`కిట్టు ఉన్నాడు జాగ్ర‌త్త` కోసం లిరిక్ రైటర్‌గా రాజ్తరుణ్
- డ‌బ్బు కోసం కుక్క‌ల‌ను కిడ్నాప్ చేసే రాజ్ తరుణ్
- ప్రేమ కోసం ఏంచేసాడో చూపించే సినిమా
- సినిమాలోని జానీజానీ పాటకి లిరిక్స్ అందించిన హీరో రాజ్ తరుణ్
యంగ్ హీరో రాజ్తరుణ్ హీరోగా ఏ టీవీ స‌మ‌ర్ప‌ణ‌లో ప్ర‌ముఖ నిర్మాణ సంస్థ ఎ.కె.ఎంట‌ర్‌టైన్మెంట్ ఇండియా ప్రై.లి.బ్యాన‌ర్‌పై `దొంగాట` ఫేమ్ వంశీ కృష్ణ ద‌ర్శ‌క‌త్వంలో రామ‌బ్ర‌హ్మం సుంక‌ర నిర్మాత‌గా రూపొందుతోన్న చిత్రం `కిట్టు ఉన్నాడు జాగ్ర‌త్త`. ఈ హిలేరియ‌స్ ఎంట‌ర్‌టైన‌ర్‌ను మార్చి 3న విడుద‌ల చేయ‌డానికి నిర్మాత‌లు స‌న్నాహాలు చేస్తున్నారు. 2016లో హిట్ అయిన చిత్రాల్లో `ఈడోర‌కం-ఆడోర‌కం` త‌ర్వాత ఎ.కె.ఎంట‌ర్‌టైన్మెంట్స్ బ్యాన‌ర్‌లో రాజ్తరుణ్ న‌టిస్తున్న మ‌రో చిత్రం `కిట్టు ఉన్నాడు జాగ్ర‌త్త`.
ఈ చిత్రంలో రాజ్తరుణ్ కుక్క‌ల‌ను కిడ్నాప్ చేసే యువ‌కుడిగా పాత్ర‌లో క‌న‌ప‌డ‌నున్నారు. డ‌బ్బు కోసం కుక్క‌ల‌ను కిడ్నాప్ చేయ‌డ‌మే కాకుండా, ప్రేమ కోసం రాజ్తరుణ్ ఏం చేశాడో తెలుసుకోవాలంటే సినిమా చూడాల్సిందే. అనేక మ‌లుపుల‌తో, థ్రిల్లింగ్ ఎలిమెంట్స్‌తో ఉన్న ఈ సినిమా ట్రైలర్ ఇటీవ‌ల రిలీజై ట్రెమెండ‌స్ రెస్పాన్స్‌ను రాబ‌ట్టుకున్న సంగ‌తి తెలిసిందే.
యంగ్ మ్యూజిక్ ఢైరెక్ట‌ర్ అనూప్ రూబెన్స్ సంగీతం అందించిన పాట‌లు మార్కెట్లోకి విడుద‌ల‌వుతూ ప్రేక్ష‌కుల మ‌న‌సుల‌ను దోచుకుంటున్నాయి. ప్రేమికుల రోజున విడుద‌లైన అర్థ‌మైందా... . అనే పాట‌కు ప్రేక్ష‌కుల‌ను సూప‌ర్బ్ రెస్పాన్స్ వ‌చ్చింది. మ్యూజిక్ చార్ట్స్‌లో ముందు వ‌రుస‌లో నిలుచుకుంది. తాజాగా హీరో రాజ్తరుణ్ ఈ సినిమా కోసం పాట‌ల ర‌చ‌యిత‌గా అవ‌తారం ఎత్తాడు. `జానీ జానీ..` అంటూ సాగే ఈ పాట కోసం రాజ్తరుణ్ సాహిత్యం అందించ‌డం విశేషం.
గౌత‌మిపుత్ర శాత‌క‌ర్ణి వంటి హిస్టారిక‌ల్ సినిమాకు సంభాష‌ణ‌లు రాసిన రైట‌ర్ సాయిమాధ‌వ్ బుర్రా ఈ సినిమాకు ఫ‌న్నీ డైలాగ్స్‌ను అందించారు. రాజ్తరుణ్ స‌ర‌స‌న అను ఇమ్మాన్యుయల్ హీరోయిన్‌గా న‌టిస్తున్న ఈ చిత్రంలో బాలీవుడ్ సూప‌ర్‌స్టార్ స‌ల్మాన్‌ఖాన్ సోద‌రుడు అర్బాజ్ ఖాన్ ఈ చిత్రంలో న‌టిస్తుండ‌టం విశేషం. అలాగే హంసానందిని స్పెష‌ల్ సాంగ్ సినిమాలో స్పెష‌ల్ అట్రాక్ష‌న్ కానుంది.
రాజ్తరుణ్, అను ఇమ్మాన్యుయల్, నాగ‌బాబు, పృథ్వీ, ర‌ఘుబాబు, రాజా ర‌వీంద్ర, తాగుబోతు ర‌మేష్‌, ప్ర‌వీణ్‌, సుద‌ర్శ‌న్ త‌దిత‌రులు న‌టిస్తున్న ఈ చిత్రానికి క‌థః శ్రీకాంత్ విస్సా, డైలాగ్స్ః సాయిమాధ‌వ్ బుర్రా, ఎడిట‌ర్ః ఎం.ఆర్‌.వ‌ర్మ, ఆర్ట్ః అవినాష్‌, కెమెరాః బి.రాజ‌శేఖ‌ర్‌, స‌హ నిర్మాతః అజ‌య్ సుంక‌ర, ఎగ్జిక్యూటివ్ ప్రొడ్యూస‌ర్ః కిషోర్ గరిక‌పాటి, మ్యూజిక్ః అనూప్ రూబెన్స్, నిర్మాతః రామ‌బ్ర‌హ్మం సుంక‌ర, ద‌ర్శ‌క‌త్వంః వంశీకృష్ణ.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
