మళ్లీ పెళ్లి చేసుకునే ఆలోచన లేదంటున్న సుమంత్ గతంలో తొలిప్రేమ హీరోయిన్ కీర్తిరెడ్డిని ప్రేమించి పెళ్లాడిన సుమంత్ తెలుగులో నరుడా డోనరుడా పేరుతో వస్తున్న విక్కీ డోనర్ లో హీరోగా సుమంత్
ఇక మళ్లీ పెళ్లి అన్న ప్రసక్తే లేదు' అంటున్నాడు అక్కినేని ఫ్యామిలీ హీరో సుమంత్. 'తొలిప్రేమ' చిత్రం హీరోయిన్ కీర్తిరెడ్డిని గతంలో సుమంత్ ప్రేమ వివాహం చేసుకున్న సంగతి తెలిసిందే. అయితే, వివాహం అయిన కొన్నాళ్లకే ఇద్దరి మధ్యా మనస్పర్థలు చోటుచేసుకోవడంతో అనతి కాలంలోనే విడిపోయారు. అప్పటి నుంచీ సుమంత్ మళ్లీ పెళ్లి చేసుకోలేదు. తాజాగా ఇదే విషయం ప్రస్తావించి పెళ్లి గురించి అడిగితే, ఇక మళ్లీ పెళ్లి చేసుకునే ఆలోచన లేదని చెప్పాడు. తన దృష్టి అంతా సినిమాలపైనేననీ, మంచి కథలతో కూడిన సినిమాలు చేయడానికే ప్రాధాన్యతనిస్తానని అన్నాడు. సుమంత్ తాజాగా నటించిన 'నరుడా డోనరుడా' చిత్రం రేపు ప్రేక్షకుల ముందుకు రానుంది.
