Asianet News TeluguAsianet News Telugu

సమోసాలకు సీరియల్ నెంబర్.. ఇదెక్కడి విచిత్రం..!

అతను ఆర్డర్ చేసిన సమోసాల్లో అతనికి ఓ విచిత్రం కనపడటంతో.. వాటిని సోషల్ మీడియాలో షేర్ చేశాడు. ఆ సమోసాలు తయారు చేసేవారు.. వాటికి సీరియల్ నెంబర్ ఏర్పాటు చేయడం ఇప్పుడు ట్రెండింగ్ గా మారింది.

Hilarious Picture Of Samosa With Serial Number Has Twitter In Splits
Author
Hyderabad, First Published Sep 3, 2021, 3:54 PM IST
  • Facebook
  • Twitter
  • Whatsapp

వర్షం పడుతున్న సమయంలో.. వేడి వేడి సమోసా సాయంత్రం పూట కూర్చొని తింటూ ఉంటే ఎంత మజాగా ఉంటుంది. మన భారతీయులకు సమోసా అంటే ఎక్కువగా ఇష్టపడుతుంటారు. ఓ వ్యక్తి కూడా ఇలానే.. సమోసా తినాలని ఆశడ్డారు. వాటిని తినడానికి ఓ రెస్టారెంట్ లో ఆర్డర్ కూడా పెట్టాడు.. అతను ఆర్డర్ చేసిన సమోసాల్లో అతనికి ఓ విచిత్రం కనపడటంతో.. వాటిని సోషల్ మీడియాలో షేర్ చేశాడు. ఆ సమోసాలు తయారు చేసేవారు.. వాటికి సీరియల్ నెంబర్ ఏర్పాటు చేయడం ఇప్పుడు ట్రెండింగ్ గా మారింది.

అసలు మ్యాటరేంటంటే.. ఓ ట్విట్టర్ యూజర్ ఆన్‌లైన్‌లో సమోసా ఆర్డర్ చేశాడు. ఆ ఆర్డర్ మేరకు అతనికి సమోసాలు చేరాయి కూడా. అయితే ఆ సమోసాల దిగువన సీరియస్ నంబర్స్ ఉన్నాయి. అది చూసి అతను షాక్ అయ్యాడు. సమోసాలకు సీరియల్ నెంబర్లు ఏంటి అనే సందేహంతో.. వెంటనే ఆ సమోసాలను ఫోటో తీశాడు. ఆపై సోషల్ మీడియాలో పోస్ట్ చేశాడు. 

‘‘నేను ఆర్డర్ చేసిన సమోసాలకు క్రమ సంఖ్యలు ఉన్నాయి. టెక్నాలజీ పీక్స్‌లోకి వెళ్లిపోయిందనడానికి ఇదే నిదర్శనం’’ అని క్యాప్షన్ పెట్టాడు.

కాగా, సదరు యూజర్ ఆ సమోసాల పిక్‌ను పోస్ట్ చేయడమే ఆలస్యం అదికాస్తా వైరల్‌గా మారింది. ఈ పోస్ట్‌ను వందలాది మంది రీట్వీట్ చేశారు. దాదాపు 15 వేల మందికిపైగా లైక్స్ కొట్టారు. ఈ సీరియల్ నెంబర్ సమోసాపై ఫన్నీ కామెంట్స్ చేస్తున్నారు.
 

Follow Us:
Download App:
  • android
  • ios