బాహుబలి 2లో సూపర్ స్టార్
- బాహుబలి 2లో సూపర్ స్టార్
- సస్పెన్స్ పెట్టిన రాజమౌళి
- కీలక పాత్రలో బాలీవుడ్ సూపర్ స్టార్ నటించినట్లు సమాచారం
ప్రపంచవ్యాప్తంగా ఖ్యాతి గడించిన బాహుబలి -2 లో బాలీవుడ్ సూపర్ స్టార్ అతిధి పాత్రలో అలరించనున్నాడా.. అంటే అవుననే అంటోంది జాతీయ మీడియా. బాహుబలి-2 మూవీ రిలీజ్ కోసం దేశవ్యాప్తంగా ఫ్యాన్స్ ఎదురుచూస్తున్నారు. త్వరలో విడుదలకు సిద్ధమవుతున్న బాహుబలి -2 కి సంబంధించిన ఓ కొత్త విశేషం ఇపుడు హల్ చల్ చేస్తోంది. ఓ జాతీయ వెబ్ సైట్ అందించిన సమాచారం ప్రకారం బాలీవుడ్ సూపర్స్టార్ షారుఖ్ ఖాన్ ఈ చిత్రంలో అతిథి పాత్రలో కనిపించనున్నాడట. అయితే ఈ వార్తలపై ఇటు బాహుబలి దర్శకుడు జక్కన్న కానీ, అటు షారూక్ కానీ అధికారికంగా ఎలాంటి ప్రకటన చేయలేదు.
బాహుబలి మూవీ ఫస్ట్ పార్ట్ టాలీవుడ్ చరిత్రలోనే కాకుండా ఇండియన్ స్క్రీన్ పై ఓ విజువల్ వండర్గా నిలిచిపోయింది. 2015లో కలెక్షన్ల సునామీ సృష్టించిన బాహుబలి ప్రపంచవ్యాప్తంగా సుమారు రూ.600కోట్లకు పైగా వసూళ్లను రాబట్టింది. దీని పార్ట్ 2 అయిన బాహుబలి-2 (ది కన్క్లూజన్) ప్రస్తుతం పోస్ట్ ప్రొడక్షన్ పనులను శరవేగంగా పూర్తి చేసుకుంటోంది. ఏప్రిల్ 28న ఈ మూవీ థియేటర్లను పలకరించనుంది.
మరోవైపు బాహుబలిని మించి మరింత ప్రతిష్టాత్మకంగా బాహుబలి -2 తెరకెక్కిస్తున్నట్టు ఇటీవల రాజమౌళి ప్రకటించి మరింత ఉత్కంఠను రేకెత్తించారు. ప్రస్తుతం పోస్ట్ ప్రొడక్షన్ స్టేజ్ లో ఉన్న బాహుబలి -2 పై అంచనాలు భారీగా నెలకొన్నాయి. ముఖ్యంగా కట్టప్ప బాహుబలిని ఎందుకు చంపాడన్న దానిపై భారీ హైప్ క్రియేట్ అయింది. ఇక షారుఖ్ కూడా బాహుబలి2లో మెరిస్తే.. ఇక ఈసినిమా కలెక్షన్స్ ఏ రేంజ్ లో ఉంటాయో..