Asianet News TeluguAsianet News Telugu

గొల్లభామ సాంగ్ పై స్పందించిన సుకుమార్, మార్చేదే లేదు

  • రంగస్థలం రందమ్మ సాంగ్ పై ముదురుతున్న వివాదం
  • లిరిక్స్ మార్చకుంటే సినిమా రిలీజ్ అడ్డుకుంటామంటున్న సుకుమార్
  • గొల్లభామ అంటే గొల్ల కులస్థులనుద్దేశించి కాదని, అదో కీటకమన్న సుకుమార్
  • దాన్ని గురించి ఆందోళన అనవసరం, మార్చేది లేదన్న సుక్కు
SUKUMAR CLARITY ON RANGAMMA SONG GOLLABHAMA

మెగా పవర్ స్టార్ రామ్ చరణ్, సుకుమార్ ల క్రేజీ కాంబినేషన్ లో వస్తున్న ‘రంగస్థలం’లోని ‘రంగమ్మ మంగమ్మ’ పాటలో యాదవ మహిళలకు కించపరిచేలా పదాలు ఉన్నాయని యాదవ హక్కుల పోరాట సమితి జాతీయ అధ్యక్షుడు రాములు యాదవ్ అభ్యంతరం తెలిపిన సంగతి తెలిసిందే. ఆ పాటలోని ‘గొల్లభామ వచ్చి నా గోరు గిల్లుతుంటే’ అనే లైన్‌ను తొలగించకపోతే తీవ్ర పరిణామాలు తప్పవని కూడా హెచ్చరించారు. అయితే దీనిపై ఆ సినిమా దర్శకుడు స్పష్టత ఇచ్చారు. ‘రంగస్థలం’ విడుదల తేదీ దగ్గరపడుతుండటంతో చిత్ర యూనిట్ ప్రచార కార్యక్రమాల జోరు పెంచింది. దీనిలో భాగంగానే దర్శక, నిర్మాతలు గురువారం మీడియా ముందుకు వచ్చారు.



ఈ సందర్భంగా సుకుమార్ మాట్లాడుతూ.. ‘రంగమ్మ మంగమ్మ’ పాటలో అభ్యంతరకర పదాలు ఉన్నాయనడం సమంజసం కాదన్నారు. ‘గొల్లభామ’ అనే మాట మనుషులకు సంబంధించింది కాదని, అది ఒక రకమైన పురుగు పేరని స్పష్టం చేశారు. ఈ విషయం అందరికీ తెలిసే ఉంటుందని అన్నారు. మరి సుకుమార్ వివరణతో అయినా ఈ వివాదానికి యాదవ హక్కుల పోరాట సమితి వారు తెరదించుతారో లేదో చూడాలి. వాస్తవానికి ‘గొల్లభామ’ పేరును వాడుకోవడం ఇది కొత్తేమీ కాదు. చాలా సందర్భాల్లో ఈ పేరును వాడారు. ఇదే పేరుతో తెలంగాణలో చేనేత చీరలను కూడా తయారుచేస్తున్నారు. అలాంటప్పుడు ఓ సినిమాపై ఈ పేరుతో వివాదానికి తెరలేపడం సరికాదని విమర్శకులు అంటున్నారు.

Follow Us:
Download App:
  • android
  • ios