రజనీ, శంకర్‌ల '2.0' చరిత్ర సృష్టిస్తుందా? ప్రత్యేకత ఇదే

First Published 4, Dec 2017, 12:04 AM IST
rajini kanth robo 2 release date fixed
Highlights
  • రజినీ కాంత్, శంకర్ ల రోబో 2.0 చిత్రం విడుదల వచ్చే ఏప్రిల్ లో..
  • ఏప్రిల్ లో  రిలీజ్ కానున్నట్లు అధికారికంగా ప్రకటన
  • బాహుబలి రిలీజైన ఏప్రిల్ 27నే రోబో 2.0 కూడా..

సూపర్‌స్టార్‌ రజనీకాంత్‌, గ్రేట్‌ డైరెక్టర్‌ శంకర్‌ కాంబినేషన్‌లో వచ్చిన 'రోబో' ప్రపంచ వ్యాప్తంగా సంచలనం సృష్టించింది. మళ్ళీ ఇదే కాంబినేషన్‌లో రోబో చిత్రానికి సీక్వెల్‌గా రూపొందుతున్న '2.0' చిత్రంపై భారీ ఎక్స్‌పెక్టేషన్స్‌ వున్నాయి. ఆ ఎక్స్‌పెక్టేషన్స్‌కి తగ్గట్టుగానే ఇండియన్‌ సినిమాలోనే 450 కోట్ల రూపాయల భారీ బడ్జెట్‌తో, హై టెక్నికల్‌ వాల్యూస్‌తో హాలీవుడ్‌ స్థాయిలో లైకా ప్రొడక్షన్స్‌ సంస్థ ఈ చిత్రాన్ని నిర్మిస్తోంది.

 

ఈ చిత్రంలో బాలీవుడ్‌ స్టార్‌ హీరో అక్షయ్‌కుమార్‌ విలన్‌గా ఓ విభిన్నమైన పాత్ర పోషిస్తుండగా, ఎమీ జాక్సన్‌ హీరోయిన్‌గా నటిస్తోంది. తెలుగు, తమిళ్‌, హిందీ భాషల్లో రూపొందుతున్న ఈ చిత్రం షూటింగ్‌ పూర్తి చేసుకొని ప్రస్తుతం పోస్ట్‌ ప్రొడక్షన్‌ వర్క్‌ శరవేగంగా జరుపుకుంటోంది. ఈ చిత్రాన్ని 2018 ఏప్రిల్‌లో ప్రపంచ వ్యాప్తంగా విడుదల చేసేందుకు సన్నాహాలు చేస్తున్నామని లైకా ప్రొడక్షన్స్‌ క్రియేటివ్‌ హెడ్‌ రాజు మహాలింగం తెలియజేశారు.

 

ప్రముఖ సినీ విశ్లేషకుడు తరణ్ ఆదర్శ్ కూడా ఈ సినిమా అన్ని హంగులూ పూర్తి చేసుకుని ఏప్రిల్ 27న విడుదలవుతుందని ట్వీట్ చేశాడు. బాహుబలి ఏప్రిల్ 27,2017న రిలీజై సంచలన విజయం నమోదు చేసిందని, 2.0 కూడా అదే రోజు ఈ సంవత్సరం విడుదలై చరిత్ర సృష్టించబోతుందా అంటూ తరణ్ ఆదర్శ్ ట్వీట్ చేశాడు. ఇక ఇదే రోజున బాలీవుడ్ మూవీ ఎవెంజర్స్ కూడా భారత్ లో రిలీజ్ కానుంది. మొత్తానికి హాలీవుడ్ మూవీతో పోటీపడి సత్తా చాటేందుకు రజినీ,శంకర్ ల రోబో ముస్తాబవుతోందని తెలుస్తోంది.


సూపర్‌స్టార్‌ రజనీకాంత్‌ సరసన ఎమీ జాక్సన్‌ హీరోయిన్‌గా నటిస్తున్న ఈ చిత్రంలో బాలీవుడ్‌ స్టార్‌ అక్షయ్‌కుమార్‌ విలన్‌గా ఒక ప్రత్యేక పాత్ర పోషిస్తున్నారు. ఇంకా ఈ చిత్రంలో సుధాంశు పాండే, ఆదిల్‌ హుసేన్‌, కళాభవన్‌ షాజాన్‌, రియాజ్‌ ఖాన్‌ ఇతర పాత్రల్లో నటిస్తున్నారు. ఈ చిత్రానికి సినిమాటోగ్రఫీ: నిరవ్‌షా, సంగీతం: ఎ.ఆర్‌.రెహమాన్‌, ఎడిటింగ్‌: ఆంటోని, సమర్పణ: సుభాష్‌ కరణ్‌, లైకా ప్రొడక్షన్స్‌ క్రియేటివ్‌ హెడ్‌: రాజు మహాలింగం, నిర్మాణం: లైకా ప్రొడక్షన్స్‌, కథ, స్క్రీన్‌ప్లే, దర్శకత్వం: శంకర్‌.

loader