసూలవుతాయి. ఉద్యోగ బాధ్యతలు సమర్థవంతంగా నిర్వహిస్తారు. సమాజంలో పేరు కలిగిన వ్యక్తులతో పరిచయాలు ఏర్పడుతాయి. వ్యాపారాల్లో మెరుగైన పరిస్థితులు ఉంటాయి.
సింహ రాశి ఫలాలు
ఇంటా బయట కొన్ని సమస్యలు ఇబ్బంది కలిగిస్తాయి. ఆర్థికంగా చికాకులు తప్పవు. ఆరోగ్యం విషయంలో కొంత శ్రద్ధ వహించాలి. పుణ్యక్షేత్రాలు సందర్శిస్తారు. దూరప్రయాణాలు వాయిదా వేయడం మంచిది. వృత్తి, వ్యాపారాల్లో శుభవార్తలు అందుతాయి. ఉద్యోగులు అధికారుల ఆగ్రహానికి గురి కావాల్సి వస్తుంది.
కన్య రాశి ఫలాలు
ఆదాయం సంతృప్తికరంగా ఉంటుంది. నిరుద్యోగులు ఉద్యోగ అవకాశాలు పొందుతారు. మిత్రులతో దైవదర్శనం చేసుకుంటారు. దీర్ఘకాలిక వివాదాల నుంచి బయటపడతారు. వ్యాపారాల్లో ప్రత్యర్థులు కూడా మిత్రులుగా మారతారు. నూతన వాహన యోగం ఉంది. విలువైన వస్తువులను కొనుగోలు చేస్తారు.
తుల రాశి ఫలాలు
చిన్ననాటి మిత్రుల రాక ఆనందం కలిగిస్తుంది. నిరుద్యోగ ప్రయత్నాలు కలిసివస్తాయి. కుటుంబ సభ్యులతో దైవ దర్శనం చేసుకుంటారు. దీర్ఘకాలిక అప్పులు తొలగుతాయి. వృత్తి, వ్యాపారాలు సాధారణంగా సాగుతాయి. ఉద్యోగులు శాలరీ విషయంలో శుభవార్తలు వింటారు
వృశ్చిక రాశి ఫలాలు
దూర పయాణాల్లో ఇబ్బందులు ఉంటాయి. కుటుంబ సభ్యులతో స్వల్ప వివాదాలు తప్పవు. వ్యాపారాలు కొంత నిరుత్సాహపరుస్తాయి. చేపట్టిన పనులు మందకొడిగా సాగుతాయి. కొన్ని వ్యవహారాలు శ్రమతో కానీ పూర్తికావు. ఆధ్యాత్మిక సేవా కార్యక్రమాల్లో పాల్గొంటారు. అవసరానికి చేతిలో డబ్బు నిల్వ ఉండదు.
ధనుస్సు రాశి ఫలాలు
అనారోగ్య సమస్యలు బాధిస్తాయి. చేపట్టిన పనుల్లో శ్రమకు తగ్గ ఫలితం కనిపించదు. సోదరులతో ఆస్తి వివాదాలు ఉంటాయి. వృథా ఖర్చులు పెరుగుతాయి. కుటుంబ సభ్యుల నుంచి రుణ ఒత్తిడి పెరుగుతుంది. ప్రయాణాలు వాయిదా వేస్తారు. వ్యాపార, ఉద్యోగాల్లో గందరగోళ పరిస్థితులు ఉంటాయి.
మకర రాశి ఫలాలు
ఇంటి నిర్మాణం విషయంలో ఆలోచనలు కార్యరూపం దాలుస్తాయి. చిన్ననాటి మిత్రులను కలుసుకొని పాత విషయాలు చర్చిస్తారు. సమాజంలో పెద్దలతో పరిచయాలు పెరుగుతాయి. విద్యార్థులకు నూతన అవకాశాలు లభిస్తాయి. వ్యాపార, ఉద్యోగాలు మరింత ఉత్సాహంగా సాగుతాయి.
కుంభ రాశి ఫలాలు
ప్రముఖులతో పరిచయాలు పెరుగుతాయి. ఇంటా బయట మీ మాటకు విలువ పెరుగుతుంది. వృత్తి, వ్యాపారాల్లో చిత్రమైన సంఘటనలు చోటుచేసుకుంటాయి. దూరపు బంధువుల నుంచి శుభవార్తలు అందుతాయి. వృత్తి, ఉద్యోగాల్లో ఇబ్బందులను అధిగమిస్తారు. విలువైన వస్తువులు కొనుగోలు చేస్తారు.
మీన రాశి ఫలాలు
ఆస్తి తగాదాలు చికాకు తెప్పిస్తాయి. ముఖ్యమైన వ్యవహారాల్లో ఆలోచనలు స్థిరంగా ఉండవు. బంధువులతో మాట పట్టింపులు ఉంటాయి. చేపట్టిన పనుల్లో శ్రమకు తగ్గ ఫలితం కనిపించదు. దూర ప్రయాణాలు వాయిదా వేయడం మంచిది. నిరుద్యోగ ప్రయత్నాలు నత్తనడకన సాగుతాయి. దైవ చింతన పెరుగుతుంది.