ఏడాది కాలంగా నటుడు నరేష్ వ్యక్తిగత జీవితంలో హైడ్రామా నడుస్తుంది. నరేష్ నటి పవిత్ర లోకేష్ తో రిలేషన్ కన్ఫర్మ్ చేశారు. అయితే ఆమెను తన ధర్మపత్నిగా ఎప్పుడు చేసుకుంటారన్న ప్రశ్నకు మాత్రం నరేష్ సమాధానం చెప్పడం లేదు.
ఏడాది కాలంగా నటుడు నరేష్ వ్యక్తిగత జీవితంలో హైడ్రామా నడుస్తుంది. నరేష్ నటి పవిత్ర లోకేష్ తో రిలేషన్ కన్ఫర్మ్ చేశారు. మూడో భార్య రమ్య రఘుపతి ఆయన మీద తీవ్ర ఆరోపణలు చేశారు. రమ్య రఘుపతి ఆరోపణలకు నరేష్ స్పందించారు. ఆమె మీద ఘాటైన విమర్శలు చేశారు. ఒకరిపై మరొకరు వ్యక్తిత్వ దాడి చేసుకున్నారు. చెప్పాలంటే నరేష్-పవిత్ర లోకేష్-రమ్య రఘుపతి కేంద్రంగా అనేక పరిణామాలు చోటు చేసుకున్నాయి. ఈ మొత్తం ఉదంతాన్ని నరేష్ మూవీగా ప్రేక్షకుల ముందుకు తెస్తున్నారు. అదే ‘‘మళ్లీ పెళ్లి’’ గతంలో జరిగిన సంఘటనలు కూడా కలిపి కంప్లీట్ ఫ్యామిలీ డ్రామా చేశారు.
అయితే వ్యక్తిగత జీవితంలోని కాంట్రవర్సీని స్వయంగా సినిమా తీయడం అతిపెద్ద సాహసం. అందులోనూ సూపర్ స్టార్ కృష్ణ, విజయనిర్మల పాత్రలను కూడా సీన్ లోకి లాగారు. ట్రైలర్ టీజర్ పరిశీలిస్తే నరేష్ క్యారెక్టర్ కొంచెం నెగిటివ్ షేడ్స్ కలిగి ఉంది. తన వయసు మీద, శరీర పటుత్వం మీద కూడా ఆయన కామెంట్స్ చేసుకున్నారు. దానికి సంబంధించిన సీన్స్ పెట్టారు. ట్రైలర్ లో భార్య రమ్య రఘుపతిని కాలితో తన్నినట్లు కూడా ఓ సన్నివేశం చూడొచ్చు.
ALso Read: మళ్ళీ పెళ్లి ట్రైలర్: నరేష్ ఇంత చెడ్డవాడా? డబుల్ మీనింగ్ డైలాగ్స్, బూతు సన్నివేశాలు!
ఈ సందర్భంగా ఏర్పాటు చేసిన ప్రెస్ మీట్లో వీకే నరేష్ సినిమా సంగతులను పంచుకున్నారు. ఎమ్మెస్ రాజు ఆలోచనలో ఈ కాలానికి తగినట్లుగా వుంటాయని.. అలా అయితేనే సినిమా నేటి తరానికి కనెక్ట్ అవుతుందని నరేష్ అన్నారు. బోల్డ్గా ఉన్నప్పటికీ చుట్టూ ఏం జరుగుతుందో చూపించాలనే .. ఈ సినిమా చేశామని, ఈ మూవీలో చాలా యాంగిల్స్ వున్నాయని నరేష్ తెలిపారు. అయితే ఈ సినిమా మీ నిజ జీవితం ఆధారంగా తీశారా అన్న మీడియా ప్రశ్నకు ఆయన తెలివిగా సమాధానం ఇచ్చారు. సినిమా చూస్తే మీకే అసలు విషయాలు తెలుస్తాయన్నారు.
అలాగే రమ్య రఘపతిపై రివేంజ్ తీర్చుకునేందుకు ఈ సినిమా తీశారా అన్న ప్రశ్నకు నరేష్ బదులిస్తూ.. ప్రతీకారమంటే కత్తులతో పొడుచుకోవాలని, కోర్టులకు వెళ్లాలని, మరి సినిమా ద్వారా ఏం రివేంజ్ తీర్చుకుంటాం అని ఆయన ఎదురు ప్రశ్నించారు. రూ.15 కోట్లు రివేంజ్ ప్లాన్ చేయలేం కదా అన్నారు. అలాగే పవిత్రా లోకేష్ను ఎప్పుడు పెళ్లి చేసుకుంటున్నారు అన్న ప్రశ్నకు నరేష్ బదులివ్వలేదు.. దీనికి బదులుగా ఆయన అందమైన కవిత్వం చెప్పారు.
మొత్తంగా మళ్ళీ పెళ్లి రానున్న కాలంలో సంచలనాలకు, వివాదాలకు వేదిక కావడం ఖాయం. ఎమ్ ఎస్ రాజు ఈ చిత్ర దర్శకుడు. నరేష్ స్వయంగా నిర్మించారు. వనిత విజయ్ కుమార్ కీలక రోల్ చేశారు. శరత్ బాబు కృష్ణగా, జయసుధ విజయ నిర్మలగా నటించారు. మే 26న మళ్ళీ పెళ్లి విడుదల కానుంది.
